Cantares 1:9 - Biblia Mixe de Quetzaltepec

⁹ Mijts mëti'ipë ntsojkpyën nja'apën, jëtu'un mijts maas ëjtsën tä yë kwaayën mëti'ipë faraón yë kyepy wintëkäämpë tyukyajye'epyën.

Biblia Dc en Mixe de Quetzaltepec

⁹ Mijts mëti'ipë ntsojkpyën nja'apën, jëtu'un mijts maas ëjtsën tä yë kwaayën mëti'ipë faraón yë kyepy wintëkäämpë tyukyajye'epyën.

Cantares 1:9 ပူးပေါင်းရင်းမြစ်များ

Génesis 50:9

Ojts näjyëtu'un yë José pyanëjkxyë may yë ja'ay mëti'ipë kepy wintëkäämpëjoty nëjkxtëpën ets mëti'ipë këwaaykyijxyën ets jëtu'un janty nimay nyäpyatëtë.

1 Reyes 10:28

Ja kwaay mëti'ipë ja Salomón ijty yajtukniju'uyëpën aakjam tsyoontë Musri ets Cilicia, jä'ä ja'ay ijty jyuuytyëp mëti'ipë yaj'ajjuuypyën ja yajkutujkpë.

Cantares 1:15

Janty oy mkëxë'ëky mijts, mëti'ipë ntsojkpy nja'apën, janty'oy mkëxë'ëky. Jëtu'un yë mwiin yaj'ixy tä mäjtsk yë pakën.

Cantares 2:10

Jëtu'unës të xy'ënëëmë yë ye'etyëjk mëti'ipës ntsojkpyën: Pëtë'ëk, mijts mëti'ipës ntsojkpy nja'apën; mëti'ipës ntsojkpyën mëët yu'unk'aaw yu'unkjot.

Cantares 2:13

Tam ja higos tsyaamë'knë ets tsatsymtsya'am kujk kyëjääjë xyu'kën jyojkën. Pëtë'ëk mijts mëti'ipës ntsojkpyën mëët yu'unk'aaw yu'unkjot.

Cantares 2:2

Yë to'oxytyëjk mëti'ipës ntsojkpy nja'apën, jëtu'un yajpaaty ma myëto'oxytyëjkën tä tu'uk yë tsapts pëjyën äpnyjyotypë.

Cantares 4:1

Janty oy m'ixëty mijts to'oxytyëjk, mëti'ipës ntsojkpy nja'apën. Janty oy m'ixëty. Jëtu'un yë mwiin yaj'ixy tä mäjtsk yë pakën. Jëtu'un yë mwiin yaj'ixy tä mäjtsk yë pakën mëti'ipë jap ma wyinkuyä'äpën yu'utsy ijtpën; yë mwaay jëtu'un tä yë tsajppax u'unk jam myäy jyënäkyën ma Galaad kopkën.

Cantares 4:7

Janty mkëxë'ëky mijts to'oxytyëjk, mëti'ipës ntsojkpy nja'apën; tyimtso'ontä'äky ma mtekyën ets tyimkëpety ma mkëpajkën. Ma mijtsën nitii ma'at kyayajpaaty.

Cantares 5:2

Ëjts maapës ënäty, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.

Cantares 6:4

Mijts to'oxytyëjk, mëti'ipës ntsojkpy nja'apën, m'oy mtsuj mijts ets oytyukxootaknë mijts tä yë Tirsá kajpnën ets Jerusalén kajpnën; tsip jeky myajwintänëty ijxtëm yë tsiptuunpëtëjkëtyën ko waatswitsy ye'eytyë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.