Apocalipsis 5:5 - Biblia Mixe de Quetzaltepec

⁵ Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

Biblia Dc en Mixe de Quetzaltepec

⁵ Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

Apocalipsis 5:5 ပူးပေါင်းရင်းမြစ်များ

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Hebreos 7:14

Yajnija'ap wa'ats ko ja Wintsën jam pyëtsiimy ma Judá y'u'unk y'okën, yë Moisés ka'ap ojts nikäjpxy ko jam pyëtsëma'any ja teety ma ja Judá ja y'u'unk y'okën.

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

Romanos 1:3

Ma tnimëtyä'äkyën ja Tios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Apocalipsis 6:1

N'ijxës ko ja Kupixyn U'unk tyaj'ëwatsy mëtu'uk ja wëxtujkpë ja tsa'ayën ets nmëtoowës ko tu'uk ja nimajktaxkpë juuky'ajtpë mëk y'ënäny ijxtëm ja ënääw nyokyën: Min.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.

Apocalipsis 7:13

Ënät tu'uk ja mëjja'aytyëjk xyajtëëyës: ¿Pën yë'ëjëty tääpë aak poop witxëpë ets maa tsyoontë?

Apocalipsis 4:10

Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Apocalipsis 1:1

Ya'atë ja Tios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Juan 20:13

Ënät ja tsajpjotmëtë kukäjpxy tyajtëëwtë: To'oxytyëjk, ¿tii ko myä'äxy? Ets ja Maria y'ëtsooy: Yë'ëjës nmëyäxyp ko tëë ja nWintsën tmënëjkxtë ets ka'ap yajnijawë maa të tpëjkta'aktë.

Lucas 7:13

Ko ja Jesús t'ijxy ja to'oxytyëjk ja ku'ookpyë jyi'iy yä'äxy, tääts t'ënëmaay: Amonyë, këtii myä'äxy.

Números 24:9

Ko muum tsyënaaytyaknpëktë, jëtu'un yaj'ixtë tä tu'uk yë kaa nyäkyo'okyën, pën ëkmëmayëtëp. Kënu'kxy yë ja'ay yajpaatëty mëti'ipë ënäty mkënu'kxëtëpën, e mëti'ipë mpojkëtëpën, nëjkxëp näjyëtu'un yajpoky.

Lucas 23:28

Tääts ja Jesús wya'akwinpijty ets y'ënëmaayëtë: Miits, Jerusalenkëtë to'oxytyëjkëty, këtiis ëjts xynyiya'axtë, miits kë'ëm nänyiya'axëtë ets ja m'u'unk m'ëna'këty.

Lucas 8:52

Nimay ja ja'ay ja kiixy u'unk tnijë'ë tniya'axtë ets ja Jesús y'ënëmaayëtë: Këtii mya'axtë, ka'ap yë kiixy u'unk të y'ooky, maap je'eyë.

Daniel 7:16

ënätës të ninëjkxy tu'uk ja ja'ay mëti'ipë ënäty jam tënääpyën, etsës të n'ënëëmë etsës xytyukmëmëtya'akëty wi'ix ko jëtu'un të nkuma'ayës. Yë'ë tëë tkupëky koos xytyukmëmëtya'aka'any, etsës të xy'ënëëmë:

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Apocalipsis 5:4

Ënätës jëëpyë yaxpë ntëjkëy, jä'ä ko ni pën ënäty kyayajpaaty pën yaj'ëwa'atsëpën, pën y'ixëp ja noky ets yajnijawëty tii jap myëët'ajtypyën.

1 Reyes 10:20

Majkmäjtsk ja kuxyëpëjy ojts t'oytyuntë aak tänë, tëtujkjaty yajpaatë tu'kpa'ajaty. Nijëna'a ënäty jëtu'un maa kyayaj'ixynyëm ja kutujkëntëjk.

2 Crónicas 9:18

Ja ënyääypyäjn tëtujk niyujkwä'äky pyotsyëty ets tu'uk wya'kpäjn aak pu'ts pujxn mëët y'oytyunyëty, tam tmëëtëty pa'apa'a nyimajtstakn ets yajtukpa'akojëy potsy jëtu'unpë kyëxë'ëkyën kaajën.

Job 41:15

Yë kyejky jëtu'un yë'ë tä jeexyë waatswitsy tmëët'atyën mëti'ipë nätyuk'akëëytyujkëpën, mëti'ipë tso'otsyën ets juunëty tä tsaajën.