Daniel 11:26 - Biblia Mixe de Quetzaltepec

²⁶ Ja ja'ayëty mëti'ipë ënäty yajkääpy yaj'ukpyën ma kyääypyäjnën, yë'ë nëjkx ëxëëk yajjatyë, jä'ä ko ja tsyiptuunpëtëjk ka'ap nëjkx myëta'aktë may y'ooka'antë.

Biblia Dc en Mixe de Quetzaltepec

²⁶ Ja ja'ayëty mëti'ipë ënety yajkääpy yaj'ukpyën ma kyääypyäjnën, yë'ë nëjkx ëxëëk yajjatyë, jä'ä ko ja tsyiptuunpëtëjk ka'ap nëjkx myëta'aktë may y'ooka'antë.

Daniel 11:26 ပူးပေါင်းရင်းမြစ်များ

Daniel 11:10

E yë y'u'unk y'ëna'këty yë yajkutujkpë mëti'ipë anëkëjxytsyowën, yë'ë nëjkx tma'kxtë yë jyä'äy mëti'ipë tsiptuntëpën. Ets tu'uk nëjkx tuknipëjktaakë tnitëkëja'anëty ja yajkutujkpë mëti'ipë ëpa'tkë'ëytsyowën ets nëjkx tyajkutëkoy ja naax kajpn tä jeexyë nëëkom të nyäxyën; ets nëjkxëp jatëkok tnitëkë ja naax kajpn jampaat nëjkx jyä'ty ma ja kutujktaknën jampë yajpaatyën ëpa'tkë'ëmtsow.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Marcos 14:20

Ënät ja Jesús y'ëtsooy: Yë'ë tu'uk ja nimajkmäjtskpë mëti'ipë nän jap ja tsyajpkääky y'amujëpën maas yë ntexyën.

Mateo 26:23

Ets ja Jesús y'ëtsoowëtë: Mëti'ipës mëët nkaaymyukyën, yë'ëjës xykyë'ëyakaanpën.

Daniel 11:40

Ko ënäty tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Daniel 11:22

Yajkutëkooytya'ajäämpy ja kutujkën mëti'ipë ënäty ëwa'ktujkëpën ets yaj'ookäämpy ja mëti'ipë ja käjpxytyu'unën nyikopk'ajtypyën.

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

2 Reyes 8:14

Ënät ja Hazael ojts nyäjyëkajpxënë mëët ja Elisejë ets ojts wyimpijnë jatëkok ma ja wyintsënën ets yajtëëwë ko jam jyä'äjty: ¿Wi'ix yë Elisejë të m'ënë'ëmxëty? Jëtu'unës të xy'ënëëmës ko mtso'okaanpëk yë'ë.