Daniel 2:48 - Biblia Mixe de Quetzaltepec

⁴⁸ Ënät ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Biblia Dc en Mixe de Quetzaltepec

⁴⁸ Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Daniel 2:48 ပူးပေါင်းရင်းမြစ်များ

2 Samuel 19:32

Mëjja'ay ënäty oynyë, jä'ä jyëmëjt majkta'px. Mapaat ja yajkutujkpë y'ijtyën jam Mahanaim, yë'ë ojts winë tmooytyä'äy mëti'ipë nyi''ijtën, jä'ä ko yë'ë kumeenyjyä'äy ënäty oy.

2 Reyes 5:1

Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënäty may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënäty të tkäjpxykyumëtoownaxtë ja Tios, ka'ap të tkupëktë ets tmëmëtowtëty.

Daniel 2:6

E pën miitsëty xytyuk'ëwa'anëtëpës wi'ix nyiwijyën yë nkuma'ayës, myajmo'otëp yë näynyamo'ojë ets näykyumayë, ëpëky myajmo'otëty yë mëju'uyënëty. Paaty miitsëty yam n'ënëëmëtë ets xytyuk'ëwaanëtyëtyës wi'ix jëtu'un yë nkuma'ayës nyiwijy.

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Daniel 3:12

E tëëjës n'ixtës, ko tää yë jutië ja'ayëty mëti'ipë yë yajkutujkpë jam yajtuumpyën ma kutujktaknën ets y'ënä'ämtëty ma Babilonyë kajpn tnitänën, yë'ëjëty ka'ap ninu'un tmëët'atë ma mijtsën yajkutujkpë, ka'ap t'ëwtatë yë tios mëti'ipë n'ëwtajtëmën ets ka'ap t'ëwtatë ja awinax mëti'ipë mijts yajkutujkpë të xynyi'ënä'ämën kyojëty. Yë'ë yë Sadrac, Mesac ets Abed-negó.

Daniel 3:30

Ënät ja yajkutujkpë ojts tmo'oy tyaapë ëna'ktëjkëty këjxmëtypë tuunk ma ja kyutujktaknën ets ojts näjyëtu'un y'ënä'ämtë ma ja itjot tnitänën ja Babilonyë.

Daniel 4:6

Ënätës nikajpxëtyääy ja wijyjyä'äytyëjk mëti'ipë yajpatëpën ma Babilonyë kajpnën, etsës xytyukmëmëtya'aktëty wi'ix ja nkuma'ayës nyiwijyën.

Daniel 4:9

Mijts Beltsasar, mëti'ipë nyiwintsën'ajtypyën yë wijyjyä'äytyëjkëty, wa'atsës nijawë ko mijts Tios mnë'ëwinwoow mtu'uwinwoowëp ets mnija'awëtyääpy mëti'ipëjaty tsipën. Mëtoow'it mëti'ipë nwinkuma'ayën ets xytyukmëmëtya'akëtyës wi'ix nyiwijyën.

Daniel 5:11

ma kutujkëntaknën tam tu'uk yë ja'ay yajpaaty mëti'ipë tu'uwinye'eyëpën yë Wintsën yë myëj'ajtën y'oyajtën. Ko ijty yë'ë ja mteety kyutujkpë'aty tääpë ja'ay ojts tyaj'ixyë wi'ix wyijyëtyën ets wi'ix y'ijxpëkyëtyën, jëtu'un yaj'ijxy tiosën. Paaty yë Nabucodonosor yajkutujkpë ojts yë'ë tpëjktä'äky ets tniwintsën'atëty yë wijyjyä'äytyëjk, najtsja'apëtëjk, ijxpëkytyëjk ets xëëwmyääpyëtëjk mëti'ipë yajpatëpën ma Babilonyë naaxwiinyëtë tnitänën,

Daniel 5:16

E tëëtsës nmëtoy'äty, ko mijts mkajpxtë'kxyp winma'any mëti'ipë tsipën. Pën mijts maayëp xykyajpxëty xiipë këxja'ay y'ityën ets pën xytyuk'ëwa'anëtëpës wi'ix nyiwijyën, myajtukxoxëp yë tsapts yëk wit ets myajtukyo'ktëyëp yë pu'ts pujxn yo'kjän ets nëjkxëp myajtuknipëky ets mijts m'ënä'ämëty ma ja ënä'ämtäknën mëtëkëëkpë nyäxymyëtyën.

Daniel 5:29

Ënätyë ja Belsasar yajkutujkpë ni'ënä'ämëy ets ja Daniel yajtukxoxëty ja wit tsaptsëtypë ets yajtukyo'ktëyëty ja pu'ts pujxn yo'kjän ets tuk'ëwa'anëtyääy ja mayjyä'äy ko ja Daniel jä'ä najxp yajkutujkpë ma mëtëkëëkpë ja kutujktaknën.

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënäty të nwin'ixyën, jä'ä ko ka'apës ënäty oy nwinjawë wi'ixës jyaniwija'anyën.

Números 24:11

Nik timwinpit jatëkok ma mnaax mkajpnën, ëjts tëëjës ënäty ntuknipëjktaakë ko mijts mëj këjää winë nmo'oja'any nkäxa'any, yë'ë Tios jëtu'un kya''a'ijxëp.

1 Samuel 17:25

ets y'ënantë: ¿Tëë xy'ixtë tääpë ja'ay të pyëtsimyënë? Xëmë jëtu'un tyajjoot'anpëky yë Israel ja'ayëty. Pën näy'a'ijxëyëp tsyiptunëty mëët ets pën yaj'o'kpy tääpë ja'ay xëmë pyëtsimyën winjëpom, yë yajkutujkpë mëj nëjkx myo'oyë wit meeny, nëjkxëp myo'oyë tu'uk ja nyëëx ets yë'ë to'oxytyëjk'atëty ets ja tyeety tyaak ja ja'ay ka'ap nëjkx ja y'ayajk y'ako'onën t'ëkyajknë.

1 Samuel 2:8

Tios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

1 Samuel 25:2

Jam Maón jam ijty tu'uk yë kumeenyjyä'äy tsyëënë, jä'ä yë kupixyny tmëëtëty tëkëëk mil ets tsyajppax tu'uk mil; jam tyooky yäky mëj kajpnjotm ma txëëwatyën Carmel. Jam ma xëmë tnikeepy tniwixyën ja kyupixyny.