Apocalipsis 6:12 - Biblia Mixe de Quetzaltepec

¹² Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,

Biblia Dc en Mixe de Quetzaltepec

¹² Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,

Apocalipsis 6:12 ပူးပေါင်းရင်းမြစ်များ

Mateo 24:29

Ko ënäty të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Joel 2:10

Yu'kxp yë naaxwiinyëtë ko myintë, moonkëtakp tujkëtakp yë tsajp, ka'ap yë xëëw po'o y'ëktë'kxnë ets mëtsa'a jëtu'unyë pyi'tskëtaknëtë.

Joel 3:15

Pi'itsaam ja xëëw po'o ets ja mëtsa'a.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënäty yajxon xëëw të jyajtä'äky koos nyaj'awinpita'any yë naaxwiinyëtë koots.

Apocalipsis 16:18

Ënät myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Tios ja tsajpjotmëpë.

Isaías 50:3

Nyajkootsëpës ja tsajp ets jë'ë ya'ax nyaj'ityës.

Apocalipsis 8:5

Tääts ja tsajpjotmëtë kukäjpxy tkoonë'ky ja poom ato'oyën ets tyaj'ujtsy mëët ja jëënpajk mëti'ipë jamën ma ja wintsë'këntyaknën, ets najtswëjjëy ma ja naaxwiinyëtën ets myiiny ja ënääw wëtsuk ets mëk ujx.

Isaías 24:23

Ko ënäty ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Mateo 24:7

Jä'ä ko tsiptunantëp ja naax kajpn nixim niyam naaxwiinyëtë apëtsëmy. Itaanp ja yuu xëëw ets ja naaxwiinyëtë yu'kxa'any xiitsow yaatsow.

Marcos 15:33

Ko kyujkyxyëëw'ajty, tääts ja naaxwiinyëtë kyootsëy, jäänëm xyiinytyäky mëj jënäkyxyëëw.

Mateo 28:2

Ajotkumonë tyëjkëy naaxwiinyëtë yu'kxpë, jä'ä ko tu'uk ojts ja Tios ja y'anklës tsyoony tsajpjotm ets kyëtäky naaxwiinyëtë, jam jut'ëkë'ëm nyäpyëjktakë ets tjëkëëy ja mëjtsaa mëti'ipë ënäty ja jut y'akë'ë'ajtypyën.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënäty jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Mateo 27:45

Ojts kyootsë ja naaxwiinyëtë, kujkxyëëw ënäty, ets jëtu'un y'ijty jënäkyxyëëwpaat.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënäty yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënäty oy të myëtunyën.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënäty tkapaaty ma ja mëk ujx nyaxa'anyën; jää xëëw jää jëmëjt ma ënäty yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Isaías 34:4

Nëjkxëp ja mëtsa'a pyu'utakta'ay, jëtu'unyë nëjkx ja tsajp wyimpëtijtmuky tä mëj witën, nëjkxëp ja mëtsa'a pyi'tsta'atë ets nëjkx kya'ata'atë tä kepy'ääy kyä'äyën.

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Apocalipsis 8:12

Ko ja mëmajktaxkpë ja tsajpjotmëtë kukäjpxy ja xyuxn tukxuxy, ënät tu'kpëky ja tëkëëk pëkpyë ja xëëw, po'o ets ja matsa'a wyintëkooytyë. Jëtu'un ka'ap kyujajy kyutë'kxy ja xëëw, ja po'o ets ja matsa'a; taxk horë xëëny ets taxk horë koots y'ijty.

Apocalipsis 16:8

Ets ja mëmajktaxkpë ja tsajpjotmëtë kukäjpxy tyajtukwatsy ja tyexy xëëwkëjxm ets ja xëëw ja mëk'ajtën yajmooy ets tyajxëëw'an o'kta'ajëty ja ja'ay.