Apocalipsis 7:17 - Biblia Mixe de Quetzaltepec

¹⁷ jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Biblia Dc en Mixe de Quetzaltepec

¹⁷ jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.

Apocalipsis 7:17 ပူးပေါင်းရင်းမြစ်များ

Salmos 22:26

Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

Salmos 23:5

Mijts të xynyipëjktaakë ja nka'ayënës n'ukënës ma t'ixtëtyën yë nmëtsiptëjkës; tëës yë waaytsyooy xytyukkujaaxy mëti'ipë pa'akxu'kpën, etsës yë n'a'ukën të xyaj'ujtsë mëët yë tsatym nyëë.

Salmos 28:9

Wintsën yajtso'ok mnaax mkajpn; kënu'kxy mëti'ipë mjä'ä'ajtypyën. Kwent'at jëtu'un tä ja'ay yë kupixyny këwent'atyën. Jam xëmë xymyëët'atëty ma mkë'ëjotmën.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënäty tmëtoy mjë'ëy myä'äxy, je'eyë tmëtoowpaatëty ko ënäty xy'amëtoy ja näypyutëkë, ënätyë mputëkëja'anyë.

Isaías 30:25

Ko ënäty jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

Isaías 35:10

Ja ja'ayëty mëti'ipë ënäty ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 49:9

ets yaj'ënëëmëty ja tsumjyä'äytyëjk: Pëtsëmtë jap pujxn tëkoty ets mëti'ipë akootstuuy yajpatëpën: Wä'än jëntyuuy tyajpaatë. Ets jam të'ëts'itjotm yajpaataanp ja aay ujts oy tyimmaajëty mëti'ipë ja jëyujk tsajpkaa jyë'kxtëpën.

Isaías 51:11

Jëtu'un nëjkx wyimpitë mëti'ipë ënäty mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënäty jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 60:20

Ka'ap yë xëëw kyëta'aka'any ets po'o ka'ap tyëkoy'ita'any, jä'ä ko, mëti'ipë mWintsën'ajtypyën xëmë nkutë'kxa'anyë; ja mmonyë mtukyë ko ënäty pën të y'ooky këxaanp naxaanp jä'ä.

Isaías 65:19

Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënäty ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënäty nyäxy oymyaanaax myaakajpnëty.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Tios yajjotkujk'atanëtëp.

Juan 10:11

Ëjts jëtu'un ijxtëm ja oypyë kupixyny këwent'ajtpën. Ja oypyë kupixyny këwent'ajtpë kyu'o'këp ja kyupixyny;

Juan 10:14

Ëjts jëtu'un oypyë kupixyny këwent'ajtpë. Jëtu'un ijxtëm xy'ixy'ätyës ja nTeetyës nän jëtu'unës n'ixy'äty ja nTeetyës; jëtu'un n'ixy'ätyës ja nkupixynyës ets yë'ëjëty nän jëtu'unës xy'ixy'atë. Ëjts nyäjkpyës ja njuukyajtën maas ja nkupixynyën.

Juan 4:10

Ënät ja Jesús y'ëtsoowë: Ko jeexyë mijts xy'ëknijawë mëti'ipë ja Tios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Juan 4:11

Tääts ja to'oxytyëjk y'ënëmaayë: Wintsën, ka'ap tii xymyëëtëty wi'ix yë nëë xyjyuuta'any jap jutjoty, këk yë nëëtajy, ¿maajën ja nëë xypyëka'any mëti'ipës xymyo'ojaanpën mëti'ipë yajjuuky'ajtpën?

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Tios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Tios jyä'äy'äjtypyën mëti'ipë të tku'ookën.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Tios ja jyä'äy. Winë aaw winëjot mtuntëty ijxtëm ja Tios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.

Apocalipsis 21:22

Ni ma kajpn jëtu'un të nka'ixyës ja tsajptëjk ma Tios yajwintsë'ëkën, jä'ä ko ja Tios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Tios ets ja Kupixyny U'unk y'ajajy y'atë'kxy.

Apocalipsis 21:4

Yajtëkooytya'ajäämpy ja Tios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Apocalipsis 21:6

Ënät xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Tios ets ma ja Kupixyny U'unkën.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Tios të tkexyën yaa naaxwiiny.