Cantares 5:14 - Biblia Mixe de Quetzaltepec

¹⁴ yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

Biblia Dc en Mixe de Quetzaltepec

¹⁴ yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

Cantares 5:14 ပူးပေါင်းရင်းမြစ်များ

Job 28:16

Ka'ap tjëkyepy ntukuju'uymyëty yë pu'ts pujxn oypyë yaj'ixyën ets ka'ap tjëkyepy yajtukjuyëty yë uky tsyapts tsaa ets tsuxk uky tsyaa.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Éxodo 15:6

Wintsën yë mmëkajtën mkutujkën yë'ë winë të tuny, mëti'ipë mëkën ets maaytyääyëp winë, mëti'ipë ojts tjaamteeny tnaaxteenyën ja mëtsip.

Éxodo 24:10

Jam ojts ja Tios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Éxodo 28:18

Ma ja mëmäjtsk waatspën yë'ë myëët'atëp: tu'uk yë uky tsyaa, tu'uk yë tsuxk'uky tsyaa ets yëktsuxk tsaa.

Éxodo 28:20

Ma ja mëmajktaxk waatspën yë'ë myëët'atëp: tu'uk yë pu'ts tsaa, tu'uk yë uky tyapts tsaa ets tu'uk yë tsu'unk tsaa. Ya'atë tsaa aakjam kyëxmëta'akëty ma ja kyëxmëtakpäjnën aak pu'ts pujxnpë.

Éxodo 39:13

E ma ja mëmajktaxk waatspën yë'ë myëët'ajtyp: tu'uk yë pu'ts tsaa, tu'uk yë uky tyapts tsaa ets tu'uk yë tsu'unk tsaa, ya'atë tsaa jam ojts yajpëjktakta'ay ma ja kyëxmëtakpäjnën aak pu'ts pujxnpë.

Cantares 7:2

Yë mputsk jëtu'un tä tu'uk a'ukënën mëti'ipë xëmë tuktuky ijtpën mëët yë uuky, tsatym nyëë tëëpë nyimaanaxyën; yë mox jëtu'un tä apëjkënën ma tsajpmok nyipetyën ets yë'ë mëët nyakoj'ëwtityëty yë pëjy.

Isaías 52:13

Ja ntuunpës oy ja tyuunk wyimpëtsëma'any; mëj'äämpy y'ita'any ets kumay nyaxa'any.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Ezequiel 1:16

Tu'knax ja tëkäämpë taxkëty ets tu'knax y'oytyunyëty, jëtu'un y'atë'kxy tä pu'ts tsaajën. Ets jëtu'un yaj'ixy jap yowë wiinkpë tëkäämpë, tëkäämpëjoty.

Daniel 10:6

Jëtu'un yë nyini'kx y'ajajy tä topacië kepyën, jëtu'un yë wyiin jyëjp y'atë'kxy tä wëtsukën, yë wyiin jëtu'un yaj'ixy jëënyä'änkën, yë kyë'ë tyeky jëtu'un kyëxë'ëky tä tsuxkpujxnën, ko kyäjpxy jëtu'un yajmëtoy mayjyä'äy yowë kajpxp.