Cantares 5:16 - Biblia Mixe de Quetzaltepec

¹⁶ Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Biblia Dc en Mixe de Quetzaltepec

¹⁶ Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Cantares 5:16 ပူးပေါင်းရင်းမြစ်များ

2 Samuel 1:23

Yë Saúl ets Jonatán mëkës ijty n'oyjyawëtë, ets nmëku'ukjawëtë, yë'ëjëty nijëna'a ojts kyanäy'ëxmatsëtë oy jyääjëty ko jyuuky'ajtë ets näjyëtu'un ko y'oktë. Pe'tym ijty ni'ikëty këtiinëm jyëtu'unëty yë witsn. Mëk ijty ni'ikëty këtiinëm jyëtu'unëty yë kaa.

Salmos 119:103

Janty pa'akës njawë xy'atëkë yë m'aaw m'ayuk ko tii xynyikäjpxy ka'ap jyëtu'unëty yë uuxpa'ak.

Salmos 148:13

Mmëjpëjkta'aktë ni'ëmukë Wintsën yë xyëëw, jä'ä ko yi'iyë tu'uk ijtp mëj'äämpy. Yë y'oyajtën ets xyoontakën jam yajpaaty tsajpkëjxm ets naaxwiiny.

Salmos 19:10

Tsoowpatp ni'ik këtiinëm jyëtu'unëty yë pu'ts pujxn. Ni'ik pya'akëty këtiinëm yë jompya'ak.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Tios kyënu'kxën të mmo'oyë xëmëkyëjxm.

Salmos 89:6

Ka'ap maa wiinkpë tios tsajpjotm, jëtu'unpë Tyiosëtyën tä mijtsën Wintsën.

Cantares 1:16

Janty oy mkëxë'ëky mijts, mëti'ipës ntsojkpy nja'apën, janty'oy mkëxë'ëky. Yë'ë tsuxk ujts yë'ë ntukma'ajëm.

Cantares 1:2

Tsu'kxkës maas n'aawën. Koos yë mwiin mjëjp ntsu'kxy, jëtu'unës njawë pya'akëty tä yë tsatym nyëëjën mëti'ipë tëë nyimaanaxyën,

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Cantares 2:1

Jëtu'unës ëjts tä yë pëjyën mëti'ipë jam Sarón joyjotm yajpatpën, jëtu'unës ëjts tä yë pëjyën joytyuuypyë pyijyën.

Cantares 2:16

Yë ye'etyëjk mëti'ipës ntsojkpy nja'apën ëjts yë njä'ä, ets yë'ëjës xyjyä'ä'ajtp, yë'ë jam tkëwent'aty yë kyupixyny pëjy akujky.

Cantares 2:3

Yë ye'etyëjk mëti'ipës ntsojkpy nja'apën, jëtu'un yajpaaty ma myëye'etyëjkën tä tu'uk yë mansaan kepyën yuukjoty. Janty oyës näjyawëty koos pyë'aay n'u'unyë etsës xynyi'äpkë. Pa'akëm y'atëkë y'ääytyëëm y'ujtstëëm.

Cantares 4:3

Tsapts yë m'atääm tä yë tsapts piityën ets oy mkäjpxy mëtyä'äky. Yë m'apënuuky jëtu'un tä mäjtsk xixën yë granadë tsa'amën mëti'ipë jap yu'utsy ijtpën ma mwinyä'äpën.

Cantares 6:3

Ëjts xyjyä'ä'ajtpës yë ye'etyëjk mëti'ipës ntsojkpy nja'apën ets yë'ëjës njä'ä'ajtyp. Jam yë kyupixyny tkëwent'aty, pëjy'akujky.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Jeremias 15:16

Koos ijty xymyëkäjpxy, jëtu'unës ja m'aaw m'ayuk njawë tä ja'ay tii tjë'kxyën; yë m'aaw m'ayuk jotkujkës ijty xyajnäjyawëty, jä'ä ko mijtsës xyjyä'ä'ajtp, Wintsën mëti'ipë maaytyääyëpën winë.

Jeremias 3:20

E miitsëty jëtu'un të m'ëtëtsnëtë tä tu'uk to'oxytyëjkën mëti'ipë ka'ap nyiye'etyëjk tmëj'ixy tmëjpëjktä'äkyën, jëtu'un miitsëty ka'ap të xy'ëkmëj'ijx të xy'ëkmëjpëjktaknëtës. Ëjts Wintsën, ëjts ënaanp.

Oseas 3:1

Ënät yë Wintsën jatëkok xy'ënëmaayës: Nëjkx mëët'at tu'uk yë to'oxytyëjk mëti'ipë mëët tsyëënën yë naaxwiinyëtë ja'ay oypyë mëët nyämyäyën ets mëti'ipë tyo'kpy yäjkpyën yë jyot nyini'kx. Jëtu'un yë Wintsën tsoky tjawë yë Israel ja'ayëty ko wiink tios të tpanëjkxtëkëtë.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Tios ja y'U'unk, mëti'ipës të xytsyokyën etsës të xykyu'oo'kë.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Santiago 2:23

Ets y'atëëy ijxtëm ja Tios ja y'aaw y'ayuk këxja'ay myinyën: Abraham myëpëjk ja Tios, paaty ojts yajnaxyë wa'ats. Ja Abraham mëku'uk ojts ja Tios tyijyë.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.