Apocalipsis 3:15 - Biblia Mixe de Quetzaltepec

¹⁵ Nija'apës tëkokyë tii mtuunpyën. Nnija'apës ko ka'ap mtëtsykyëty ets ka'ap m'anëty. Oy ko jeexyë m'anëty ëkë mtëtsykyëty

Biblia Dc en Mixe de Quetzaltepec

¹⁵ Nija'apës tëkokyë tii mtuunpyën. Nnija'apës ko ka'ap mtëtsykyëty ets ka'ap m'anëty. Oy ko jeexyë m'anëty ëkë mtëtsykyëty

Apocalipsis 3:15 ပူးပေါင်းရင်းမြစ်များ

Romanos 12:11

Tuk'o'kpätë ja oypyë tuunk. Ka'ap mnuuxta'aktëty. Mëtuntë Tios ëmuumtu'ukjot.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Santiago 1:8

jä'ä ko tyam wiink ja winë tmëmay tmëtajy ets jëpom wiink ënäty myääykyoj tyajkojnë, ka'ap tu'ukyë ja jyot wyinma'any tyaj'ity.

1 Reyes 18:21

Tä ja Elías tmëwinkoony ja naax kajpn ets y'ënäny: ¿Jëna'apaat jëtu'un miitsëty ya'atë jëtu'unpë xytyuunk'ata'antë jëtu'un tä jeexyë je'eyë m'ëyë'ëktën mkëyätën ma xy'ixtën mëjpë mutskpë? Tyam yajxon n'ënëëmëtë, pën yë Wintsën yë'ë mëj ets janty mëtëy ko Tyiosëty panëjkxtëkëtë yë'ë, e pën yë Baal yë'ëts mëj oy yë'ë xypyanëjkxtëkëtëty. Ja naax kajpn nitii ayuk tkapaty.

Apocalipsis 2:4

E tap mëti'ipës ka'ap n'ojawën ma mijtsën, ko ka'ap jëtu'un ja tsojkën xy'ëkmëët'ajnë ijxtëm ijty tëëyëpën.

Mateo 24:12

Jä'äkyëjxm ko ënäty ja ëxëëkpë ku'oypyë myëjtëkë, paaty may ja ja'ay ka'ap oy t'ëkmëët'atanëtë ja nätsyokë.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Filipenses 1:9

N'amëtoopy npëjktsoopyës ja Tios ets wäänëni'ik ja m'oyjot m'oywyinma'anyëty jyaaktimkyëjääjëty ets ja Tios ni'ik mjaaktimmyo'ojëtëty ja wijy'ajt ets ja'aykyujkën,

2 Corintios 12:20

Tsë'këpës ko ënäty nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënäty miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Apocalipsis 3:1

Nnijayë yë tsajpjotmëtë kukäjpxy jampë yajpaatyën Sardes: Jëtu'un y'ënä'äny mëti'ipë myëët'ajtypyën wëxtujkpë ja Tios ja jya'awën ets wëxtujkpë ja matsa'a: Nija'apës tii mtuunpyën ets nija'apës ko mjajuuky'ajtp je'eyëp ko ooky myajpaaty.

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.

2 Tesalonicenses 1:3

Mëku'uktëjkëty, xëmës ja Tios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Oseas 10:2

Mäjtsk yë Israel yë jyuukyjot të nyäwyä'kxyë, tyam kyëpätäämpy ja nyëë pyoky. Yë Wintsën yajkutëkoyäämpy yë wintsë'këntyakn ets jyijtë'ëkäämpy yë tsaatsetsy mëti'ipë kënu'kxy yajnajxtëpën.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

Oseas 7:8

Tëë yë Efraín nyäxyëpinyë mëët wiinkëtypë naax kajpn. Jëtu'un yë Efraín tä tu'uk yë tsajpkääkyën tu'kpa'apë je'eyë kyë'ëwëtyën.

Apocalipsis 3:16

E jä'ä ko je'eyë mjokxëty, ka'ap mtëtsykyëty ets ka'ap m'anëty, paaty n'ix'ëëtsa'any.