Daniel 10:6 - Biblia Mixe de Quetzaltepec

⁶ Jëtu'un yë nyini'kx y'ajajy tä topacië kepyën, jëtu'un yë wyiin jyëjp y'atë'kxy tä wëtsukën, yë wyiin jëtu'un yaj'ixy jëënyä'änkën, yë kyë'ë tyeky jëtu'un kyëxë'ëky tä tsuxkpujxnën, ko kyäjpxy jëtu'un yajmëtoy mayjyä'äy yowë kajpxp.

Biblia Dc en Mixe de Quetzaltepec

⁶ Jëtu'un yë nyini'kx y'ajajy tä topacië kepyën, jëtu'un yë wyiin jyëjp y'atë'kxy tä wëtsukën, yë wyiin jëtu'un yaj'ixy jëënyä'änkën, yë kyë'ë tyeky jëtu'un kyëxë'ëky tä tsuxkpujxnën, ko kyäjpxy jëtu'un yajmëtoy mayjyä'äy yowë kajpxp.

Daniel 10:6 ပူးပေါင်းရင်းမြစ်များ

Apocalipsis 19:12

Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Mateo 17:2

Ma ënäty jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Ezequiel 10:9

Ma ja tsajpjotmëtë kukexyëtyën taxkës të n'ixy yë tëkäämpë, wiinkonjaty yajpaatë ma yë'ëjëtyën, këëktu'uk twintänëtë. Ja tëkäämpë jëtu'un tyi'kxy tä pu'ts tsaajën.

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Ezequiel 1:16

Tu'knax ja tëkäämpë taxkëty ets tu'knax y'oytyunyëty, jëtu'un y'atë'kxy tä pu'ts tsaajën. Ets jëtu'un yaj'ixy jap yowë wiinkpë tëkäämpë, tëkäämpëjoty.

Ezequiel 1:14

Ja tsajpjotmëtë kukäjpxy pe'tym nyaxtë tyëkëtë, jëtu'un tä wyëtsukyën.

Apocalipsis 21:20

ja mëmëkoxkpë yë'ë mëët ja yëk tsaa, ja mëtëtujkpë yë'ë mëët ja uky tsyapts tsaa, ja mëwëxtujkpë yë'ë mëët ja të'kxy tsyaa, ja mëtuktujkpë yë'ë mëët ja mony tsuxktsaa, ja mëtaxtujkpë yë'ë mëët ja pu'ts tsaa, ja mëmajkpë yë'ë mëët ja poop tsuxktsaa, ja mëmajktu'ukpë yë'ë mëët yë monytsyapts tsaa, ets ja mëmajk mäjtskpë yë'ë mëët ja nipyu'ts tsaa.

Apocalipsis 10:1

Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Lucas 9:29

Ko ja Jesús ënäty ja Tios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Ezequiel 1:7

tëyë tyeky yaj'ixtë, jëtu'un yë tyekxyookyëty tä tsajpkaajën ets jëtu'un y'atë'kxy tä tsuxkpujxnën tëëpë yajnime'eyën.

Éxodo 28:20

Ma ja mëmajktaxk waatspën yë'ë myëët'atëp: tu'uk yë pu'ts tsaa, tu'uk yë uky tyapts tsaa ets tu'uk yë tsu'unk tsaa. Ya'atë tsaa aakjam kyëxmëta'akëty ma ja kyëxmëtakpäjnën aak pu'ts pujxnpë.

Mateo 28:3

Jëtu'un ja tsajpjotmëtë kukäjpxy y'ajajy ijxtëm tu'uk wëtsukën ets poop ja wyit ijxtëm yë tsajp'o'pykyën.

Apocalipsis 2:18

Nnijayë yë tsajpjotmëtë kukäjpxy jampë yajpaatyën Tiatira: Jëtu'un y'ënä'äny ja Tios U'unk, mëti'ipë ja wyiin jëtu'un këxë'kpën tä jëënyä'änkën ets ja tyeky tä ja tsuxkpujxnën mëti'ipë ajajpën.

Cantares 5:14

yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

Ezequiel 40:3

Ënät ja Wintsën ojts jam xywyoownëjkxyës ets n'ijxyës tu'uk yë ye'etyëjk, jëtu'un yaj'ixy tä jeexyë y'oytyunyëtyën mëët yë tsuxkpujxn. Jam tëjk'ëkë'ëm tyänë, yë'ë kyë'ëpëk'ajtyp tu'uk linë wit tejpxyën yaj'ixy ets tu'uk yë kepy mëti'ipë mëët winë yajtukijpxyën.

Ezequiel 8:2

ets të n'ixyës tä ja'ayën. Ëpa'tkë'ëytsyow ma wyëënën jëtu'un kyëxë'ëky jëënën ets jää ma wyëënën anëkëjxytsyow jëtu'un yaj'ixy y'atë'kxy tä tsuxkpujxnën.