Daniel 3:17 - Biblia Mixe de Quetzaltepec

¹⁷ Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënäty ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Biblia Dc en Mixe de Quetzaltepec

¹⁷ Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Daniel 3:17 ပူးပေါင်းရင်းမြစ်များ

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Lucas 1:37

Tios, ka'ap tii tyajtsiptä'äky.

Hebreos 7:25

Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Tios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Jeremias 1:8

Ni pën xykyatsë'ëkëty, ëjts yajpataanpës mëët mijts ets n'ijx'ita'any nkëwent'ata'any. Ëjts, mëti'ipë Wintsën'ajtpën, ëjts ënaanp.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Salmos 115:3

Yë Tios jam yajpaaty tsajpjotm; yë'ë winë të tyajkojy të tpëjktä'äky ijxtëm yë'ë të tsojkën'atyën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Tios ja ja'ay ttsoky tjawën.

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Tios yajpaaty ma Israel ja'ayëtyën.

1 Samuel 17:37

Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënät ja Saúl y'ënëmaayë: Nëjkxts ets yë'ë Wintsën mputëkëtëp.

Génesis 18:14

¿Jä'ä jëtää winë mëti'ipë Wintsën tsip jya'awëpë? jajëmëjt jatëkok yaa min nku'ix nkukajpxëtë. E yë Sara jajëmëjt nëjkx tpaaty t'ixy yë u'unk maay.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Job 34:29

E ko Tios näjyëtu'un y'ëmoonpëty, ¿pën tëytyunëp? Pën yë'ë näyu'tsëp ¿pën winë y'ixëp? Yë'ë y'ijx'ijtyp Kyëwent'ajtyp yë naax kajpn ets ja'ay

Salmos 73:20

Ko ënäty mijts mpëtë'ëky, Wintsën, jëtu'un tä ja'ay myä'äypyëti'ikyën, ënät nëjkx ka'ap ninu'un xy'ixa'any tääpë ja'ayëty mëti'ipë tëkatsy ja jyot wyinma'anyëtyën.

Génesis 17:1

Ko ënäty yë Abram yë jyëmëjnë majkta'px majkmokx majktaxk, ënäty yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

2 Corintios 1:10

Ets ja Tios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

Salmos 37:40

Yë Wintsën yë'ë putëjkëyëtëp ets kyä'äktëty tsipjoty. Yë'ë tukukäkëtëp yë ëxëëkja'aytyëjk ets tsyo'oktëty, jä'ä ko ma yë'ëjën jam t'ixta'atë ja kuwa'anën.

Jeremias 15:20

Ëjts, jëtu'un mijts nyajnaxa'any ma ya'atë naax kajpnën tä tu'uk yë mëjpotsyën mëti'ipë oytyunyën mëët yë tsuxkpujxn ka'apë yajmayën. Oy jënu'un mmëtsip mjanipëtë'ëkëtëty, mijts ni pën mkamayä'änyë, jä'ä koos mijts nyajtso'okäämpy ets nyaj'ëwaatsëpëtsëma'any. Ëjts, mëti'ipë Wintsën'ajtpën, ëjts ënaanp.

Jeremias 15:21

Nëjkxëp nyajtso'oky ma ja ëxëëkja'aytyëjk y'ëtë'ëtstën y'ëna'antën, nëjkxëp nkuwa'any ma ja ja'ayëtyën mëti'ipë je'eyë jëën tsip tyäty tsyojktëpën.

Daniel 3:26

E ko jëtu'un kyajpxtaay, ënät ja Nabucodonosor ojts jam nyijkxy jëënjut ëkë'ëm ets mëk yujk'ënany: Sadrac, Mesac ets Abed-negó, miitsëty, Tios Ni'ik Këjxmëpë m'u'unk'ajtëtëp, pëtsëmtë jap ets yam mintë. Ënät nitëkëëk pyëtsëëmtaaytyë jap jëënjutjoty,

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënäty ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Tios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Daniel 6:23

Ënät ja yajkutujkpë mëk xyoontäky ets ojts tim ënätyë tni'ënä'ämë ets ja Daniel tjuutëty jap kemyjoty. Ko tyajpëtsëëmtë jap ka'ap maa ja Daniel tsyëtyutëty ets ka'ap maa wi'ix të jyäty, mëët jä'äkyëjxm ko ja Tios yë'ë tu'ukyë tuk'ijxpejty.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Salmos 37:39

Yë putëjkën mëti'ipë oyjyä'äytyëjk yajmo'ojantëpën jam tsyoony ma Wintsënën, mëti'ipë tsoktakn wyantëpën ko tii ëyo'on tpaatë.