Cantares 4:9 - Biblia Mixe de Quetzaltepec

⁹ Tëës yë njot nja'awën xypyëjkë, mijts to'oxytyëjk, mëti'ipës mpëkäämpyën; tëëjës yë njot nja'awën xypyëjkë koos të xy'ixy, mëët yë mpiity mëti'ipë myo'ktëy'äjtypyën.

Biblia Dc en Mixe de Quetzaltepec

⁹ Tëës yë njot nja'awën xypyëjkë, mijts to'oxytyëjk, mëti'ipës mpëkäämpyën; tëëjës yë njot nja'awën xypyëjkë koos të xy'ixy, mëët yë mpiity mëti'ipë myo'ktëy'äjtypyën.

Cantares 4:9 ပူးပေါင်းရင်းမြစ်များ

Cantares 4:12

Mijts to'oxytyëjk, mëti'ipës mpëkäämpyën, ëtuky mijts myajpaaty, jëtu'un ëtuky m'ity tä yë nëëkopk ëtuky y'ityën, tä yë nëëkopkën mëti'ipë ku'ëtsa'ayën;

2 Corintios 11:2

Ni'ikës miits ntsoktë mëët ja Tios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Cantares 7:10

Ëjts jëtu'unës të naxy tä tu'uk yë tsojkën ja'awënën mëti'ipë yë ye'etyëjk, mëti'ipës ntsojkpyën y'oy'ijxypyën.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënäty jotkujk yajpaaty

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënät ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Tios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Cantares 6:12

Ka'apës të n'ëk'ijxnë jä'ä ko yë'ëjës mëët të nyäpyäätyë yë ye'etyëjk mëti'ipës ntsojkpy nja'apën etsës jam të xyapety ma kyepy wyintëkäämpën.

Cantares 6:5

Këtiis nëkoo xywyintë'kxy, koos xywyintë'kxy ka'ap jeky nwintë'kxa'any. Jëtu'un yë mwaay pyojyu'kxy tä yë kupixyny kyëpijp ëwtitën jam ma Galaad kopkën.

Cantares 4:10

Janty oy yajjawë mwiin mjëjp koos ntsu'kxy mijts to'oxytyëjk, mëti'ipës mpëkäämpyën. Jëtu'un yë mwiin mjëjp pya'akëty koos ntsu'kxy tä yë tsatym nyëëjën mëti'ipë tëë nyimaanaxyën ets ni'ik y'oyëty yë tsooy mëti'ipë mnätyukja'axëpën këtiinëm jyëtu'unëty yë tsooy oypyë pya'akxuuktën.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënäty pyiky y'uuky, ma ënäty ja xyoontakën tpaatyën.

Cantares 1:15

Janty oy mkëxë'ëky mijts, mëti'ipë ntsojkpy nja'apën, janty'oy mkëxë'ëky. Jëtu'un yë mwiin yaj'ixy tä mäjtsk yë pakën.

Cantares 1:10

Janty oy yë m'apënuuky xymyëëtëty mëti'ipë tatsktëy itkujky yajpatpën. Janty oy yë myo'kn xymyëëtëty mëti'ipë nantsëmjoty ijtpën.

Salmos 45:9

Ja to'oxy'ëna'këty mëti'ipë jam yajpatëpën ma mëtëy winë xynyipaye'eyën aakjä'ä jam ja oyëtypë mëti'ipë mëj'äämpy ijtëpën; ja wintaj mëti'ipë yajkutujkpën a'oytsyow y'u'unyë ma mëët myajkutukyën, yë'ë mëët y'oytyunyëty ja pu'ts pujxn oyëtypë.

1 Corintios 9:5

ets nmëët'ajtmëty tu'uk ja to'oxytyëjk mëti'ipë mëpëjkpën, ijxtëm ja wiinkëtypë ja ijxpëjkpëtëjkëtyën ets ja Wintsën Jesús ja myëkä'äxtëjk ets ja Pedro.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënäty myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Génesis 20:12

Tyam mijts jatëkok n'ënëëmë, ko tëyajtën yë'ë, koos nmëku'ukëty ets koos nmëkä'äxëty. Jä'ä ko yë'ëjës yë nteety yë nyëëx, je'eyëp ko ëpëky tyaak. Paaty ojts tjëkyepy ets yë'ë mëët npëkëtyës n'uukëtyës.

Proverbios 1:9

Jëtu'un xymyëët'atëty tä jeexyë tii janty'oy myajkëxë'ëkyën, tä tu'uk yë nantsëmën ëkë kujänën.

Ezequiel 16:11

tääts ojts mpëjktakëmë yë mkë'ëjän, mtatsktëy ets mnantsëm;

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.