Apocalipsis 4:7 - Biblia Mixe de Quetzaltepec

⁷ Ja mëtu'ukpë juuky'ajtpë, jëtu'un kyëxë'ëky ijxtëm tu'uk ja kaajën; ja mëmäjtskpë ijxtëm yë tsajpkaajën; ja mëtëkëëkpë, jëtu'un ja wyiin jyëjp ijxtëm ja'ayën; ets ja mëmajktaxkpë ijxtëm witsnën ko kyääkjëtity.

Biblia Dc en Mixe de Quetzaltepec

⁷ Ja mëtu'ukpë juuky'ajtpë, jëtu'un kyëxë'ëky ijxtëm tu'uk ja kaajën; ja mëmäjtskpë ijxtëm yë tsajpkaajën; ja mëtëkëëkpë, jëtu'un ja wyiin jyëjp ijxtëm ja'ayën; ets ja mëmajktaxkpë ijxtëm witsnën ko kyääkjëtity.

Apocalipsis 4:7 ပူးပေါင်းရင်းမြစ်များ

Ezequiel 10:14

Tu'ukjatypë ja tsajpjotmëtë kukäjpxy taxkpëky tmëëtëty ja wyiin jyëjp: Tu'uk ja wyiin jyëjp jëtu'un kyëxë'ëky tsajpkaajën; tu'uk jëtu'un kyëxë'ëky ye'etyëjkën; tu'uk tä kaajën ets tu'uk tä witsnën.

Ezequiel 1:10

Ja taxk pa'apë ja wyiin jyëjp; tu'kpa'a jëtu'un yaj'ixy ja'ayën; ja a'oytsyowpë jëtu'un yaj'ixy kaajën; ja anajnytsyowpë jëtu'un yaj'ixy tsajpkaajën ets ja jëxkë'ptsowpë jëtu'un yaj'ixy witsnën.

Ezequiel 10:21

Nitu'ukjaty taxkjaty ja wyiin jyëjpëty ets taxkjaty ja kyäknëty ets ma ja kyäknpa'tkëtyën jap yaj'ixy ja'aykyë'ë xyajpëtsëmy.

Apocalipsis 4:6

Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Daniel 7:4

Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënäty n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Ezequiel 1:8

Ëpëky ja taxkpë ja kyëpajkëty ets ja taxkpë ja kyäknëty; ya'atë tsajpjotmëtë kukäjpxy jëtu'un yë kyë'ëjëty y'ixë'atë tä ja'ay kyë'ëjën; pë'aaytsyow tmëët'atë taxk atu'um, ma kyäknpa'tkëtyën. Aak näpyatëtëp ja kyäknëty. Ko ye'eytsyoontë ka'ap y'ëkwinpijnëtë, tu'ukyë tyu'u tkuuynyëjkxtë.

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Deuteronomio 28:49

Jëkäm yë Tios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Abdías 1:4

E oy jënu'un mjatsajpätëty tä witsnën ets oy jeexyë mpä'än xyjyapëjktakpë ma mëtsa'ajën, nëjkxëp jam nyajkënaxy.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

2 Samuel 1:23

Yë Saúl ets Jonatán mëkës ijty n'oyjyawëtë, ets nmëku'ukjawëtë, yë'ëjëty nijëna'a ojts kyanäy'ëxmatsëtë oy jyääjëty ko jyuuky'ajtë ets näjyëtu'un ko y'oktë. Pe'tym ijty ni'ikëty këtiinëm jyëtu'unëty yë witsn. Mëk ijty ni'ikëty këtiinëm jyëtu'unëty yë kaa.

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Números 24:9

Ko muum tsyënaaytyaknpëktë, jëtu'un yaj'ixtë tä tu'uk yë kaa nyäkyo'okyën, pën ëkmëmayëtëp. Kënu'kxy yë ja'ay yajpaatëty mëti'ipë ënäty mkënu'kxëtëpën, e mëti'ipë mpojkëtëpën, nëjkxëp näjyëtu'un yajpoky.

Números 23:24

Ya'atë naax kajpn jëtu'un pyëti'iky tä tu'uk yë kaa jëyujkën ets ka'ap pyo'kxa'any, koonëm tmatsëty ja mëti'ipë y'ixtääpyën ets t'uuka'any tjë'kxa'any ja jyot nye'pyny.

Apocalipsis 6:3

Mëti'ipë yajtijpën Kupixyny U'unk, ko tyaj'ëwatsy ja mëmäjtskpë tsa'ayën ets nmëtooyës ko ja mëmäjtskpë juuky'ajtpë y'ënäny: Min.

Apocalipsis 6:5

Ko ja mëti'ipë yajtijpën Kupixyny U'unk tyaj'ëwatsy ja mëtëkëëkpë ja tsa'ayën etsës nmëtooy ko ja mëtëkëëkpë juuky'ajtpë y'ënäny: Min. Ënätës n'ijxy tu'uk ja yëk kwaay. Mëti'ipë tuk'u'unyääyëpën, tsim akijpxnajxpë wyijts'ijtyp.

Apocalipsis 6:7

Ko ja Kupixyny U'unk ja mëmajktaxkpë ja tsa'ayën tyaj'ëwatsy, ënätës nmëtooy ko ja mëmajktaxkpë ja juuky'ajtpë y'ënäny: Min.