Apocalipsis 21:8 - Biblia Mixe de Quetzaltepec

⁸ E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Biblia Dc en Mixe de Quetzaltepec

⁸ E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 21:8 ပူးပေါင်းရင်းမြစ်များ

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënäty ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Tios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 25:25

Paatyës të ntsë'ëkë etsës të nyu'utys ja mmeeny. E tsyaats ja mëti'ipës ojts xymye'eyën.

Mateo 8:26

Tääts ja Jesús y'ëtsooy: ¿Tii ko mtsë'ëkëtë, wäänë miits ja mëpëjkën xymyëët'atë? Ko jëtu'un y'ënäny, tääts tyënaakyujkëy ets ojts twinkukajpxë ja poj ets ja mejy ets pyojmoony.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Deuteronomio 20:8

Ënät ja tsiptuunpë wintsën, nëjkx jatëkok tmëkajpxtë ja tsyiptuunpëtëjkëty ets t'ënëëmëtëty: Pën tsë'këp ets ka'ap jotkujk nyäjyawëty twinkuwa'akëty amëk jotmëk ja myëtsip, nikë oy ko wyimpitëty këtiipë nëkoo ja myëku'uk tsë'ëkëwinkajpxëty.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Hebreos 12:24

tëë ja Jesús xymyëwinkontë, mëët ko ja Tios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

1 Juan 2:22

¿Pën jëtää win'ë'ëmpë'ajtp? Yë'ë mëti'ipë ënaanpën ko Jesús ka'ap yë'ëjëty mëti'ipë ënäty yajjëjp'ijxpën. Jëtu'umpë ja'ay myëtsip'ajtyp ja Kristë, ka'ap tkupëky ja Tios Teety ets nän ka'ap tkupëky ja Tios U'unk.

1 Juan 3:15

Pën ja myëku'uk kyatsojkpy kyame'kxyp, jëtu'un ja tpaaty ijxtëm jeexyë yaja'ay'ookyën, miits mnija'awëtëp ko yë yaja'ay'o'kpë ka'ap tmëëtëty ja xëmëkyëjxmëpë ja juukyajtën.

1 Juan 5:10

Pën myëpëjkpy ja Tios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Tios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Tios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Tios y'anklëstëjk wyintum ets mëti'ipë yajtijpën Kupixyn U'unk wyintum.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënäty ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Tios ja jyä'äjën ets tukwin'ëëny mëti'ipë ënäty të tkupëktën ja mëj jëyujk ja tsya'a ets të twintsë'ëkëtë ja awinax. Ënät ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 2:11

Pën yë tyatsk myëët'ajtyp wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ka'ap ja ëyo'on tpaata'any mëti'ipë xëmëkyëjxm ijtpën.

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 9:17

Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.

Apocalipsis 9:21

Ets ni yë'ë tka'ëxmajtstë ja yajja'ay'o'k, ja panajxk, ja ëxëëk juukyajtën ets ja mä'tsk.

Jueces 7:3

Paaty nëjkx ets xy'ënëëmëty, ko pën tsë'këp oy wyimpitëty ets nyëjkxëty ma tyëjkën. Jëtu'un'äämpy ojts ja Gedeón t'ixy ko may ënäty ja ja'ay wintse'knyëpë, jä'ä wyimpijtë ja ja'ayëty i'px mäjtsk mil ets je'eyë ojts wyë'ëmtë majk mil.