Cantares 5:1 - Biblia Mixe de Quetzaltepec

¹ Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Biblia Dc en Mixe de Quetzaltepec

¹ Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Cantares 5:1 ပူးပေါင်းရင်းမြစ်များ

Cantares 6:2

Yë ye'etyëjk mëti'ipës ntsojkpy nja'apën jam të nyijkxy pëjykyamjotm, ma ja pëjykyamën mëti'ipë pa'akpëjy kyamjotm xu'kp jojkpën, yë'ë jam yaj'ojkpy yë kyupixyny ets yë'ë jam tyukäämpy yë pëjy.

Cantares 4:16

Mijts poj mëti'ipë anëkëjxytsyow tso'onpën ëkwij. Mijts poj mëti'ipë ëpa'tkë'ëytsyow tso'onpën Min yaatsow. Pojtë jam maas yë mpëjykyamën ets xyajpojwa'kxtëty yë pa'akxu'k pa'ak jojkën. Min mijts ye'etyëjk, mëti'ipës ntsojkpy nja'apën, ma mpëjykyamën ets xyjyë'kxëty mëti'ipë jam mkamjotm ijtp wintëëpën.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Proverbios 9:5

Min kaytyë ja ntsajpkääkyës ets min uuktë ja nëë mëti'ipës të nyaj'oyën.

Hechos 11:29

Ënät ja mëpëjkpëtëjk tkäjpxy'ajtë ko ja myëku'uktëjk tuknikäxa'antë ja putëjkën mëti'ipë tsënaaytyëpën jam Judea; jëtu'un tyajktë winë ijxtëm pën myëtä'äkyën.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Lucas 12:4

Jëëkytyëjk mëku'uktëjkëty, tyam nëëmëtë ets ka'ap xytsyë'ëkëtëty ja yaja'ay'o'kpë, ka'ap yë m'anëmë y'ookëty oy ja mni'kx mkopk ënäty jya'ooky.

Isaías 66:14

Ko ënäty jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Isaías 65:13

Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Cantares 8:13

Nmëtowäämpyës yë m'aaw m'ayuk, mijts to'oxytyëjk mëti'ipë mnikutujkpë'ajtypyën yë pëjykyam. Yë ja'ayëty mëti'ipë mëët oy nämyä'äyëmën yë'ë myëtowantëp.

Efesios 5:18

Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Mateo 25:40

Ënät ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënäty yajpatëpën ëmaay amutsk, ëjts jëtu'un të xymyëtuntë.

Isaías 53:11

E oy ënäty ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënäty nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 23:18

E ja wit meeny mëti'ipë ënäty të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Isaías 5:1

Jëtu'unës yam n'ëwa'any ijxtëm jeexyë ja nmëku'ukës y'iyën ma tkuuy'iyën ja tsatsymkyam mëti'ipë myëët'ajtypyën. Ja nmëku'ukës jam ijty tmëët'aty ka tsatsymkyam jë'kxynyaaxjotm.

Cantares 8:1

Njatsojkpyës jeexyë mijts nmëkä'äx'aty ets jeexyë nän yë'ë të xymyuuky yë tsi'tsk mëti'ipës të nmuukyën. Ets jeexyë muum npaaty tu'ujoty jotkujk jeexyë ntsu'kxy ets jëtu'un jeexyë ka'ap pën xytyukxi'ikyës;

Cantares 6:11

Tëës jam n'oty ma nuez kepy yukën, yë'ëjës ojts të n'ixy wi'ix tsyuxkëtyën yë aay ujts jam nëëwokjotm; yë'ëjës të nja'ixa'any pën kujk myuxy yë tsatym tyëëmp jam kamjotm ets pën jam mëti'ipë pëjpën.

Salmos 16:3

Jëtu'un y'ëna'antë mëti'ipë y'ëwtajtëpën yë awinax: ko këjää mëj'ajtën tmëëtëty,

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Jueces 14:11

E komë yë filistejë ja'ayëty tsyë'këtyëp ënäty yë Sansón, ënät ojts ni''ipxmajk nyäwyoomukëtë ets nyëjkxtë jam ma ënäty ja Sansón ja xëëw të tnipëjktaakën.

Jueces 14:20

Ja tyo'oxytyëjk yë'ë ojts yajkë'ëmo'oy tu'uk ja myëku'uk mëti'ipë ënäty oy mëët nyäjyawëtyën.

Proverbios 24:13

U'unk maay, jë'kx yë jompya'ak; jawë wi'ix xu'kx jyawën.

Eclesiastés 2:5

Ojts mpëjktä'äky yë nkam ntu'u maas kë'ëm nyaj'ity nyajwintëyën yë aay ujts, aaytyëëm ujtstëëm.

Cantares 1:13

Yë ja'ay mëti'ipës ntsojkpyën jëtu'un yë'ë maas ëjtsën tä yë on xuumy u'unkën mëti'ipës ntsi'tsk akujky nmëjëtijtypyën xëmë.

Cantares 4:8

Tsojk ntso'onëmë yaa Líbano, to'oxytyëjk mëti'ipës mpëkäämpyën; tsojk yaa Líbano ntso'onëmë. Najts'ixë yë joyjyot ma Amaná kopkën, jam m'ijxtsoonëty ma Senir kopkën ets jampaat ma Hermón kopkën, ma kaa aankën, ma kuuyxyëpëjy aankën.

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.