Apocalipsis 5:13 - Biblia Mixe de Quetzaltepec

¹³ Ets nmëtooyës näjyëtu'un tëkokyë mëti'ipë ja Tios yajkojën, jam y'ëna'antë tsajpjotm, naaxwiiny, naaxpa'tkë'p ets mejyjoty: Mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk, yë'ë xëmëkyëjxm yajmo'ojëp ja mëjja'awën jaanty ja'awën, ja wintsë'kën, ja mëj'ajtën jaanty'ajtën ets ja mëk'ajtën.

Biblia Dc en Mixe de Quetzaltepec

¹³ Ets nmëtooyës näjyëtu'un tëkokyë mëti'ipë ja Dios yajkojën, jam y'ëna'antë tsajpjotm, naaxwiiny, naaxpa'tkë'p ets mejyjoty: Mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk, yë'ë xëmëkyëjxm yajmo'ojëp ja mëjja'awën jaanty ja'awën, ja wintsë'kën, ja mëj'ajtën jaanty'ajtën ets ja mëk'ajtën.

Apocalipsis 5:13 ပူးပေါင်းရင်းမြစ်များ

1 Crónicas 29:11

Wintsën, mijts mjä'ä'ajtyp ja mëj'ajtën kutujkën, ja mëj'ajt oyajtën, ja ënä'ämën kutujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kutujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Isaías 24:14

Mëti'ipë ënäty juuky të jyaakwë'ëmtën, akujk jotkujk nëjkx wyë'ëmtë. Jam ma xëëw kyëtä'äkyën, nëjkxëp y'ëwtë ya'axtë ko ënäty t'ixtë ja Wintsën ja myëj'ajtën y'oyajtën mëjwiinpë këjääpë.

Isaías 42:10

Tukwin'ëwtë ja Wintsën jemyjyätyëtypë ëy; jampaat muum jëkäm wiink it wiink naaxwiinyëtë; oy yë'ëjëty mëti'ipë yajpatëpën nëëwiinkëjxy mëjpëjkta'aktë yë Wintsën, ets oy yë'ëjëty aayjëyujk ujtsjëyujk, tëkokyë ja'ay mëti'ipë yajpatëpën ma ja naax kajpn mejy ëkë'ëypyë.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Lucas 2:14

Mëjjaw jaantyjawë ja Tios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Tios wyintsë'kën mëti'ipë ja naaxwiinyëtë ja'ay yajpokywyätsëpën.

Romanos 11:36

Tios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Tios ja myëj'ajt y'oyajtën.

Romanos 16:27

Ja Tios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

Efesios 3:21

Mëj'äämpy ja Tios nyäxy ma ja mëpëjkpëtëjkëtyën ets ma ja Kristë Jesusën, winë xëëw winë jëmëjt ets xëmëkyëjxm. Oy jyëtu'un'atëty.

Filipenses 2:10

jëtu'un tääpë ja xëëw mëj'äämpy nyaxëty, mëti'ipë ja Jesús yajmooyën ets wyinkoxtänëtëty ni'ëmukë mëti'ipë jamën tsajpjotm, naaxwiiny ets naaxpa'tkë'p,

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënäty mëtoow'ijtëpën.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Tios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Tios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Tios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Pedro 5:11

Yë'ë jëtu'un ja mëk'ajtën myëët'ajtyp xëmëkyëjxm. Jëtu'un'atëp.

Apocalipsis 1:6

mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Tios Teety. Wä'än yë mëj'ajt oyajtën yë'ë tjä'ä'aty ets ja kutujkën xëmëkyëjxmëpë. Jëtu'un y'itëty.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 5:1

Ënät tu'uk ja noky apëtity n'ijxyës tmëëtëty ma ja y'a'oykyë'ëjën mëti'ipë u'unyääpyën jam ma kutujktaknën. Nëkëjxy ets jootjoty ja noky wyinja'ayëty ets wëxtujkpëky tsyä'äyëty.

Apocalipsis 5:12

ets y'ëna'antë mëk: Yë'ë paat'ajtëp t'ëxajëty ja mëk'ajtën, ja jotkujk'ajtën, ja wijyajtën kejyajtën, ja mëjaaw, ja wintsë'kën, ja mëj'ajtën jaanty'ajtën ets ja mëjja'awën jaanty ja'awën.

Apocalipsis 5:3

Ka pën mëpaat tkayaj'ëwa'atsy, yë'ëpaat tsajpjotmëpë, naaxwiinyëtë ets naaxpa'tkë'pë, ka pën mëpaat tka'ixy tkakäjpxy tii jap.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Tios të tkexyën yaa naaxwiiny.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Tios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Apocalipsis 6:16

ets nëëmëtë ja tun kopk ets ja tsaakopk: Nija'apäjtëk ets yu'tstëk ëëtsëty, këtiipës xy'ixtëty mëti'ipë u'unyääpyën jam ma kutujktaknën, këtiipës xypyaatëty ja tyiytyu'unën mëti'ipë yajtijpën Kupixyny U'unk.