Apocalipsis 4:10 - Biblia Mixe de Quetzaltepec

¹⁰ Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Biblia Dc en Mixe de Quetzaltepec

¹⁰ Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Apocalipsis 4:10 ပူးပေါင်းရင်းမြစ်များ

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Tios ja'amyäjtsën mëti'ipë tyuuntëpën ja mëpëjkpëtëjk.

Apocalipsis 19:4

Tääts ja i'px taxkpë ja mëjja'aytyëjk ets ja nimajktaxkpë juuky'ajtpë nyäkyoxtënaaytyakëtë naaxkëjxy ets ja Tios tmëjja'aw tjaantyja'awëtë, mëti'ipë u'unyääpyën ma kutujktaknën ets y'ënantë: Tukxoontä'äky mëjjawë yë Tios yë xyëëw nyaxëty.

Apocalipsis 11:16

Ets nyäkyoxtënaaytyakëtë ja i'px taxkpë ja mëjja'aytyëjk mëti'ipë u'unyääytyëpën jam ma kutujktaknën, Tios wyintum ets ja Tios twintsë'ëkëtë,

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Apocalipsis 7:11

Jamts ja anklëstëjk na'ëwtity tyänëtë ma ja kutujktaknën, ma ja mëjja'ayëtyën ets ma ja nimajktaxkpë juuky'ajtpëtyën ets nyäkyoxtënaaytyakëtë ma ja kutujktaknën ets ja Tios tja'amyätstë,

Apocalipsis 5:14

Ets ja nimajktaxkpë juuky'ajtpë y'ëtsoowtë: Tëy jëtu'un. Tääts ja i'px taxkpë mëjja'aytyëjk nyäkyoxtënaaytyakëtë ets twintsë'këtyë ets t'ëwtajtë.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.

Salmos 72:11

Wä'än tëkokyë yë ënä'ämpëtëjk tkoxtänëtë ma yë'ëjën. Ets wä'än tëkokyë yë naax kajpn jam myëtuntë kyupëktë ma yë'ëjën.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënät ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënät tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

2 Crónicas 7:3

Ko ja Israel ja'ayëty t'ijxtë ja jëën ets ja Wintsën ja myëj'ajt y'oyajtën mëti'ipë jap tsajptëkoty të kyëtä'äkyën, ënät koxtänë kya'ataaytyë, tyukpatëp ja wyimpok ja naax, t'ëwtajtë jëtu'un ja Wintsën ets tyajnajxtë ja kukajpxën ja'awëkyëtakën ma Wintsënën, tniwinpitë ja aaw ayuk ets y'ëna'antë: Jä'ä ko yë'ë janty'oy yë'ë ets tsojkp ja'ap xëmë.

Lucas 24:52

Ënät twintsë'këtyë ets ojts xoontä'äky nyëjkxnëtë jam Jerusalén.

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

1 Corintios 15:10

E ja Tios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Salmos 47:8

Tios yë'ë yajkutujkp ma tu'kë'ëyë naax kajpnën. Jam yë Tios y'u'unyë ma y'ënyääypyäjnën wa'atspë.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Tios juukpyë të tukajpxpety ets të y'ënä'äny: Ma ënäty tëkëëk jëmëjt ja kujkm të nyäxyën, ma ënäty o'ktëy të yajtuunta'ayën ja kyutujkën ja Tios ja kyajpn, ënätnëm nëjkx ya'atë ëyo'on kyixy nyäxy.

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.

Apocalipsis 10:6

ets ja Tios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Apocalipsis 15:7

Ënät tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Tios yäjkpyën ets mëët ja tsyip y'äkë ja Tios, mëti'ipë xëmëkyëjxm juukyajtpën.