Apocalipsis 21:2 - Biblia Mixe de Quetzaltepec

² Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Biblia Dc en Mixe de Quetzaltepec

² Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Apocalipsis 21:2 ပူးပေါင်းရင်းမြစ်များ

Salmos 87:3

Tios yë kyajpn, janty'oy myajnikäjpxy myajnimëtyä'äky

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënäty nyajtëkajtsës yë Judá ja'ay yë jyuuky'ajtënëty ets ko ënäty jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

2 Corintios 11:2

Ni'ikës miits ntsoktë mëët ja Tios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Hebreos 11:10

Jä'ä ko ja Abraham jyëjp'ijxyp ënäty ets tääpë kajpn ta'tspëky yajpaatëty, ma ja Tios yë'ë yajpaatyën ijxtëm tu'uk ja tëjk kojpën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Tios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Tios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Tios tyajmëjnaxtë.

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Apocalipsis 1:1

Ya'atë ja Tios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Tios ja jya'awën myëk'ajtën mëti'ipë ijtëpën ma ja kyutujktaknën,

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 11:2

Je'eyëp ko këtii xykijpxëty ja Tios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Apocalipsis 21:10

Ënätës ja tsajpjotmëtë kukäjpxy ojts xytyuk'ixy ja Kënu'kxymyëkajtën ma ja kopkën këjxmëpë ets xytyuk'ijxyës ko kyëtä'äky ja kënu'kxy mëj kajpn, ja Jerusalén kajpn, mëti'ipë tsajpjotm tso'onpën Tios wyintum.

Apocalipsis 21:9

Ënät nitu'uk ja niwëxtujkpë ja tsajpjotmëtë kukäjpxy myiiny, mëti'ipë myëët'ajtypyën ja wëxtujkpë ja a'ukën ujtspë yajpaatën mëët ja wëxtujkpë ja ëyo'on ets xynyëmaayës: Min ets ntuk'ixëty ja mëpëjkpëtëjk mëti'ipë pyëkantëpën ja Kupixyny U'unk.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Apocalipsis 22:19

Ets pën jää pën tpëjktuky mëti'ipë yap jaaypyetyën, näjyëtu'un ja Tios pyëjktuka'anxëty mëti'ipë ënäty ja paat'ajtëpën ets tjë'kxëty ja kepy tyëëm mëti'ipë yajjuuky'ajtpën ets ka'ap jam y'itëty ma ja kënu'kxypyë ja mëj kajpnën mëti'ipë yap nokyjoty të yajnimëtyä'äkyën.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Tios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.