Daniel 11:36 - Biblia Mixe de Quetzaltepec

³⁶ Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Tios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Tios tyuknikexyë ja tëytyu'unën; jä'ä ko mëti'ipë yë Tios të tuknipëjktaakën tyunäämpy yë'ë.

Biblia Dc en Mixe de Quetzaltepec

³⁶ Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 11:36 ပူးပေါင်းရင်းမြစ်များ

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Tios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Tios ja myëj tsajptëjkën ets jap yajpaata'any nyätyija'anyë ko Tyiosëty.

Daniel 8:19

ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënäty ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Tios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Tios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Daniel 11:16

Ja mëtsip nëjkxëp winë tuntë ijxtëm ja tyimjot tyimwinma'anyëtyën, ni pën nëjkx kyamayë wyinkuwa'akëtëty, yë'ë nëjkx jam wyi'im ma ja naax kajpnën oypyë tsujpë ets wa'ats tyajkutëkooytya'aja'any winë ma ënäty nyäxyën.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Isaías 14:13

Mijts, ojts jëtää mjamay mjatajy: Ëjts koonëmës nja'ta'any tsajpkëjxm; etsës jam npëjkta'aka'any yë nkutujktakn ma Wintsën tyaj'ityën myëtsa'a; jam anëkëjxmtsow jamës ntsëënëja'any, jam ma y'itën yë wintsëntëjkëty mëti'ipë ja'ay y'ëwtajtëpën.

Apocalipsis 10:7

Ko ënäty ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Tios ënäty yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.

Salmos 136:2

Mo'otë yë kukajpxën ja'awëkyëtakën yë Tios mëti'ipë nyiTios'ajtypyën wiinkëtypë tios, jä'ä ko tsyojkën jya'awën winë xëëw winë jëmëjt y'ijtëy.

Apocalipsis 17:17

Tios të wyinma'anymo'ojëtë ets tuntëty mëti'ipë tsyojkpyën ko ënäty tu'ukyë ja winma'any tmëët'atë. Ënät ja kyutujkën tmo'otëty ja mëj jëyujk koonëm tpaatëty ijxtëm ja Tios të tuknipëjktaakën.

Apocalipsis 17:3

Ënät ja tsajpjotmëtë kukäjpxy, mëti'ipë ja Kënu'kxymyëkajtën xytyuk'ijxpënës ojts xyajnëjkxyës jam të'ëts'itjotm. Jam n'ijxyës ja to'oxytyëjk tuk'u'unyë ja mëj tsapts jëyujk mëti'ipë ujts nyini'kxën mëët ja ëxëëk ayuk mëti'ipë ja Tios tyukni'ojëpën ets wëxtujk ja kyëpajk ets majk ja wyaj.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënäty të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.

Hechos 4:28

Jëtu'un winë të tuntë ijxtëm ënäty mijts të xytyuknipëjktaakën tyunëtëty jyatëtëty.

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Tios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Tios juukpyë të tukajpxpety ets të y'ënä'äny: Ma ënäty tëkëëk jëmëjt ja kujkm të nyäxyën, ma ënäty o'ktëy të yajtuunta'ayën ja kyutujkën ja Tios ja kyajpn, ënätnëm nëjkx ya'atë ëyo'on kyixy nyäxy.

Daniel 11:3

Ok myina'any tu'uk yë yajkutujkpë mëti'ipë je'eyë tsiptunaanpën ets tyajkëjääjëja'any yë kyutujktakn ets jëtu'un winë tuna'any tä tyimjot tyimwinma'anyën.

Daniel 8:4

Të n'ixyës ko ja kupixyny ayääkë jamtsow ja wyaj tnajtstijë maatsow yë xëëw pyëtsimyën, ënëkëjxytsyow ets ëpa'tkë'ëytsyow ets nitu'uk ja jëyujk kyawinkuwa'akëty ets nitu'uk kyanäy'a'ixëty mëët tsyiptunëty. Jëtu'un tä

Daniel 7:8

Yë'ëjës ënäty jam ja wyaj n'ijxëp ko të n'ijxpaatyës wiinkpë wyaj jam itkujky ma ja majkpë yajpaatyën je'eyëp ko mutsk, ënät të yajnëtëjy tëkëëk ja wyaj ets të nyi'ëwaatsë ja mëti'ipë ok të pyëtsimyën, jëtu'un yë wyiin ja'ayën ets amëk yo'k mëk kyäjpxy.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënäty ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënäty jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Tios të tyajkutukyën.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Josue 22:22

Yë Wintsën, mëti'ipë nyiTios'ajtypyën wiinkëtypë tiosëty, wa'ats tnijawë ko ëëtsëty ka'apës ya'atë wintsë'këntyakn të nyajpëtë'ëktë mëët ko nkäjpxykyumëtoownaxtës ëkë ko n'ëxmatstës. Yë'ë nyija'ap wa'ats ets tyam miits ntuknijawëtë; e pën kajts jyëtu'unëty, yaj'o'ktëkës.

2 Tesalonicenses 2:3

Këtii myajwin'ëëntëty niwi'ix'äämpy, jä'ä ko jëyëjp ja Tios yajnipëtë'ëka'any, ja ja'ay mëti'ipë pokyën jä'ä jëtu'un ëtë'ëtsaanp.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënäty myiny mëët ja y'ajaj y'atë'kxën.

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Tios wiinkjaty yajtijp.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.

Daniel 5:19

Mëët ja kutujkën mëti'ipë yë Tios mmooyën, ojts yë ja'ay myintë ma yë'ëjën wiink naax wiink kajpnëpë tsyoontën ets mëk twinkutsë'këtyë. Ets yë'ë yaj'o'ky ëkë yajjuuky'äjtyp ijty mëti'ipë yë'ë tsyojkën'ajtypyën; ojts tyajwinpety mëti'ipë y'a'ijxëyën ets ojts tyajnaaxkëtä'äky mëti'ipë näjyëtu'un y'a'ijxëyën.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënäty myëët'ajtypyën ma yajkutukyën.

Daniel 11:37

Ya'atë yajkutujkpë ka'ap nëjkx tmëjpëjktä'äky ja Tios mëti'ipë y'aptëjk y'ëwtajtën ets ni yë'ë nëjkx tkamëjpëjktä'äky ja tios mëti'ipë ja to'oxytyëjktëjk y'ëwtajtëpën ets mëti'ipë tios nëjkx tkamëj'ixy, jä'ä ko yë'ë mëj nëjkx ni'ik nyäyajnaxyë këtiinëm jyëtu'un'atë ja tiostëjkëty.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 10:23

Ja Wintsën mëti'ipë maaytyääyëpën winë, tëë tuknipëjktaakë ko tyajkutëkoyä'äny ja Jerusalén kajpn ets mëtëy y'ënä'äny.

Isaías 14:14

Nwinaxäämpyës ja yoots këjxmëtypë; wäänë këjxmës nja'ta'any jëtu'un tä ja Ni'ik Këjxmëpën.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 57:9

Pëyi'ikyë ojts xynyinëjkxy ja tios Mélec ets oyjätyëty ja pa'akxu'kpë tsooy të xymyënëjkxy; jëkämpaat xykyejxy yë mtuunpë ets xynyikäjxëy ets myinëty, koonëm xyajkuka'anajxy jap ma o'kën yajkutukyën.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Zacarías 11:16

Jä'ä ko npëjkta'akäämpyës tu'uk yë kupixyny këwent'ajtpë mëti'ipë nëjkx tyaj'aye'ewya'kxta'ayën yë kupixyny, ka'ap nëjkx oykyëwent'aty. Mëti'ipë ënäty tëkoopyën ka'ap t'ixta'aja'any ets mëti'ipë ënäty të tsyëtyutyën ka'ap tyajtsooypyäta'any, ets ka'ap tyajë'kxa'any mëti'ipë ënäty ja yuu'o'këpën, ni'ikyë nëjkx tyaj'ooky ja ni'kxatypë ets nëjkx tsyu'utsy kyäy, yë'ëpaat nëjkx ja kupixyny ja tyekyxyooky tsu'tsënë.