Cantares 4:3 - Biblia Mixe de Quetzaltepec

³ Tsapts yë m'atääm tä yë tsapts piityën ets oy mkäjpxy mëtyä'äky. Yë m'apënuuky jëtu'un tä mäjtsk xixën yë granadë tsa'amën mëti'ipë jap yu'utsy ijtpën ma mwinyä'äpën.

Biblia Dc en Mixe de Quetzaltepec

³ Tsapts yë m'atääm tä yë tsapts piityën ets oy mkäjpxy mëtyä'äky. Yë m'apënuuky jëtu'un tä mäjtsk xixën yë granadë tsa'amën mëti'ipë jap yu'utsy ijtpën ma mwinyä'äpën.

Cantares 4:3 ပူးပေါင်းရင်းမြစ်များ

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënäty nkë'ëkap'ajtypyës yë ntajkës, nitiijës ënäty nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Salmos 119:13

Nnikajpxäämpy nnimëtya'akäämpyës tëkokyë yë m'aaw m'ayuk mëti'ipë mnikäjpxypën.

Salmos 37:30

Ja'ay mëti'ipë oyjyä'äyën niwijy nikejy winë tkäjpxy; näjyëtu'un yë oyjyä'äypë aak mëtëy winë tkäjpxy.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Tios kyënu'kxën të mmo'oyë xëmëkyëjxm.

Proverbios 10:13

Yë wijyjyä'äy yë'ë kyäjpxyp wijyajtën; yë tsuuja'ay jëtu'un tjawë tä jeexyë yajëkuwopën mëët yë kepy.

Proverbios 31:26

Niwijy winë tkäjpxy tmëtyä'äky, ets jä'ä yaj'ixpëky mëët tu'uk ja tsojkën ja'awën.

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Cantares 4:11

Mijts to'oxytyëjk, mëti'ipës mpëkäämpyën, ma mwiin m'aaw jam yë uuxpa'ak myuuty. Jëtu'un yajjawë uuxpa'ak ets tsi'tsknëë yowë jap pëtsëëmp myä'änpa'tkë'p. Jëtu'un tä yë Líbano it pya'akxuukyën jëtu'un pya'akxuuky yë mwit.

Cantares 5:13

jëtu'un yë y'apënuuky kyëxë'ëky tä yë mëj pëjykyamën ma oy xyuuky jyokyën. Yë y'atääm jëtu'un yë'ë tä yë tsapts pëjyën ma wyikëpipyën yë mirra jëtu'un tä nëëtsunën;

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Cantares 6:7

Jëtu'un yë m'apënuuky tä mäjtsk xixën yë granadas tsa'amën mëti'ipë yu'utsy yajpatpën ma mwiin yä'äpën.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënäty të nmä'äkxta'ayës ja mpoky. Ëjts Wintsën, ëjts ënaanp.

Levitico 14:4

Ënät tuk'ënä'ämëty yë ja'ay, mëti'ipë ënäty wa'atsaanpën ets tmëminëty mäjtsk yë joon, mëti'ipë juukyën ets wa'atsën ets tmëminëty näjyëtu'un yë ajë kepy, witëty mëti'ipë tsapts yë y'ujkën ets hisopo ujts.

Levitico 14:6

Ënät tmatsëty ja joon mëti'ipë juukyën ets tkajpë'ëkëty ja ajë kepy ets tpëjkë'ëkëty ja tsaptswit ets ja hisopo ujts ets nëjkx tukpatijta'ay ja nye'pny ja joon mëti'ipë ënäty të y'ookyën.

Números 19:6

Tääts ënät ok ja teety t'ixëty tu'uk ja ajë kepy ets tu'kxe'enty yë hisopo ujts ets tu'kwitsy yë tsaptswit ets tu'kë'ëyë tjëënkupëjkta'ajëty jap ma tsajpkaato'oxy nyitoyën.

Números 4:8

Ëpëky tuknipä'äntëty ja tsaptswit, e nëkëjxy nëjkx ëpëky tukniwijtstëpë yë po'o, mëti'ipë oytyunyën ets tpëjktakëtëty ja nyikepy mëti'ipë yajtukëëyë'ëkëpën ko muum yajmënëjkxa'anëty.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Lucas 4:22

Oy tsuj ja ja'ay tnikajpxtë ja Jesús, mëjmëtoy tjawëtë ko tii janty tsuj tmëtyä'äky ets xim yam nyäyajtëëwëtë: ¿Këtii yë'ëjëty ya'atë José myaankë?

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Colosenses 4:6

Tsuj ets jotkujk mkajpxtëty mmëtya'aktëty ets mjatëp wi'ix tu'ukjaty ja'ay xy'ëtsowtëtyën.

Hebreos 9:19

Ojts ja Moisés ja mayjyä'äy tuk'ëwaanë ja Tios ja y'ënä'ämën; ok ojts tu'uk ja tsapts ukpyë ja kupixyny jëmk tpëjkë'ëky mëët tu'k'ooxy ja ujts apity ets tyajxo'ky ma ja tsajpkaa ne'pynyën ets ma ja tsajppax ne'pynyën xëpinypë mëët ja nëë, ets ojts tuknixijkxy ja noky mëti'ipë myëët'ajtypyën ja ënä'ämën ets ni'ëmukë ja ja'ay näjyëtu'un.

Josue 2:18

E ko ënäty ëëts nitëkëtë ya'atë naax kajpn yë'ë mkutëyëp ya'atë tsaptswit ma mtëjk nyi'ëwa'atsëtyën maas tyam të xyajkä'äktën. Nëjkxëp xyajtu'ukmujkta'ay ma mtëjkën yë mtaak, mteety, mjëëky mëku'uk ets tëkokyë jënu'un mëët mtu'kja'ayëtyën.