Daniel 1:19 - Biblia Mixe de Quetzaltepec

¹⁹ Ënät ja yajkutujkpë ojts myëëtmëtya'akëtë ets ja yajkutujkpë ka'ap ojts t'ixy nimëti'ipë wyijyëty ja ëna'ktëjk jëtu'un tä ja ëna'këtyën mëti'ipë txëëwajtëpën Daniel, Ananías, Misael ets Azarías, mëti'ipë ojts wyë'ëmtën jam ma ja kutujktaknën ets ja yajkutujkpë tmëtuntëty.

Biblia Dc en Mixe de Quetzaltepec

¹⁹ Ënet ja yajkutujkpë ojts myëëtmëtya'akëtë ets ja yajkutujkpë ka'ap ojts t'ixy nimëti'ipë wyijyëty ja ëna'ktëjk jëtu'un tä ja ëna'këtyën mëti'ipë txëëwajtëpën Daniel, Ananías, Misael ets Azarías, mëti'ipë ojts wyë'ëmtën jam ma ja kutujktaknën ets ja yajkutujkpë tmëtuntëty.

Daniel 1:19 ပူးပေါင်းရင်းမြစ်များ

Génesis 41:46

I'px majk ënäty yë José yë jyëmëjt ko ojts yajmënëjkxy ma yajkutujkpën, mëti'ipë ënäty ënä'ämpë'ajtpën jap Egiptë. Ënät yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Daniel 1:18

Ko tpaty ja xëëw jëmëjt ma ja ëna'ktëjk nëjkx jap nyäwya'këxë'ëkëtë ma ja yajkutujkpën, ja wintsën mëti'ipë ojts yajtuknipëkyën ets tkëwent'atëty ja ëna'ktëjkëty yë'ë ojts wyoownëjkxëtë jap ma ja yajkutujkpën.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Daniel 1:5

Yë Nabucodonosor ojts näjyëtu'un tni'ënä'ämë ets tääpë ëna'ktëjkëty yajmo'otëty ja kyä'äyënëty y'ukënëty jëtu'un tä ja yajkutujkpë kyäyën y'uukyën ets y'ijxpëktëty tëkëëk jëmëjt ko tyajjëjpkëxtëty ja ijxpëjkën tääts jam tyuntëty ma ja kutujkënën.

Daniel 1:6

Ma ya'atë ja ëna'ktëjkëtyën yë'ë ojts yajwin'ixtë yë Daniel, Ananías, Misael ets Azarías, aakyë'ë Judá y'u'unk y'ok,

Daniel 1:7

e ojts yajwëëwkuwitstë jä'ä ojts yajxëëwpätëtë ja mëti'ipë jam tuunpën ma ja kutujkëntaknën: Ets ja Daniel jä'ä ojts xyëëwpety Betsalsar; ja Ananías jä'ä ojts xyëëwpety Sadrac; ja Misael jä'ä ojts xyëëwpety Mesac ets ja Azarías, jä'ä ojts xyëëwpety Abed-negó.

Daniel 2:13

Ko ojts ja ya'atë ënä'ämën yajnijawë ënät näjyëtu'un yaj'ixtaaytyaktë yë Daniel ets ja myëku'uktëjkëty ets näjyëtu'un y'ooktëty.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Tios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënäty myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.