Cantares 6:4 - Biblia Mixe de Quetzaltepec

⁴ Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Biblia Dc en Mixe de Quetzaltepec

⁴ Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Cantares 6:4 ပူးပေါင်းရင်းမြစ်များ

Cantares 6:10

¿Pën tääpë ja'ay mëti'ipë jëtu'un ijxwo'ompën tä xëëw pyëtsimyën jopyëp? Jëtu'un y'oyëty tä po'ojën, jëtu'un tyi'kxy tä xëëwën, tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Salmos 48:2

Janty oy kyëxë'ëky yë Tios yë tyun kyopk mëti'ipë txëëwajtpën Sión, anëkëjxmtsowpë yajpaaty. Yë'ë xyoontakën'ajtyp tëkokyë yë naaxwiinyëtë; ja kajpn mëti'ipë yajkutujkpë kyajpn'ajtypyën.

1 Reyes 14:17

Tä ja Jeroboam ja tyo'oxytyëjk pyëti'ky ets ojts nyijkxy; ko jyä'äjty jam Tirsá, tim je'eyë jyä'äjty tyëjk'ëkë'ëm ets tniwa'knajxy ja tëjk'apu'uy tääts ja myaank y'o'ky.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Salmos 50:2

Tios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

2 Corintios 10:4

Ja mëti'ipë yajmëtsiptuunpën ka'ap yë'ëjëty mëti'ipë yaajën naaxwiiny, yë'ë ja Tios ja myëk'ajtën mëti'ipë maayëpën ja kutujkën tyajkutëkoyëty. Jëtu'unës nyajkutëkoytyë ja mëti'ipës nanëkoo xynyi'ë'ënëtëpën,

Zacarías 12:3

Ënät yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënäty ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

Cantares 5:2

Ëjts maapës ënäty, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Cantares 1:15

Janty oy mkëxë'ëky mijts, mëti'ipë ntsojkpy nja'apën, janty'oy mkëxë'ëky. Jëtu'un yë mwiin yaj'ixy tä mäjtsk yë pakën.

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

1 Reyes 15:33

Ma tyëkëëk jëmëjtpejtyën ma ja Asá yajkutukyën jam Judá, jää jëmëjt ojts tyëkë yë Baasá yajkutujkpë, yë Ahías yë myaank jam Tirsá, ma tnitënaaytyä'äyën yë Israel, i'px taxk jëmëjt ojts yajkutuky jam.

1 Reyes 15:21

Ko ja Baasá tnija'awëy, tä t'ëxmajtsy ja Ramá, wyimpijnë jatëkok ma ja kyajpnën jam Tirsá.

Salmos 48:3

Tios yë'ë jam yajpatp ma akujktëjkën jam Jerusalén tëë Tios nyänyikäjpxyë ko yë'ë tsoktakn'ajtp xëmëpë y'ityën.