Apocalipsis 3:18 - Biblia Mixe de Quetzaltepec

¹⁸ Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

Biblia Dc en Mixe de Quetzaltepec

¹⁸ Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

Apocalipsis 3:18 ပူးပေါင်းရင်းမြစ်များ

Apocalipsis 16:15

Jëtu'un ja Tios y'ënä'äny: Ixtë, jëtu'unës nminy ajotkumonë ijxtëm yë mä'tspën. Jotkujk yë ja'ay yajpaaty mëti'ipë juuky yajpatpën ets tam wyit tmëëtëty, këtiipë yajtukja'tëty niwa'ats ëxwa'ats ets tsyëtyunëty.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënäty ja Jesukristë myiny.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Apocalipsis 19:8

Tios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Tios ja nyaax kyajpn.

Malaquías 3:3

Yë Wintsën pyujta'ajäämpy tëkokyë yë teetytyëjkëty, mëti'ipë yë Leví y'u'unk'ajty y'ok'ajtypyën, jëtu'un tyajwatsta'aja'any tä yë poop pujxn ets pu'ts pujxn tyooywyä'ätsyën jëënjoty. Ënätnëm nëjkx tjëkyepy wi'ix tyaktëtyën ja wintsë'kën ma Wintsënën, jëtu'un tä mëpaat tyaktën ja wintsë'kën.

Apocalipsis 7:13

Ënät tu'uk ja mëjja'aytyëjk xyajtëëyës: ¿Pën yë'ëjëty tääpë aak poop witxëpë ets maa tsyoontë?

Mateo 13:44

Jëtu'un ja tsajpjotmëpë kutujkën tä wit meenyën mëti'ipë yu'utsy ijtpën ma tu'uk ja kamën. Tu'uk ja ye'etyëjk tpaaty ets jatëkok nän jam tyu'utsy; akujk jotkujk nyijkxy ets tooky tiijaty myëët'ajtypyën ets tjuy ja naax ma ja wit meeny të tpaatyën yu'utsy.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Santiago 2:5

Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Miqueas 1:11

Miitsëty Zafir ja'ayëty, nëjkxta'atë tsumy matsy wiink naax wiink kajpn niwa'ats ëxwa'ats ets wintsëtyu'un jëjptsëtyu'un. Mëti'ipë jam tsënaaytyëpën Zaanán ka'ap nëjkx tsyoontë. Tam'ajtp ja jë'ëyëm yaxën Bet-ésel, e miitsëty ka'ap xypyaata'antë ja näypyutëkë ma yë'ëjëtyën.

Salmos 73:24

tëës mijts xytyu'uwinye'ey mëët yë m'ëëwij mkajpxwijën, e ko ja xëëw jëmëjt tpaatëty mijtsës xy'ëxajëjaanp mëët yë xoontakën.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Isaías 47:3

niwa'ats ëxwa'ats m'itëty, wä'än tyaj'ixy ja m'ëmaayajtën. Minës n'ëktuunwinpity ijxtëmës ëxëëk të njaty të nkëpetyën, ni pën xykya''akajpxtukëtyës oy jënu'un pën jyanu'kxta'akëty.

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

2 Corintios 5:3

jëtu'un'äämpy oy ëëtsajtëm jëna'a ja wit tujkxy n'ëxmajtsmëty naaxwiinypë, ka'ap niwa'ats ëxwa'ats nwë'ëma'anëmë.

Lucas 12:21

Jëtu'un jyäty yë ja'ay mëti'ipë winë may nyipëjkpejtypyën, jam ma Tiosën, ëyoopëja'ay jam nyäxy.

Nahúm 3:5

Yë Wintsën mëti'ipë maaytyääyëpën winë jëtu'un y'ënä'äny: Tyaajës nyajpaaty ets mijts ëxëëk ntuna'any: Yë'ëjës yam yë m'ëxmuk nyujkwitsäämpy jampaat ma mwiin mjëjpën ets ja'ayëty mëti'ipë wiink naax wiink kajpn tso'ontëpën ëxwa'ats m'ixku'ixëtëty ets mtsëtyu'unpaatëty ma ja yajkutujkpëtëjkën.

Mateo 25:9

E ja jëjp'ixypyë yajpaatën je'eyë y'ëtsoowtë: Ka'ap, jä'ä ko kyamëta'akëty ko yam nmo'otëty e ëëts tiis nyajtuntëp. Nikë nëjkx timjyuytyë ma tyookyën jëtu'un jotkujk xyajtuntëty.

Jeremias 13:26

Niwa'ats ëxwa'ats nyajwë'ëma'any ets mtsëtyunëty mjaaypyätëty.

Eclesiastés 8:2

Mtunëp ja ënä'ämën mëti'ipë ja yajkutujkpë të tni'ënä'ämën, jä'ä ko jëtu'un të xytyuny ja waantakën ma Wintsënën.

Proverbios 19:20

Ja'akyukë ja näy'ëëwij näkyajpxwijë ets kupëk ko ënäty pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënäty mwijyëty.

Proverbios 1:30

Ka'ap xy'ëxajëja'antë xykyupëka'antë ja n'ëëwij nkajpxwijënës ets m'ixtijtëp ja n'ëëwtë'ëw nkajpxtë'ëwënës.

Proverbios 1:25

Jëtu'unyë nëkoo je'eyë të xynyakumëtoownaxtë yë n'aaw n'ayukës. N'ëëwijën nkajpxwijënës ets nijënu'un të xykyakupëktë ja n'ëëwtë'ëw nkajpxtë'ëwënës.

Salmos 107:11

mëët ko tkäjpxykyumëtoownajxtë ja Wintsën ja y'ënä'ämën tyiyajtën ets ko ka'ap tuuntë këwentë mëti'ipë ojts tjatuknipëjktaakën ja Ni'ik Këjxmëpë.

Salmos 16:7

Nkënu'kxyjyawëjäämpyës yë Wintsën, jä'ä ko yë'ëjës xytyu'uwinwoop xytyu'uwinwijtsp, ets yë'ë yaj'o'oyëtyääpy yë njot nwinma'anyës koos nma'ay npo'kxy.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.