Daniel 12:6 - Biblia Mixe de Quetzaltepec

⁶ Nitu'uk yë'ëjëty të tyajtëy ja mëti'ipë linë wit wyit'ajtypyën, mëti'ipë ënäty jam nëëwinkëjxy yajpatpën: ¿Jëna'a jëtäätën tyaapë y'atëwa'any mëti'ipë yam n'ijxëmën ka'ap nijëna'a yaj'ixynyëmën?

Biblia Dc en Mixe de Quetzaltepec

⁶ Nitu'uk yë'ëjëty të tyajtëy ja mëti'ipë linë wit wyit'ajtypyën, mëti'ipë ënety jam nëëwinkëjxy yajpatpën: ¿Jëna'a jëtäätën tyaapë y'atëwa'any mëti'ipë yam n'ijxëmën ka'ap nijëna'a yaj'ixynyëmën?

Daniel 12:6 ပူးပေါင်းရင်းမြစ်များ

Salmos 74:9

Ka'ap maa tii n'ëk'ijxnëtës ja mëti'ipë kënu'kxyën, ka'ap ma pën käjpxynyajxpënë mëti'ipë nyikajpxëpën tii ja Tios tyunäämpyën, ets ka'ap ëëtsëty nijawëtë mapaat jëtu'un y'ita'any.

Ezequiel 9:2

Ënätës të n'ixy nitëtujk ja ja'ay tyëkëtë jam ma tëjkëtyaknën anëkëjxytsyow, aaktam tkë'ëkap'atë yë pyujxnëty mëti'ipë myëtsiptunantëpën. Tam näjyëtu'un itkujky tu'uk ja ja'ay nyijkxy yë'ë wyit'ajtyp linë wit, tam tmëëtëty wyëënkëjxy mëti'ipë tyukjääpyën. Ënät të tyëkëtë jap tsajptëkoty ets të wya'ak'oyëtë ma ja wintsë'këntyaknën mëti'ipë tsuxkpujxn mëët y'oytyunyëtyën.

Daniel 12:5

Ëjts Daniel, tëëjës wiinkpë ja'ay nimäjtsk n'ixy jam tyänëtë nëë'ëkë'ëm, tu'uk yaatsow ets tu'uk jamtsow.

Daniel 12:8

Tëës njamëtoy ko kyäjpxy je'eyëp ëjts nijënu'unës të nkaja'akyukë. Ënätës të nyajtëy: Wintsën, ¿tiijën tunan jatanëp ko ya'atë jëtu'un kyixy nyäxy?

Daniel 8:13

Ënätës të nmëtoy ko tu'uk tsajpjotmëtë kukäjpxy tyajtëy ja myëku'uk: ¿Jëna'a jyëjpkëxa'any ya'atë mëti'ipë yaj'ijxpën ma wintsë'këntyaknën ma yajyäkyën winjëpom yë wintsë'kën? ¿Jëna'apaat pyo'oxa'any yë nëë poky ma Wintsën yë tsyajptëjkën ets mëpëjkpëtëjkëty, ets je'eyë yaj'atään yajtuktäänëty?

Daniel 8:16

etsës të nmëtoy kyäjpxy ja'ayën jap ma Ulai mëjnëëjën, jëtu'un y'ënä'äny: Gabriel tukmëmëtya'ak ya'atë ja'ay wi'ix nyiwijyën yë wyinkuma'ay.

Mateo 24:3

Tam ënäty ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënäty mijts miny ets ko ja naaxwiinyëtë ënäty kyukëxë?

Marcos 13:4

Jëna'a nëjkx jëtu'un jyäty kyëpety, ets tii ijxwë'ëmën nëjkx yaj'ixy ko ënäty jëtu'un jyata'any.

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Tios ja wyijy'ajtën kyejyajtën mëti'ipë kanaakjëjp nikëxë'kpën.

1 Pedro 1:12

Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

Apocalipsis 15:6

Japts pyëtsëëmtë niwëxtujk ja tsajpjotmëtë kukäjpxy mëti'ipë myëmiintën wëxtujkpëky ja ëyo'on. Janty aak'oy ja wyitëty, aak wa'ats xyoxy'atë ets aak ajajtëp aak atsëmaamtëp wyitëty, aak pu'ts pujxn wëën kyätsywyëën'ajtëp.

Apocalipsis 19:14

Ets ja tsiptuunpëtëjk tsajpjotmëpë pyaye'oyë, janty oyëty ja wyit yaj'ixtë, janty poopëty, janty wa'atsëty ets aak poop këwaaykyëjxm y'u'unyëtë.

Apocalipsis 6:10

Ets mëk y'ëna'antë: Janty oy, janty wa'ats mijts, Tios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?