Daniel 11:30 - Biblia Mixe de Quetzaltepec

³⁰ Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënät nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënäty ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Biblia Dc en Mixe de Quetzaltepec

³⁰ Yë tsyiptuunpëtëjk yë'ë nëjkx wyinkuwa'akëty yë ja'ayëty mëti'ipë tso'ontëpën maatsow yë xëëw kyëtä'äkyën, kepytyëjk nëëwinye'epyëjoty nëjkx nyiminyë ets mëët yë tsë'ëkë nëjkx tyäty kyä'äktë. Ënet nëjkx ja yajkutujkpë anëkëjxytsyowpë tukjoot'anpëky ja käjpxytyu'unën wa'atspë, yë'ë nëjkx tkajpxpäjtën'aty ko ënety ja ja'ayëty të kyamëjwa'kpetyë mëti'ipë myëjpëjktaktëpën ja käjpxytyu'unën.

Daniel 11:30 ပူးပေါင်းရင်းမြစ်များ

Génesis 10:4

Yë y'u'unk y'ëna'k yë Javán jä'ä ojts txëëwatë Elisá, Tarsis, Quitim ets Rodanim.

Números 24:24

Jam Chipre nëjkxëp jam tsyoony mëjjatyëtypë kepy nëëwinye'epyë ets min tyaj'atëkoytyë yë Asiria kajpn ets Éber kajpn, jä'ä ko yë Éber kutëkoyaanp näjyëtu'un.

Daniel 11:28

Ja yajkutujkpë anëkëjxytsyowpë nëjkxëp jatëkok wyimpity ma ja nyaax kyajpnën ets tmënëjkxta'aja'any mëti'ipë ënäty të tpaatyën ma tnitëkën ja naax kajpn ets mëtsip y'awinpita'any ma ja käjpxytyu'unënën wa'atspë; nëjkxëp ja wyinma'any tukpëtsëmy ets nëjkx jatëkok wyimpijtkojnë ma nyaax kyajpnën.

Jeremias 2:10

Nëjkxtë jam mejy awinaxy ets ixtë tuntë; käxtë oypyënëty, yajxon t'ixëty tunëty pën tëë jam muum jëtu'unpë tyunyë jyätyë.

Isaías 23:12

Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Apocalipsis 12:12

Itë akujk jotkujk, miitsëty mëti'ipë ijtëpën tsajpjotm. Je'eyëp ko miitsëty ja'ayëty mëti'ipë tsënaaytyëpën mejypyë'aay, mon tuk myajpaatë, jä'ä ko tëë ja ku'oypyë mniminëtë a'äkë, ko të tnijawë ko wäänë ja tiempo tjaakmëët'aty.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Daniel 7:25

Nëjkxëp ja Tios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Tios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Tios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënäty yë'ë nyi'ënä'ämëpën.

Ezequiel 27:6

ja kepy mëti'ipë myajtuka'pën ets nëëwiinkëjxy mye'ey yë'ë ja nuez kepy mëti'ipë Basán tso'onpën; yë mniwop'ajtyp yë'ë ciprés kepy jampë Chipre tsyoonyën ets yë'ë mëët të yaj'awojpmuky yë elefantë y'apajk.

Nehemías 6:12

Ojtsës ënätyë n'ixy ko ka'ap ja jyä'äjëty yajkäjpxyë ja Wintsën, jä'ä paatyën ja jëtu'unpë winma'any tpatpë jä'ä tëëjëk ënäty ja Sambalat ets ja Tobías myeeny mo'oyë etsës xy'ëtsë'ëkëty;

1 Crónicas 1:7

Jä'ä Javán y'u'unk y'ëna'k xyëëwajtë: Elisá, Tarsis, Quitim ets Rodanim.

Daniel 11:29

Ko ënäty tpaaty ja xëëw jëmëjt ma të tuknipëjktaakën, ënät nëjkx jatëkok tkexy ja tsyiptuunpëtëjk ëpa'tkë'ëytsyow; je'eyëp ko yë'ë ka'ap nëjkx y'ëkmëtaknë tä ënäty të myëtä'äkyën mëjëyëjp.