Cantares 3:1 - Biblia Mixe de Quetzaltepec

¹ Maas yë nmaapäjnën, tëëjës nja'ijxta'ay ja ye'etyëjk mëti'ipës ntsojkpy nja'apën. Tëës nja'ixta'ay ets ka'apës të npaaty.

Biblia Dc en Mixe de Quetzaltepec

¹ Maas yë nmaapäjnën, tëëjës nja'ijxta'ay ja ye'etyëjk mëti'ipës ntsojkpy nja'apën. Tëës nja'ixta'ay ets ka'apës të npaaty.

Cantares 3:1 ပူးပေါင်းရင်းမြစ်များ

Salmos 22:2

Tios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

Salmos 4:4

Mëët'atë ja näywyinkutsë'kën ets këtii mpokytyuntë. Ko ënäty jam mmaanëtë mpo'kxnëtë, ëk'itë amonyë ets mëmay mëtajtë pën oy winë të xytyuntë.

Salmos 6:6

Tëës n'ënu'kxënë koos nyä'äxy. Xëëny kootsës një'ëy nyä'äxy, nkoy npä'änës tëë nyatsa'amëtyääynyë mëët yë nwiinnëëjës.

Cantares 1:7

Nëmaaykyës, mëti'ipë tsyojkpyën yë njuukyajtënës, ¿ma mkupixyny xyajtänë? ¿Maa xyajpo'kxy ko kyujkyxyëëwënë? ¿wi'ix koos jëtu'un njëtijnë tä to'oxytyëjkën ka'apë tsyënaaytyaknën ets tu'ujoty muum myaanë pyo'kxnë, ma mmëku'uktëjk tkëwent'atën yë kyupixynyëty?

Cantares 5:8

Miitsëty to'oxytyëjktëjkëty Jerusalén ja'ayëty, pën jam muum xypyaatë yë ye'etyëjk mëti'ipës ntsojkpy nja'apën jam xy'ënëëmëtëty ko o'kpës yam mëët yë tsojkën ja'awën ma yë'ëjën.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënäty mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Juan 11:29

Wi'ix ja Maria jëtu'un tmëtooy, ënätyë tsyo'ony ets ojts ninëjkxy ja Jesús.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.