Apocalipsis 21:23 - Biblia Mixe de Quetzaltepec

²³ Ka'ap jam myëyäty ets ja xëëw po'o y'anëty kajpnjotm, kë'ëm ja Tios ets ja Kupixyny U'unk y'ajajy y'atë'kxy.

Biblia Dc en Mixe de Quetzaltepec

²³ Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Apocalipsis 21:23 ပူးပေါင်းရင်းမြစ်များ

Apocalipsis 22:5

Ka'ap ja kootspë jam y'ita'any ets mëti'ipë ënäty jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.

Apocalipsis 21:11

Janty ajajp janty atë'kxp mëët ja Tios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Isaías 24:23

Ko ënäty ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kutujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Apocalipsis 21:25

Nijëna'a ja tëjk'aaw jam ëtuky kya'itëty xëëny. Nijëna'a ja kootspë jam kya'ita'any.

Juan 5:23

e ja Tios U'unk näjyëtu'un yajwintsë'ëkëty ijxtëm ja Tios Teetyën. Pën ka'ap twintsë'ëkë ja Tios U'unk, nän ka'ap twintsë'ëkë ja Tios Teety mëti'ipë kyejxypyën ja Tios U'unk.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 1:4

Ma yë'ëjën ënäty ja juukyajtën yajpaaty, ets ja juukyajtën yë'ë kyutë'kxyp ja naaxwiinyëtë ja'ay.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Tios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Hechos 22:11

Jä'ä ko tëëjës ënäty ja mëk ajajk xyajwiintsë, tääts ja nmëku'uktëjkës ojts xywyijtsnëjkxtë jam Damaskë.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Juan 17:24

Tios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënäty ja naaxwiinyëtë kyojynyëm.

Isaías 2:21

Jap muum tsaajutjoty, tsajpkëkjoty nëjkxëp ja ja'ay nyäy'atijëtë, jap nyäyu'utsëtëty ko ënäty ja Wintsën ja ëyo'on tyajminy tyajkëtä'äky naaxwiiny naaxkëjxy.

Isaías 2:19

Ko ënäty ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënäty ja myëj'ajt y'oyajtën tyaj'ixyë.

Isaías 2:10

Tsaajoty nëjkx muum kyukääkëtë; nëjkxëp yu'utsy me'ty jyaak kä'äktë ko ënäty ja Wintsën ja tyiytyu'unën tyajnaxy.

Salmos 84:11

Jä'ä ko yë Tios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënät ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Apocalipsis 5:6

Ënätës n'ijxy tu'uk mëti'ipë yajtijpën Kupixyny U'unk, itkujky tyänë ma ja kutujktaknën, ma ja nimajktaxkpë juukyajtpën ets ja mëjja'aytyëjkëty. Jëtu'un kyëxë'ëky tëë yowë wyintsë'kën'aty. Wëxtujk ja wyaj tmëëtëty ets wëxtujk ja wyiin. Ja wëxtujkpë ja wyiin, yë'ë ja wëxtujkpë ja'awën mëti'ipë ja Tios të tkexyën yaa naaxwiiny.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Tios tu'kë'ëyë ja wyiin nëë pyo'ta'aja'anëtë.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.