Cantares 2:9 - Biblia Mixe de Quetzaltepec

⁹ Jëtu'un ja ye'etyëjk mëti'ipës ntsojkpyën tä tu'uk jëtsyu'ujën; tä tu'uk jëtsyu'u u'unkën. Tap tëjk ëkë'p, ma tëjk'aawën, jam ma tëjk nyi'ëwa'atsajtën y'ijxnaxy, jam y'ijxwoony ma wäänë y'ëwa'atsëtyën.

Biblia Dc en Mixe de Quetzaltepec

⁹ Jëtu'un ja ye'etyëjk mëti'ipës ntsojkpyën tä tu'uk jëtsyu'ujën; tä tu'uk jëtsyu'u u'unkën. Tap tëjk ëkë'p, ma tëjk'aawën, jam ma tëjk nyi'ëwa'atsajtën y'ijxnaxy, jam y'ijxwoony ma wäänë y'ëwa'atsëtyën.

Cantares 2:9 ပူးပေါင်းရင်းမြစ်များ

2 Samuel 2:18

Jamts ënäty yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

Proverbios 5:19

ja oypyë wa'atspë ja to'oxytyëjk. Xëmë mwinkow m'akowëtëty. Xëmë mtsokëtëty mjawëtëty.

Proverbios 6:5

Kä'äk, jëtu'un tä yë jëtyu'u kye'ekyën ko pën yaj'ooka'anyë. Kä'äk, jëtu'un ijxtëm yë joon tkuke'ekyën yë y'o'ktakn.

Proverbios 7:6

Jëtu'un tëkok n'ijxyës jamës ënäty n'ijxwoony ma tëjk nyi'ëwa'atsëtyën,

Cantares 1:16

Janty oy mkëxë'ëky mijts, mëti'ipës ntsojkpy nja'apën, janty'oy mkëxë'ëky. Yë'ë tsuxk ujts yë'ë ntukma'ajëm.

Cantares 2:17

Ma xyiinyëja'anyën ets ma xëëw y'aanta'aka'anyën jää jatëkok minëty mijts mëti'ipës ntsojkpy nja'apën; jëtu'un mnäjyawëtëty tä jëtsyu'ujën, tä jëtsyu'u ayääkën mëti'ipë nëpujt yujkpujtpën tunkëjxy kopkëjxy.

Cantares 2:7

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Cantares 3:5

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Cantares 8:14

Pëyë'ëk mijts ye'etyëjk, mëti'ipës ntsojkpy nja'apën, pëyë'ëk tä jëtyu'ujën, tä yë jëtyu'u u'unkën jam kopkkëjxm ma oy pya'akxuuky pya'ak jokyën.

Lucas 24:35

Ënät nimäjtsk tukmëmëtyaktë wi'ix ënäty të t'ixtën tu'ujoty ets wi'ix ënäty të t'ixkaptën ja Jesús ko ja tsajpkääky të tujkwä'kxy.

Juan 12:41

Paaty ja Jeséas jëtu'un y'ënäny jä'ä ko tëë ënäty t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Juan 5:39

M'ijxpëjktëp oy'ixyë ja Tios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Juan 5:46

Ko jeexyë mëpëktë ijxtëm ja Moisés y'ënänyën, näjyëtu'un jeexyë ëjts xymyëpëktës, jä'ä koos ja Moisés xynyimëtyakp ma këxja'ay ojts tyajwë'ëmyën ja y'ayuk.

1 Corintios 13:12

Näyjyëtu'un tyam ja Tios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënäty ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Tios të nijawën koos njääjëty.

Colosenses 2:17

Ya'atë, ko ijty winë yaj'amaay'äty, jä'ä ko ka'anëm ënäty ja Kristë myinyëm; tyam nmëët'ajtënëp ja tëyajtën ko tëë ja Kristë myiny.

Hebreos 10:1

Ja Tios ja y'ënä'ämën mëti'ipë Moisés jyääywyë'ëmën, jëtu'un jä'ä ijxtëm jeexyë nyikojtu'utyën ja oypyë mëti'ipë ënäty minaanpën, ka'ap jyä'äjëty mëti'ipë mëtëyën. Paaty ja ënä'ämën ka'ap tyaj'awinpity oy mëti'ipë ja wintsë'kën winjëmëjt jyayajktëpën Tios wintum.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Tios y'itëty. Ets jyaak'ënany: Ya'atë tëyajtën, yë'ë ja Tios ja kyäjpxynyajxpëtëjk winma'anymyooyë.

Jueces 5:28

Yë Sísara ojts yë tyaak jyi'iy yä'äxy ma tyëjkën, ventanëjoty y'ijxnajxy ets y'ënäny: ¿Wi'ix jëtää ko pyo'oxy ja pyujxn wintëkäänpë mëti'ipë tyuktsiptuunpyën?