Cantares 1:7 - Biblia Mixe de Quetzaltepec

⁷ Nëmaaykyës, mëti'ipë tsyojkpyën yë njuukyajtënës, ¿ma mkupixyny xyajtänë? ¿Maa xyajpo'kxy ko kyujkyxyëëwënë? ¿wi'ix koos jëtu'un njëtijnë tä to'oxytyëjkën ka'apë tsyënaaytyaknën ets tu'ujoty muum myaanë pyo'kxnë, ma mmëku'uktëjk tkëwent'atën yë kyupixynyëty?

Biblia Dc en Mixe de Quetzaltepec

⁷ Nëmaaykyës, mëti'ipë tsyojkpyën yë njuukyajtënës, ¿ma mkupixyny xyajtänë? ¿Maa xyajpo'kxy ko kyujkyxyëëwënë? ¿wi'ix koos jëtu'un njëtijnë tä to'oxytyëjkën ka'apë tsyënaaytyaknën ets tu'ujoty muum myaanë pyo'kxnë, ma mmëku'uktëjk tkëwent'atën yë kyupixynyëty?

Cantares 1:7 ပူးပေါင်းရင်းမြစ်များ

Génesis 37:16

Ënät yë José y'ëtsooy: Nmëkä'äxës n'ixtääpy. ¿Këtiis xytyuk'ëwaanëty ma jëtää jä'äjëty të nyëjkxtë?

Salmos 116:1

Ntsojkpy nja'apës yë Wintsën, jä'ä ko tëë tmëtoow'ity mëti'ipës të n'amëtoy të npëjktsoyën,

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 28:1

Wintsën mëti'ipës xykyuwaanp xynyixajpën, tyam nmëpëjktsoy. Këtii xytyukmëj'aty yë m'ëtsoowinpijtën. Koos xykya'ëtsowëty, o'këntujp ënäty nyajpaatyës.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Cantares 2:16

Yë ye'etyëjk mëti'ipës ntsojkpy nja'apën ëjts yë njä'ä, ets yë'ëjës xyjyä'ä'ajtp, yë'ë jam tkëwent'aty yë kyupixyny pëjy akujky.

Cantares 2:3

Yë ye'etyëjk mëti'ipës ntsojkpy nja'apën, jëtu'un yajpaaty ma myëye'etyëjkën tä tu'uk yë mansaan kepyën yuukjoty. Janty oyës näjyawëty koos pyë'aay n'u'unyë etsës xynyi'äpkë. Pa'akëm y'atëkë y'ääytyëëm y'ujtstëëm.

Cantares 5:10

Yë ye'etyëjk, mëti'ipës ntsojkpyën umy yë'ë, tä yë tsajpmoktë'ëtsën, pojën yaj'ixkäpy ma yë myëtsajpmokën.

Cantares 5:16

Yë pya'kxwiin pa'ak jyawë. Oy ntsojkën'ajtmëty. Jëtu'un y'ixëty yë ye'etyëjk mëti'ipës ntsojkpyën, mëtowtë yajxon miitsëty to'oxytyëjktëjkëty mëti'ipë Jerusalén kukajpnajtëpën.

Cantares 5:8

Miitsëty to'oxytyëjktëjkëty Jerusalén ja'ayëty, pën jam muum xypyaatë yë ye'etyëjk mëti'ipës ntsojkpy nja'apën jam xy'ënëëmëtëty ko o'kpës yam mëët yë tsojkën ja'awën ma yë'ëjën.

Cantares 6:2

Yë ye'etyëjk mëti'ipës ntsojkpy nja'apën jam të nyijkxy pëjykyamjotm, ma ja pëjykyamën mëti'ipë pa'akpëjy kyamjotm xu'kp jojkpën, yë'ë jam yaj'ojkpy yë kyupixyny ets yë'ë jam tyukäämpy yë pëjy.

Cantares 6:3

Ëjts xyjyä'ä'ajtpës yë ye'etyëjk mëti'ipës ntsojkpy nja'apën ets yë'ëjës njä'ä'ajtyp. Jam yë kyupixyny tkëwent'aty, pëjy'akujky.

Cantares 8:13

Nmëtowäämpyës yë m'aaw m'ayuk, mijts to'oxytyëjk mëti'ipë mnikutujkpë'ajtypyën yë pëjykyam. Yë ja'ayëty mëti'ipë mëët oy nämyä'äyëmën yë'ë myëtowantëp.

Isaías 13:20

Nijëna'a nëjkx jam pën kya'ëktsënaaynyë, ni pën jam kya'ëkwinpijnëty tsënääpyë. Yë árabe ja'ayëty ka'ap nëjkx jam y'ëktu'umaanëtë, yë'ëpaat mëti'ipë kupixyny këwent'ajtëpën ka'ap nëjkx jam t'ëkyajtënaaynyëtë jyëyujkëty.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënäty mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 5:1

Jëtu'unës yam n'ëwa'any ijxtëm jeexyë ja nmëku'ukës y'iyën ma tkuuy'iyën ja tsatsymkyam mëti'ipë myëët'ajtypyën. Ja nmëku'ukës jam ijty tmëët'aty ka tsatsymkyam jë'kxynyaaxjotm.

Jeremias 33:12

Yë Wintsën mëti'ipë maaytyääyëpën winë jëtu'un y'ënä'äny: Ma ya'atë kajpnën, ma tyam aanë'ëk tëëtsë'ëk yajpaatyën, ma ka'ap yë ja'ayën ets ka'ap yë jëyujkën, yonaanp jiitsaanp jatëkok yë mëëy ets aay ujts, nëjkxëp yë ja'ayëty jatëkok tyaj'ok tyajwëtstë yë kyupixynyëty.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënäty nyäxy oymyaanaax myaakajpnëty.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

1 Pedro 2:7

Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Tios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Rut 2:21

Tääts ja Rut jyaak'ënany: Nen tëëjës xy'ënëëmë koos njaaknëjkxkojëty tuunpë mëët tu'knax ja tyuunpëtëjk, koonëm pyëtë'kta'ajëty ja pyëjktä'äky.