Apocalipsis 3:10 - Biblia Mixe de Quetzaltepec

¹⁰ Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënäty ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Biblia Dc en Mixe de Quetzaltepec

¹⁰ Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Apocalipsis 3:10 ပူးပေါင်းရင်းမြစ်များ

Isaías 24:17

Ja naaxwiinyëtë ja'ay jëtu'un nëjkx yajpajëtitë tä ja'ay aayjëyujk ujtsjëyujk tpajëtityën, ets tä jam tyimka'ajanë ma të yajxokyën.

Daniel 12:10

May ja ja'ay y'ëyowa'any jyotëkoyä'äny mëët ja ëyo'on mëti'ipë yam të yajnikäjpxyën ets nëjkx wya'atstë ets nitii ëxëëkajtën tkamëët'ata'antë. Yë ëxëëkja'aytyëjk je'eyëm tuna'any tkajpxa'antë winë ëxëëkjaty ets ka'ap tja'akyukëja'antë tii tuunëp jajtëp, e yë wijyjyä'äytyëjkëty jyä'äkyujkëtya'ajantëp winë wa'ats.

Mateo 24:14

Ets ya'atë aaw ayuk oypyë ma Tios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Mateo 26:41

Juuky näyaj'itëtë ets ja'amyätstë Tios, këtii ja ku'oypyë mnätyukmëmëta'akëtë. Tsyojkpy ja aaw jot ets tunëty mëti'ipë Tios tyukjotkëtäkpyën, je'eyëp ko ja ni'kx kopk atoonk apatk yajpaaty.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Marcos 14:9

Tëy miits n'ënëëmëtë ko oy tyimmaajëty maa ënäty yajkajpxwä'kxyën ya'atë oy aaw oy ayuk, yajnikajpxëp näjyëtu'un ets mëj'äämpy nëjkx nyäxy ya'atë to'oxytyëjk mëët mëti'ipë të tunyën mëët ëjts.

Lucas 2:1

Jää it ja yajkutujkpë César Augusto ojts tni'ënä'ämë ets ja ja'ay ni'ëmukë yajjaaymyuktëty ma yë'ë yajkutukyën.

Juan 17:6

Ja ja'ayëty mëti'ipë mijts të xywin'ixyën naaxwiiny, mëti'ipës të xymye'eyën, tëëjës ntuk'ëwaanëtë mpën mijts. Mijts ijty mjä'ä'ajtyp ets tëë mijts xymyo'oyës ets tëë ja m'aaw m'ayuk tpatuntë.

Romanos 1:8

Tim jëwyiin tim jëyëjp, nyajnaxyës ja kukajpxën ja'awëkyëtakën ma Tiosën mëët ja Wintsën Jesukristë ja xyëëw, ko miitsëty oy myanimëtya'aktë oymyaajëty ko të mëpëktë.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Tios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënäty ja ëyo'on jotmay xypyaatë, Tios nëjkx mputëkëtë ets xymyënax xyajnaxtëty.

Efesios 6:13

Paaty miits yajxon xymyëët'atëty ja mëk'ajtën mëti'ipë Tios të mmo'ojëtën, ko tpaatëty ja xëëw ëxëëkpë myiny wyinkonyën ets xymyëmëta'aktëty, tu'ukyë ja mëpëjkën xyaj'itëty ko ënäty mëk myajpaatë.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

Santiago 3:12

Mëku'uktëjkëty, ¿tëëm'ajtp jëtää ja aceituna ma ja higo kepyënë; ëkë tsatym, tëëm'ajtp jëtää ma ju'u kepyënë? Tim näjyëtu'un ma tu'uk ja nëëkopkën, ka'ap ja pa'akpë jap pyëtsimy ma ja ta'amtspë pyëtsimyën.

1 Pedro 4:12

Mëku'uktëjkëty, këtii xymyëkjawëtë ko ja ëyo'on jotmay xypaatëty, ijxtëm jeexyë ka'ap pën timmyëmëta'akëtyën.

2 Pedro 2:9

Yë Tios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Tios ja nyaax kyajpnën.

Apocalipsis 13:14

Jëtu'un'äämpy ja ja'ay twin'ëëny twinxajy ko ja myëk'ajtën tyaj'ixyë. Tääts twin'ë'ëny ja naaxwiinyëtë ja'ay ets t'ënëmaay ets t'oytyuntëty tu'uk ja awinax ijxtëm ja mëjëwyiinpë ja mëj jëyujkën mëti'ipë ka'ap të y'ookyën, oy të jyayajpuxy.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 14:12

Paaty ja mëpëjkpëtëjk, mëti'ipë ja Tios ja y'ënä'ämën pyatuunëtëpën ets mëti'ipë ja Jesús mëët tu'ukyë y'itën, pyëjktaktëp ja mëjaaw.

Apocalipsis 14:6

Ënät ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Tios Mëti'ipë Maaytyääyëpën Winë.

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënäty nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 3:8

Nija'apës tëkokyë tii mtuunpyën; ix, tëëjës tu'uk ja tëjk'aaw ëwa'atspë npëjktä'äky ma mijtsën, mëti'ipë ka'ap pën tjëkyepy tyaj'ëwa'atsëtyën. Oy ja mëjaaw nëkooyë xykyamëët'aty, tëë ja n'aaw n'ayukës xypyatuny, kä'äp të xykyuyu'utyës.

Apocalipsis 6:10

Ets mëk y'ëna'antë: Janty oy, janty wa'ats mijts, Tios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?

Apocalipsis 8:13

Tam ënäty jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.