Cantares 1:4 - Biblia Mixe de Quetzaltepec

⁴ Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Biblia Dc en Mixe de Quetzaltepec

⁴ Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Cantares 1:4 ပူးပေါင်းရင်းမြစ်များ

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 119:60

Ëjts janty pe'tymyës të nnäkyojyë, ka'apës nëkoo të npo'oxy etsës të npatuny ja m'ënä'ämën mtëyajtën.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Tios yë'ë yajkojpë ets yë'ë yajkutujkpë ma miitsëtyën.

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 48:9

Tios, koos të nyajpaatë jap tsajptëkoty, yë'ë nmaaytyëpës ntajtëpës ko mëj mijts yë tsojkën ja'awën xymyëët'aty.

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Cantares 3:4

Wäänës ënäty të nmëjëkämkä'äktë koos mëët të nyäpyäätyë ja ye'etyëjk mëti'ipës ja njuukyajtën tsyojkën'ajtypyën. Täätsës të nmatsy kyë'ëkëjxy etsës të nwoownëjkxy ma ntaakës yë jyëën tyëjkën.

Cantares 4:10

Janty oy yajjawë mwiin mjëjp koos ntsu'kxy mijts to'oxytyëjk, mëti'ipës mpëkäämpyën. Jëtu'un yë mwiin mjëjp pya'akëty koos ntsu'kxy tä yë tsatym nyëëjën mëti'ipë tëë nyimaanaxyën ets ni'ik y'oyëty yë tsooy mëti'ipë mnätyukja'axëpën këtiinëm jyëtu'unëty yë tsooy oypyë pya'akxuuktën.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënäty ëjts xytyukjotmëk'aty.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

Oseas 11:4

Mëët ja tsojkën ja'awën nyajmiintës maas ëjtsën; jëtu'unës ojts ntseeny nkony tä tu'uk mëxu'unkën mëti'ipë tsi'tspnëmën; ojtsës n'amëtunëtë ets nyajkay nyaj'uuktë,

Sofonías 3:14

Mijts Sión kajpn xoontä'äky yajpaat. Mijts Jerusalén kajpn ëw ya'ax akujk jotkujk. Xoontä'äky yajpaat, akujk jotkujk näjyawët.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 25:10

Tam ënäty të nyëjkxtë on juupyë ko ojts jyä'ty ja ye'etyëjk pëjkpë. Ja to'oxy'ëna'këty mëti'ipë ojts jëjp'ixy yajpaatën, jä'ä ojts mëët tyëkëtë jap tëkoty ja ye'etyëjk pëjkpë ma ja xëëw tyuna'anyën. Ënät ja tëjk'aaw ojts y'ëtujknë.

Lucas 2:10

Tääts ja tsajpjotmëtë kukäjpxy y'ënëmaayëtë: Këtii mtsë'ëkëtë, aaw ayukës oypyë nmëmiinpy mëti'ipë ja'ay ni'ëmukë tyukxoonta'aktëpën.

Lucas 22:19

Tääts ja tsajpkääky tkoonë'ky ets näjyëtu'un ja Tios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Juan 12:32

E koos naaxkëjxy ntsoonëty etsës npa'tëkëja'any tsajpjotm, nyajnëjkxta'ajäämpyës ja ja'ay ma ëjtsën.

Juan 6:44

Ja'akyukë ijxtëm nëëmëtën, ka'ap tjëkyepy pën xynyiminëtyës pën ka'ap ja Tios Teety wyoowminyë, mëti'ipës të xykexyën, etsës yë'ë nyajjuukpyëktëty ko ënäty ja xëëw jëmëjt kyä'pxy.

Efesios 2:6

Tëë ja Tios xyajjuukpyëjkëm tu'ukyë mëët ja Kristë Jesús ets yë'ë mëët të xyajnaaxwä'tsëmë jam tsajpjotm.

Efesios 6:24

Wä'än ja Tios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Tios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Filipenses 4:4

Tukxoonta'aktë ja Kristë xëmë. Njaaknikäjpxyës ets mxoonta'aktëty.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Tios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.