Daniel 1:17 - Biblia Mixe de Quetzaltepec

¹⁷ Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Biblia Dc en Mixe de Quetzaltepec

¹⁷ Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Daniel 1:17 ပူးပေါင်းရင်းမြစ်များ

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.

1 Reyes 3:12

tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Job 32:8

Oy jyayajnijawë ko tu'kë'ëyë ja'ay aak myëët'ajtyp ja jot winma'any, jä'ä ko yë mëti'ipë maaytyääyëpën winë tëë tmo'oy nitu'ukjaty yë ja'ay wi'ixjaty myäyëty tyajëtyën.

Daniel 2:23

Mijts Tios, mëti'ipë Tyiosajtën yë nteety n'apës, tyam nkukajpxë nja'awëkyëtä'äky ets tyam ntukxoontä'äky, jä'ä ko mijts tëëjës xyajwijtyä'äky ets tëëjës xymyo'oy yë wijyajtën; e mijts tëëjës ënät xytyuknijawë mëti'ipë të n'amëtowtën: Tëës xytyuknijawëtë mëti'ipë ënäty ja yajkutujkpë myëmääpy myëtäjpyën.

Colosenses 1:9

Paaty, koos ojts nijawëtë, xëmë ja Tios miits ntuknija'amyätsëtë, n'amëtowtës ja Tios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.

Proverbios 2:6

Tios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Hechos 6:10

je'eyëp ko ka'ap tmëmëtaktë ja Esteban, jä'ä ko ja Esteban wijyajtën mëët kyäjpxy ets yë'ë winma'anymyooyëp ja Kënu'kxymyëkajtën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Tios yë yäjkpy, ja Tios mëti'ipë pyëjktakën winë jam tsajpwinm mëti'ipë ajajp atë'kxpën. Yë Tios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Hechos 7:22

Tääts ja Moisés t'ijxpëjktaay tu'kë'ëyë ja wijyajtën kejyajtën mëti'ipë ja Egiptë ja'ayëty nyija'awëtëpën; ets mëj'äämpy y'awinpijty ma ja aaw ayukën ets ma winë ttuny tkäjpxyën.

Daniel 10:1

Ma ënäty mëtëkëëk jëmëjt yajkutukyën yë Ciro, mëti'ipë Persë ja'ayën; yë Daniel, mëti'ipë näjyëtu'un yajtijpën Beltsasar, ojts yajtuknijawë mëti'ipë mëtëyën, je'eyëp ko tsip ets yajja'akyukëty. E Daniel ojts yajxon tmëmay tmëtajy ets tja'akyukë wi'ix nyiwijyën.

Ezequiel 28:3

¿Wä'än jëtää ni'ik m'ixpëkyëtyë këtiinëm yë Danielë? ¿Wä'än jëtää xynyija'awëtyä'äy winë mëti'ipë yu'utsy ijtpënë?

2 Crónicas 26:5

Maapaat ja Zacarías ojts jyuuky'ätyën xëmë ojts ja Wintsën t'awä'äky, jëtu'un tä ënäty të y'ityën yë Amasías mëti'ipë tyeety'ajtën ets mëti'ipë tyatwelë'ajtën. Ko ja Wintsën ijty yë'ë t'awä'äky xëmë ojts pyutëkëty.

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

Hechos 7:10

Ojts ja Tios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Daniel 7:1

Tëkok ojts yë Daniel wyinkuma'ay, koots ënäty, mëët tu'kjëmëjt ënäty kyëjääjë yë Belsasar yajkutuky jam Babilonyë. Ko myä'äypyëti'ky, ënät tkujaaytyääy tiijaty ënäty të twinkuma'ayën. Jëtu'un tjaaypyejty:

Daniel 2:19

Jä'ä tsu'um yë Daniel ojts yë Wintsën tyuk'a'ijxnaxyë mëti'ipë ja Babilonyë yajkutujkpë nyijawëjäämpyën, ënät ja Daniel tkukajpxëy tja'awëkyëtakëy ja Wintsën.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Isaías 28:26

Yë Tios yë'ë tukni''ijxëyëp wi'ix tii tunëtyën:

Eclesiastés 2:26

Yë Tios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënäty nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

2 Crónicas 1:10

E tyam, mijts yam n'amëtoopy npëjktsoopy xymyo'ojëtyës ja wijyajtën kujk'ajtën ets ja nija'awën wi'ix ntu'uwinye'eyëtyës ya'atë naax kajpn; ¿jä'ä ko, pën jëtää kë'ëmwinma'any ëkmayëtëp wi'ix ya'atë mëj kajpn tu'uwinye'eyëty?

1 Reyes 3:28

Ojts ja ja'ay tnijawëtë wi'ix ënäty ja Salomón të tyaj'oyën ja jotmay ets wi'ix ënäty ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënäty ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

Daniel 8:1

Ma ënäty mëtëkëëk jëmëjt y'ëne'emyën yë Belsasar, ëjts Daniel, ojts nwinkuma'ay, ëpëky mëti'ipës ënäty të n'ëk wiinkumaapën.

Daniel 5:14

Tëës nyajtuk'ëwaanë ko mijts mëët'ajtyp yë Tios yë kyënu'kxy pyoj ets mwijy ets m'ijxpëky.

2 Crónicas 1:12

tyam nmo'ojëty ja wijyajtën kujk'ajtën ets nija'awën ets nmo'ojäämpy ëpëky ja kuwit'ajtk, kumeeny'ajtk ets ja mëj'ajtën; ni'ik yam mijts winë nmo'oja'any këtiinëm jyëtu'unëty ja yajkutujkpëtëjk mëti'ipë të tyuntën ets mëti'ipë tunantëpnëm, ko mijts mpëtsëmëty.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Daniel 1:18

Ko tpaty ja xëëw jëmëjt ma ja ëna'ktëjk nëjkx jap nyäwya'këxë'ëkëtë ma ja yajkutujkpën, ja wintsën mëti'ipë ojts yajtuknipëkyën ets tkëwent'atëty ja ëna'ktëjkëty yë'ë ojts wyoownëjkxëtë jap ma ja yajkutujkpën.

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Daniel 2:30

Ëjts tëëjës näjyëtu'un nyajtuknijawë ya'atë winma'any mëti'ipë miimp këtakpën, ka'ap yë'ëjëty koos ni'ikës nwijyëty këtiinëm ja wiinkëtypë ja ja'ay, yë'ëkyëjxmës të nyajtuknijawë etsës ntukmëmëtya'akëty yë yajkutujkpë wyinkuma'ay wi'ix nyiwijyën ets tnijawëty tja'akyukëty wi'ix ja jyot wyinma'any y'ënä'änyën.

Daniel 4:6

Ënätës nikajpxëtyääy ja wijyjyä'äytyëjk mëti'ipë yajpatëpën ma Babilonyë kajpnën, etsës xytyukmëmëtya'aktëty wi'ix ja nkuma'ayës nyiwijyën.