Cantares 6:13 - Biblia Mixe de Quetzaltepec

¹³ Wimpit, Sulam to'oxytyëjk, winpit. Wimpit mijts n'ixantëp. ¿Tii m'ixantëp ma Sulam to'oxytyëjkën? Yë ety puty, jëtu'unpë tä jamën ma y'ijta'aktën mëti'ipë tsiptuuntëpën.

Biblia Dc en Mixe de Quetzaltepec

¹³ Wimpit, Sulam to'oxytyëjk, winpit. Wimpit mijts n'ixantëp. ¿Tii m'ixantëp ma Sulam to'oxytyëjkën? Yë ety puty, jëtu'unpë tä jamën ma y'ijta'aktën mëti'ipë tsiptuuntëpën.

Cantares 6:13 ပူးပေါင်းရင်းမြစ်များ

Génesis 32:2

Ko jëtu'un t'ijxy yë Jacob tää y'ënäny: Ya'atë n'ixyësën Tios yë tsyiptuunpëtëjk, paaty ojts txëëwmo'oy ja tampë ja it naaxwiinyëtë Mahanaim.

Hebreos 7:2

ënät ja Abraham tmooy ja Melquisedec tu'kpëky ja majk pëkpyë mëti'ipë pyëjkën ko myëtäky ma tsyiptuunyën. Ja Melquisedec ja xyëëw jä'ä y'ayukwinpëtsëmy yajkutujkpë mëti'ipë kijpxy'äjtyën myëët'ajtypyën ets ko jam Salem yajkutuky, näjyëtu'un yajtijy yajkutujkpë mëti'ipë kijpxyajtën myëët'ajtypyën, jä'ä ko jëtu'un ja Salem y'ayukwinpëtsëmy Jotkujkajtën.

2 Tesalonicenses 1:10

Jëtu'un jyata'any jä'ä xëëw ko ënäty ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

Gálatas 5:17

Jä'ä ko ja ja'ay mëti'ipë yajtuumpyën ja kyë'ëm winma'any, myëtsip'ajtyp ja Kënu'kxymyëkajtën ets ja Kënu'kxymyëkajtën myëtsip'ajtyp ja ja'ay mëti'ipë yajtuumpyën ja kyë'ëm winma'any. Jä'ä ko aak nämyëtsip'ajtëtëp yë'ë winpity atëjy, paaty ka'ap y'oypëtsimy mëti'ipë miits mjatsojkën'ajtëpën.

Romanos 7:23

je'eyëp ko tamës nmëëtëty mëti'ipës ka'ap xy'ëxmatsyën ets ja oypyë ntunëtyës, yë'ë ja ënä'ämën mëti'ipë yajnikëxë'kpyën ja poky, mëti'ipë yajpatpën ma ëjtsën ijxtëm jeexyë tsum matsy xyaj'ityënës.

Romanos 3:29

¿Wä'än jëtää yë Tios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Juan 10:16

Tääs ja kupixyny wiinkpë nmëëtëty mëti'ipë ijtëpën ma wiinkpë kemyën; nyajminäämpyës ja näjyëtu'un yaa. Xymyëmëtowantëpës yë'ëjëty ets tu'ukyë y'ita'antë yaa ma tu'ukpë ja kupixyny këwent'ajtpën.

Juan 9:7

Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

Lucas 15:10

Jëtu'un miits nëëmëtë ko näjyëtu'un ja Tios ja y'anklës xyoonta'aktë ko tu'uk ja pokyjyä'äy jyootwimpity.

Lucas 7:44

Ënät ja Jesús t'ijxy ja to'oxytyëjk ets t'ënëmaay ja Simón: ¿M'ijxyp ya'atë to'oxytyëjkë? Nikë tëëjës yë nteky xyajkxo'kë mëët yë wyiin nëë ets wyääy të tukmäxtë'ëtsy; e koos yaa të ntëkë ma mtëjkën, ni nëës mijts të xykyamo'oy ets jeexyë ja ntekyës të npujy.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Cantares 1:6

Këtii yë'ë xy'ixtëty pën ëjts yëkës ets ko tëë yë xëëw'an xytsyä'äyës. Ëjts tëëjës yë nmëkä'äxtëjk xytyukjoot'anpëktë etsës të xytyuknipëktë ets tsatsymkyam nkëwen'atëtyës, yë'ëpaat yë nkam ntu'ujës ka'apës oy të n'ëkkëwent'ajnë.

Salmos 76:2

Yë tsyajptëjk jam yajpaaty ma Sión kopkën, jam Jerusalén;

2 Samuel 17:24

Tää ojts David jam jyä'ty Mahanaim ma Absalón jam näjyëtu'un tuknajxpën yë Jordán nëë mëët yë tsyiptuunpëja'aytyëjk Israel ja'ayëty.

Jueces 21:21

ets jëjp'ixy mtimyajpaatëty. Ko ja to'oxy'ëna'këty pyëtsëmtëty äjtspë tu'këëyi'ik, ënät xynyipëtsëmtëty ënätyë ma jap yu'utsy myajpaatën ets xymyäätsëty këëktu'uk ets xymyënëjkxtëty ma ja mnaax mkajpnëtyën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Cantares 6:12

Ka'apës të n'ëk'ijxnë jä'ä ko yë'ëjës mëët të nyäpyäätyë yë ye'etyëjk mëti'ipës ntsojkpy nja'apën etsës jam të xyapety ma kyepy wyintëkäämpën.