Daniel 12:2 - Biblia Mixe de Quetzaltepec

² May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Biblia Dc en Mixe de Quetzaltepec

² May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Daniel 12:2 ပူးပေါင်းရင်းမြစ်များ

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Ezequiel 37:12

E oy, tukmëkajpx yë nxëëwës ets xy'ënëëmëty: Naax kajpn mëti'ipës nnaax'ajtyp nkajpn'ajtypyën, nyaj'ëwatsta'ajäämpyës yë m'o'kpë jut; eetsës nyajpëtsëëmtaja'any yë o'kpëpajk ets jatëkok juuky wyimpitëty ma mnaax mkajpnën.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Hechos 24:15

Nmëpëjkpyës ja Tios näjyëtu'un ijxtëm yë'ë tmëpëktën, ko ja Tios ja o'kpë jatëkok tyajjuukpyiky, mëti'ipë oy ka'oy të jyuuky'atën.

1 Tesalonicenses 4:14

Jëtu'un ijxtëm nmëpëjkëmën ko Jesús y'o'ky ets ojts jyuukpyiky, jëtu'un näjyëtu'un nmëpëjkëmë ko Tios tyajjuukpyëka'any ja o'kpë mëti'ipë të tmëpëktën ja Jesús.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënäty nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënäty o'ktëy jyatë kyëpätë.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Romanos 9:21

Ja tu'ts pojtspë myëët'ajtyp ja kutujkën ets ja mo'onts tpotsëty wi'ix tuknipëjktaakën, nän yë'ë mo'onts yajtunëp ets tu'uk ja tu'ts tpotsëty mëti'ipë ka'ap oy najëna'a tyunëtyën ets mëti'ipë xëmë tunëpën.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.