Apocalipsis 4:6 - Biblia Mixe de Quetzaltepec

⁶ Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Biblia Dc en Mixe de Quetzaltepec

⁶ Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Apocalipsis 4:6 ပူးပေါင်းရင်းမြစ်များ

Apocalipsis 15:2

Ets n'ijxyës näjyëtu'un ja mejy mëti'ipë këxë'kpën ijxnën ets jëënyä'änkën xëpiny. Jamts mejy ëkë'ëm tyänëtë ni'ëmukë mëti'ipë ka'ap të twintsë'ëkëtën ja mëj jëyujk ets ja awinax, ets mëti'ipë ja jëyujk xëëw mëtsyo'owën të tkakupëktën. Jam ja kyow tmëët'atë mëti'ipë ja Tios ënäty të myo'ojëtën.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Tios të tkexyën yaa naaxwiiny.

Apocalipsis 14:3

Jamts ja jempyë ëy t'ëwtë kutujktakn wintum, nimajktaxkpë juuky'ajtpë wyintum ets mëjja'aytyëjk wyintum. Ni pën jëtu'unpë ja ëy tkajaty, yi'iyë ja nimëko'px ja wëxtyikxy taxk milpë jyajtëp mëti'ipë të nyitso'oktën naaxwiiny.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Tios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Tios yë xyëëw nyaxëty.

Apocalipsis 5:14

Ets ja nimajktaxkpë juuky'ajtpë y'ëtsoowtë: Tëy jëtu'un. Tääts ja i'px taxkpë mëjja'aytyëjk nyäkyoxtënaaytyakëtë ets twintsë'këtyë ets t'ëwtajtë.

Ezequiel 10:14

Tu'ukjatypë ja tsajpjotmëtë kukäjpxy taxkpëky tmëëtëty ja wyiin jyëjp: Tu'uk ja wyiin jyëjp jëtu'un kyëxë'ëky tsajpkaajën; tu'uk jëtu'un kyëxë'ëky ye'etyëjkën; tu'uk tä kaajën ets tu'uk tä witsnën.

Ezequiel 10:12

Aak të'kxp yaj'ixy ja nyini'kxëty, ja jyëxkëty, kyë'ëjëty ets ma kyäknëtyën, näjyëtu'un ja taxkpë ja tëkäämpë.

Apocalipsis 7:11

Jamts ja anklëstëjk na'ëwtity tyänëtë ma ja kutujktaknën, ma ja mëjja'ayëtyën ets ma ja nimajktaxkpë juuky'ajtpëtyën ets nyäkyoxtënaaytyakëtë ma ja kutujktaknën ets ja Tios tja'amyätstë,

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Tios ets ma ja Kupixyny U'unkën.

Apocalipsis 21:11

Janty ajajp janty atë'kxp mëët ja Tios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Apocalipsis 15:7

Ënät tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Tios yäjkpyën ets mëët ja tsyip y'äkë ja Tios, mëti'ipë xëmëkyëjxm juukyajtpën.

Apocalipsis 21:21

Ja majkmäjtskpë ja tëjk'aaw, aak poop jaam tsaa mëët y'oytyunyëty, tu'ukjaty ja tëjk'aaw aak poop jaam tsa'a mëët y'oytyunyëty. Ets ja mëjtu'u kajpnjotypë aak pu'ts pujxn mëët y'oytyunyëty, tä të'kxy kyiikën.

Apocalipsis 21:18

Ja potsy, yë'ë mëët y'oytyunyëty yë nëëtë'kxy tsyaa ets ja kajpn aak pu'ts pujxn mëët y'oytyunyëty ijxtëm yë ijxnën tëëpë wyä'ätsyën.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

1 Reyes 7:23

Hiram ojts t'oytyuny tu'uk yë nëë apëjkën mëjpë, aak tsuxkpujxn yajtuun. Pik y'ixëty, tu'kxajpk ja tu'kkë'ënux y'ayenyëty; wëxtujk xajpk ja kujkm kyëjxmëty ets ja jyot jä'ä myëjwiinëty majktëkëëk xajpk ja kujkm.

Job 28:17

Ni'ik yë tsyowpaaty këtiinëm yë pu'ts pujxn ets kiik; ka'ap tjëkyepy ntukwinkupëjkmëty yë pu'ts pujxn.

Éxodo 38:8

Yë Besalel ojts ja akë'ëpujën tu'uk tyajkojy aak tsuxkpujxn, yë'ë ojts mëët tyaj'oyë ja to'oxytyëjkëty ja y'ijxnëty, mëti'ipë ënäty nätyuk'ijxëtëpën ja jampë kyëwent'atën ma ja wit tëjk yajnitëkën ma ja näpyaatë y'ityën mëët ja Tios, ojts ja nyi'ëjx näjyëtu'un tyajkojë, aakyë'ë tsuxkpujxn yajtuun.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Tios ja'amyäjtsën mëti'ipë tyuuntëpën ja mëpëjkpëtëjk.

Apocalipsis 5:11

Ënätës n'ijxy ets nmëtooyës ja nimay tsajpjotmëtë kukäjpxy ko kyajpxtë myëtya'aktë na'ëwtity ma ja kutujktaknën, ma ja nimajktaxkpë juuky'ajtpëtyën ets ma ja i'px taxkpë ja mëjja'ayëtyën. Kanaak millon ja anklëstëjk ënäty jam,

Apocalipsis 6:1

N'ijxës ko ja Kupixyn U'unk tyaj'ëwatsy mëtu'uk ja wëxtujkpë ja tsa'ayën ets nmëtoowës ko tu'uk ja nimajktaxkpë juuky'ajtpë mëk y'ënäny ijxtëm ja ënääw nyokyën: Min.

Apocalipsis 6:6

Jam itkujky ma ja nimajktaxkpë ja juukyajtpën nmëtooyës tu'uk ja ayuk y'ënä'äny: Je'eyë tu'ktsim ja tsajpmok tu'kxëëw nitunypë; ets tëkëëk tsim ja cebadë tu'kxëëw nitunypë; je'eyëp ko këtii ja on ets ja tsatsym nyëë xyajma'atëty.