Daniel 10:8 - Biblia Mixe de Quetzaltepec

⁸ Nätyu'ukës të n'ixy tyaapë kuma'ay. Tsuxk wi'ixnës të njajta'ay ets jëtu'unës të näjyawëty tim këjxp yowë ja njot nmëjaawës.

Biblia Dc en Mixe de Quetzaltepec

⁸ Nätyu'ukës të n'ixy tyaapë kuma'ay. Tsuxk wi'ixnës të njajta'ay ets jëtu'unës të näjyawëty tim këjxp yowë ja njot nmëjaawës.

Daniel 10:8 ပူးပေါင်းရင်းမြစ်များ

Daniel 7:28

Jëtu'un jyëjpkëxy ja nyimëtyä'äky. E ëjts Daniel, mëkës të nmëmay të nmëtajy, poopëmës je'eyë të njajta'ay; je'eyëp ko tyaapë ni pënës të nkatuknijawë.

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënäty të nwin'ixyën, jä'ä ko ka'apës ënäty oy nwinjawë wi'ixës jyaniwija'anyën.

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënäty jam tyänën. Ënät ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Marcos 9:6

Paaty ja Pedro ojts jëtu'un y'ënä'äny jä'ä ko tëë ënäty tsyë'ëkëtë, ka'ap y'ëkwinma'anypyatnëtë wi'ix t'ënëëmëtëty ja Jesús.

Mateo 17:6

Ko ja Jesús ja y'ijxpëjkpëtëjk tmëtoowtë, ënät nyäkyoxtënaaytyakëtë naaxkëjxy mëët ja mëktsë'ëkë.

2 Corintios 12:7

koojë nimëtya'ak mëti'ipës të n'ixyën. Paatykyëjxm këtiipës näyajmëjnaxëtëty, nmëët'ajtypës ja amay jotmay, jëtu'un pyiky y'atony maajës nini'kxën ijxtëm äpnyën, mëti'ipë ja mëjku'u xytyuktëytyuunpënës.

Daniel 8:7

ets të tëjë mäjtskëty ja wyaj, ka kupixyny ka'ap të t'ëkjëkyäjpnë wi'ix nyäkyuwa'anëtëty. Ok ja tsajppax të tyajkëtay ja kupixyny ets të tnäjpminy të tnäjpxëpy, ni pën të kyaminy ets jeexyë të tyajtso'oky ja kupixyny.

Génesis 32:31

Tam ënäty yë Jacob tuknajxtaaynyë ja it naaxwiinyëtë mëti'ipë xyëëwajtypyën Penuel, ko ja xëëw pyëtsiimy. E jä'ä ko tëë ënäty ja tyeky jyäjxma'aty, paaty ënäty na'ëxma'at ye'ey.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Éxodo 3:3

Ënät ja Moisés myääy tyäjy: Tii jëtu'un ya'atë tuunëp jajtëp ka'apës niwi'ixtsow nja'akyukë. Minës winkon n'ëk'ixy, tii ko ka'ap tsyoy yë zarsa kepy.

Daniel 10:16

Ajotkumonë të yaj'ixy jëtu'un kyëxë'ëky tä tu'uk ja'ayën mëti'ipës yë n'aaw të xytsyoonë. Ënätës të n'ënëëmë mëti'ipës ënäty jam xywyintënääpyën: Wintsën ya'atë kuma'ay nëkooyës nmëmoon nmëtujknë ets jëtu'unës näjyawëty xejykyukëjxëpës yowë.

Daniel 10:17

¿Wi'ix ënät nnamëëtmëtya'akëty, ëjts ka'apës näjyawëty nmëkëty, tëëjës nxejykyukëxë?