Apocalipsis 22:17 - Biblia Mixe de Quetzaltepec

¹⁷ Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Biblia Dc en Mixe de Quetzaltepec

¹⁷ Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Apocalipsis 22:17 ပူးပေါင်းရင်းမြစ်များ

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Apocalipsis 21:6

Ënät xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Juan 7:37

Ja tu'kxëëw ënäty kyakëxy ja mëj xëëw tyunyë jyätyën. Ko ja Jesús ojts wya'kukë ets mëk y'ënäny: Pën tëtsëp, wä'änës xynyiminy ets y'uukëty.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Juan 4:10

Ënät ja Jesús y'ëtsoowë: Ko jeexyë mijts xy'ëknijawë mëti'ipë ja Tios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Salmos 34:8

Ëk'ijxmatstë ets xy'ixtëty ko Wintsën oy yë winma'any tmëëtëty. Jotkujk yë ja'ay yajpaaty mëti'ipë Tios tyukjotkujk'ajtypyën.

Isaías 2:5

Miitsëty Jacob yë y'u'unk y'ëna'k, mintë ets ni'ëmukë nye'eymyujk nnajxmujkmëty ma ja Wintsën ja nyëë'aaw tyu'u'aawën.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Tios ets ma ja Kupixyny U'unkën.

Apocalipsis 21:9

Ënät nitu'uk ja niwëxtujkpë ja tsajpjotmëtë kukäjpxy myiiny, mëti'ipë myëët'ajtypyën ja wëxtujkpë ja a'ukën ujtspë yajpaatën mëët ja wëxtujkpë ja ëyo'on ets xynyëmaayës: Min ets ntuk'ixëty ja mëpëjkpëtëjk mëti'ipë pyëkantëpën ja Kupixyny U'unk.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Romanos 3:24

E ja Tios, mëët ko tmëët'aty ja tsojkën ja'awën ets ka'ap të yajkujuy nitu'kjënu'un, wa'ats të tyajnajxta'ay ja ja'ay, mëët ko ja Jesukristë të tuny ja yaj'ëwaatsëpëtsë'ëmën.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Tios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënäty ja mëmäjtsk'okpë o'kën y'ity.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

1 Corintios 2:12

Ëjts, ka'apës ja njot nja'awën jyëtu'unëty ijxtëm ja ja'ayëtyën mëti'ipë yajtuuntëpën ja naaxwiinyëtë winma'any, jëtu'un ja njot nja'awënës ijxtëmës ja Tios të xytyukmëtsokyën koos të xymyo'oy etsës nja'akyukëty ja Tios ja y'oyajtën mëti'ipë ëëtsajtëm të xymyo'oyëmën.

Miqueas 4:2

may jam yë naax kajpn myina'antë ets y'ëna'ana'antë: Mintë, tsojk jam mpa'tëjkëmë ma Wintsën yë kyopkën, jam ma Tios yë tsyajptëjkën mëti'ipë Jacob y'ëwtajtën ets xytyukni''ijxëmëty yë nyë'ë tyu'u ets mëtëy nye'eymyëty nnajxmëty. Jä'ä ko jam Sión jam ja Wintsën ja y'ijxpëjkën tsyoona'any, jamtsow Jerusalén myina'any yë y'aaw y'ayuk.

Juan 4:29

Min xy'ixtë tu'uk ja ye'etyëjk mëti'ipë të tnikajpxta'ayën tiijatyës të ntunyën. ¿Ka'ap jëtää jyä'äjëty ja Kristë?

Ezequiel 47:1

Ojtsës jatëkok ja ye'etyëjk xywyoownëjkxy ma ja tsajptëjk yajnitëkën. Ënätës n'ijxpaty ko japtëm ma akaj'ëjxën myuuty yë nëë, jam nyajtspëyë'ëkë xëëwpëtsëmtsyow, ma ja tsajptëjk nyajts'ixën. A'oytsyow ja nëë tnaye'ey ja tsajptëjk, ëpa'tkë'ëytsyow ma wintsë'këntyaknën.

Juan 4:11

Tääts ja to'oxytyëjk y'ënëmaayë: Wintsën, ka'ap tii xymyëëtëty wi'ix yë nëë xyjyuuta'any jap jutjoty, këk yë nëëtajy, ¿maajën ja nëë xypyëka'any mëti'ipës xymyo'ojaanpën mëti'ipë yajjuuky'ajtpën?

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Juan 1:37

Ko jëtu'un tmëtoowtë ja Juan ja y'ijxpëjkpëtëjk ja nimäjtskpë ënät ojts tpanëjkxtë ja Jesús.