Apocalipsis 21:7 - Biblia Mixe de Quetzaltepec

⁷ Ya'atë kyuma'ayën'atëp pën ënäty mëtakpën, etsës yë'ë xyTios'atëty ets yë'ëjës n'u'unk'atëty.

Biblia Dc en Mixe de Quetzaltepec

⁷ Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Apocalipsis 21:7 ပူးပေါင်းရင်းမြစ်များ

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Tios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Tios yajpaata'any mëët yë'ëty.

Apocalipsis 2:11

Pën yë tyatsk myëët'ajtyp wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ka'ap ja ëyo'on tpaata'any mëti'ipë xëmëkyëjxm ijtpën.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Tios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Tios tyajkojy ja naaxwiinyëtë.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënäty ja mëmäjtsk'okpë o'kën y'ity.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Proverbios 3:35

Ja näykyumayë ets ja nämyëjpëjkta'akë, yë'ë kyuma'ayën'ajtyp yë wijyjyä'äy, e ja tsuuja'ay yë'ë tyukmëjpëtsëëmpy ko ka'ap pën y'oyjyawëty.

1 Samuel 2:8

Tios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Tios kyënu'kxëtëty. Paaty miits ja Tios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

Apocalipsis 2:25

Yi'iyë ko xykëwent'atëty mëti'ipë mmëët'ajtëpën koonëmës nminëty.

Marcos 10:17

Ko ja Jesús ënäty jam tsyoona'any, ënät tu'uk ja ja'ay pëyi'ikyë nyimiinë ets nyäkyoxtënaaytyakë ma yë'ëjën. Tääts y'ënëmaayë: Oypyë Wintsën, ¿tiis mëpaat ntuny etsës npaatëty ja juukyajtën xëmëkyëjxmëpë?

Isaías 65:9

Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

2 Samuel 7:14

Ëjtsës nëjkx xytyeety'äty ets yë'ë nmaank'atyës. E ko ënäty tyuuntëkoy, nëjkxëpës ntukumëtoy ijxtëm tu'uk yë u'unkteetyën yë y'u'unk tukumëtoyën ko kyamëtä'äky,

Salmos 89:26

Täätsës xy'ënëëmëja'any: Mijts nTeety'äjtyp ets mijts nTios'ajtyp, mëti'ipës xyajnitsokpën ets xy'ijx'ijtp xykyëwent'ajtpën.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Romanos 8:14

Tëkokyë ja ja'ayëty mëti'ipë në'ëmooy tu'umooyëpën ja Tios ja Kyënu'kxymyëk'ajtën, Tios ja u'unk'atanëtëp.

Romanos 8:19

Tu'kë'ëyë mëti'ipë ja Tios të tyajkojyën jyëjp'ijxtëp ja xëëw ma ja Tios tyajnikëxë'ëkanyën mëti'ipë y'u'unk'ajtypyën.

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.