Cantares 7:4 - Biblia Mixe de Quetzaltepec

⁴ Yë myo'kn jëtu'un tä yenypyotsyën yujkpotyëtyën mëti'ipë mëët y'oytyunyëtyën yë elefantë pajk; jëtu'un yë mwiin mäjtsk yajpaaty tä yë nëë apojtsë'ëkyën mäjtskpë jam y'ityën Hesbón, wiinkonpë yajpaatyën ma yajnitëkën yë Bat-rabim; yë mjëjp jëtu'un tä yenypyotsyën yujkpotyëtyën jampë Líbano yajpaatyën, mëti'ipë najts'ijxëpën Damaskë.

Biblia Dc en Mixe de Quetzaltepec

⁴ Yë myo'kn jëtu'un tä yenypyotsyën yujkpotyëtyën mëti'ipë mëët y'oytyunyëtyën yë elefantë pajk; jëtu'un yë mwiin mäjtsk yajpaaty tä yë nëë apojtsë'ëkyën mäjtskpë jam y'ityën Hesbón, wiinkonpë yajpaatyën ma yajnitëkën yë Bat-rabim; yë mjëjp jëtu'un tä yenypyotsyën yujkpotyëtyën jampë Líbano yajpaatyën, mëti'ipë najts'ijxëpën Damaskë.

Cantares 7:4 ပူးပေါင်းရင်းမြစ်များ

Cantares 4:4

Yë myo'kn jëtu'un tä ye'nypyotsyën mëti'ipë kujkyë tënääpyën mëti'ipë David ojts yajtuknikojën. Ma tkëxjäntën yë y'akëëytyukëty yë tsiptuunpëtëjkëty jotmëkëtypë.

Salmos 144:12

Yë nmaank'ajtëmë janty'oy yääktë pyätë jëtu'un tä aay ujtsën jam pëjykyamjotm, yë nnëëx'ajtëmë jëtu'un nyaxtë tä tu'uk yë xenyën ma tsajptëjk kyëxmëtä'äkyën.

Hebreos 5:14

E ja mëti'ipë yajpatëpën ijxtëm yë mëjatyjyä'äyën mëti'ipë kaaytyëp uktëpën, yë'ë mëti'ipë të tmëyujtën ets nyija'awëtyëp mëti'ipë oy ka'oyën.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënäty të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënäty ëxëëk të mjaty të mkëpety ko mku'o'kë,

Cantares 6:5

Këtiis nëkoo xywyintë'kxy, koos xywyintë'kxy ka'ap jeky nwintë'kxa'any. Jëtu'un yë mwaay pyojyu'kxy tä yë kupixyny kyëpijp ëwtitën jam ma Galaad kopkën.

Cantares 4:1

Janty oy m'ixëty mijts to'oxytyëjk, mëti'ipës ntsojkpy nja'apën. Janty oy m'ixëty. Jëtu'un yë mwiin yaj'ixy tä mäjtsk yë pakën. Jëtu'un yë mwiin yaj'ixy tä mäjtsk yë pakën mëti'ipë jap ma wyinkuyä'äpën yu'utsy ijtpën; yë mwaay jëtu'un tä yë tsajppax u'unk jam myäy jyënäkyën ma Galaad kopkën.

Cantares 1:10

Janty oy yë m'apënuuky xymyëëtëty mëti'ipë tatsktëy itkujky yajpatpën. Janty oy yë myo'kn xymyëëtëty mëti'ipë nantsëmjoty ijtpën.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

2 Crónicas 8:6

Näyjyëtu'un tkoj'o'oyëy ja Baalat kajpn ets ja wiinkëtypë ja kajpn ma ënäty ja jë'kxy pëky tpëjkë'ëkyën, tëkokyë ja jëën tëjk ma ja pujxnwintëkäämpë pëjkë'ëky y'ityën mëti'ipë myëtsiptuuntëpën ja tsiptuunpëtëjkëty ets ja jëën tëjk ma ja jëyujk yajpëjkë'ëktën mëti'ipë myëtsiptuuntëpën ets tëkokyë mëti'ipë ënäty të tuknipëjktaakën tkoja'any jam Jerusalén, jam Líbano ets maajaty ja naaxwiinyëtë tnitänën.

1 Reyes 22:39

Ja nyikäjpxy nyimëtyä'äky wi'ix ja Ahab ojts yajkutukyën, mëti'ipë tyuunën kyajpxën ets kyutujktakn mëti'ipë yë'ë kyojën mëët janty oyëtypë pajk ets ja naax kajpn mëti'ipë yaj'ëxtakën, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjkëty.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

1 Reyes 10:18

Ojts tni'ënä'ämë yë y'ënyääypyäjn näjyëtu'un ma yajkutukëtyën, yë'ë ojts tyajtuntë tsowëtypë tsaa ets tuknipëjktakëy yajtuknija'axta'ajëty yë pu'ts pujxn.

1 Reyes 9:19

Ojts näjyëtu'un t'akojëtyä'äy ja naax kajpn maajaty ënäty pëjkë'ëky tyaj'ityën ja aaypyajk ujtspajk ets ja jë'kxy pëky ets maa tyaj'ityën ja pujxnwintëkäämpë mëti'ipë myëtsiptuuntëpën, ma ja tsiptuunpë ja'ayëty y'itën mëti'ipë këwaay'ënyääytyëpën ets tëkokyë mëti'ipë ënäty të tuknipëjktaakën tkojja'any jam Jerusalén, jam Líbano ets maajaty ja it naaxwiinyëtë tnitänën.

1 Reyes 7:2

Ojts näjyëtu'un wiinkpë këmoontëjk tkojy, jä'ä ojts tijy, Yuk Kepyjyot, jä'ä y'ayenyëty i'px mëkoxk xajpk ets myëjwiinëty majkmäjtsk xajpk ja mäjtsk kë'ënux ets kyëjxmëty wëxtujk xajpk ja mäjtsk kë'ënux; jä'ä y'akojtukyëty taxk waats, aakyë'ë ajë kepy ets aakyë'ë kyukap'ajtyp yë ajë kepy.

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

Génesis 15:2

Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Cantares 4:5

Yë mtsi'tsk jëtu'un tä mäjtsk yë jëtyu'u u'unkën, mëti'ipë nimäjtsk të pyi'k'atën ets pëjjyoty y'oktë.