Daniel 11:37 - Biblia Mixe de Quetzaltepec

³⁷ Ya'atë yajkutujkpë ka'ap nëjkx tmëjpëjktä'äky ja Tios mëti'ipë y'aptëjk y'ëwtajtën ets ni yë'ë nëjkx tkamëjpëjktä'äky ja tios mëti'ipë ja to'oxytyëjktëjk y'ëwtajtëpën ets mëti'ipë tios nëjkx tkamëj'ixy, jä'ä ko yë'ë mëj nëjkx ni'ik nyäyajnaxyë këtiinëm jyëtu'un'atë ja tiostëjkëty.

Biblia Dc en Mixe de Quetzaltepec

³⁷ Ya'atë yajkutujkpë ka'ap nëjkx tmëjpëjktä'äky ja Dios mëti'ipë y'aptëjk y'ëwtajtën ets ni yë'ë nëjkx tkamëjpëjktä'äky ja tios mëti'ipë ja to'oxytyëjktëjk y'ëwtajtëpën ets mëti'ipë tios nëjkx tkamëj'ixy, jä'ä ko yë'ë mëj nëjkx ni'ik nyäyajnaxyë këtiinëm jyëtu'un'atë ja tiostëjkëty.

Daniel 11:37 ပူးပေါင်းရင်းမြစ်များ

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Tios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Tios ja myëj tsajptëjkën ets jap yajpaata'any nyätyija'anyë ko Tyiosëty.

Isaías 14:13

Mijts, ojts jëtää mjamay mjatajy: Ëjts koonëmës nja'ta'any tsajpkëjxm; etsës jam npëjkta'aka'any yë nkutujktakn ma Wintsën tyaj'ityën myëtsa'a; jam anëkëjxmtsow jamës ntsëënëja'any, jam ma y'itën yë wintsëntëjkëty mëti'ipë ja'ay y'ëwtajtëpën.

1 Timoteo 4:3

Ya'atë ja'ayëty yajkupojktëp ja pëjkën ukën, ja kääky uuky mëti'ipë ja Tios të tuknipëjktaakën ets ja mëpëjkpëtëjk tkaytyëty t'uuktëty mëti'ipë nyija'awëtëpën ja tëyajtën ets tkukajpxëtëty.

Ezequiel 24:16

Tu'ktonyë yam mpëjkëja'any ja ja'ay mëti'ipë mëk mtsojkpy mja'apën. Je'eyëp ko ka'ap ok mya'axëty; ka'ap yë mwiinnëë kya'ajëty.

Cantares 7:10

Ëjts jëtu'unës të naxy tä tu'uk yë tsojkën ja'awënën mëti'ipë yë ye'etyëjk, mëti'ipës ntsojkpyën y'oy'ijxypyën.

Deuteronomio 21:11

Ets jam pën ma miitsëtyën t'oy'ixëty tu'uk yë to'oxytyëjk, mëti'ipë ënäty të yajtsumyën ets yajxon tsojkën'atëty, mëët ko y'oyëty tsyujëty ets twowëty ko tëë jyot wyinma'any tpëjktä'äky ko tmëëtsëënëja'any.

Deuteronomio 5:21

Ka'ap yë mëku'uk yë tyo'oxytyëjk xy'atsojkëty. Ka'ap xy'atsojkpëty yë jyëën tyëjk, kyam tyu'u, myëtuunpë kyupëjkpë, jyëyujk tsyajpkaa ets tëkokyë tii myëët'ajtypyën, nitii xykya''atsojkëty.

Génesis 3:16

Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënäty jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kutujkën ma mijtsën.

Génesis 3:5

Yë Tios wa'ats tnijawë, ko tääpë ujtstëëm xyjyë'kxtëty, nëjkxëp xynyijawëtë mëti'ipë oy ka'oyën. Tä nëjkx tu'kë'ëyë winë xynyija'awëtya'atë ets nëjkx mja'ay'atë tä Tiosën.

Daniel 8:11

ojts tsipwinkajpxë ja mëti'ipë nyiwintsën'ajtypyën ja tsiptuunpëtëjk; ojts may tyaj'atëkoy ja wintsë'kën jëpom jëpompë yajyäkyën ets ojts tyaj'ëxëëkë ja tsajptëjk.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Tios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Tios tyuknikexyë ja tëytyu'unën; jä'ä ko mëti'ipë yë Tios të tuknipëjktaakën tyunäämpy yë'ë.

Daniel 11:38

Je'eyëp tëy ko yë'ë nëjkxëp ja tios t'ëwtaty mëti'ipë nyitios'ajtypyën ja naax kajpn ta'tspëkpyë ets napotsypë; yë'ë nëjkx ya'atë tios t'ëwtaty mëti'ipë ja y'aptëjk ka'ap t'ëwtajtën ets nëjkx tukwintsë'ëkë yë pu'ts pujxn, poop pujxn, oyëtypë tsaa ets mëti'ipë tsowëtyën.

Isaías 14:14

Nwinaxäämpyës ja yoots këjxmëtypë; wäänë këjxmës nja'ta'any jëtu'un tä ja Ni'ik Këjxmëpën.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.