Apocalipsis 21:10 - Biblia Mixe de Quetzaltepec

¹⁰ Ënätës ja tsajpjotmëtë kukäjpxy ojts xytyuk'ixy ja Kënu'kxymyëkajtën ma ja kopkën këjxmëpë ets xytyuk'ijxyës ko kyëtä'äky ja kënu'kxy mëj kajpn, ja Jerusalén kajpn, mëti'ipë tsajpjotm tso'onpën Tios wyintum.

Biblia Dc en Mixe de Quetzaltepec

¹⁰ Ënätës ja tsajpjotmëtë kukäjpxy ojts xytyuk'ixy ja Kënu'kxymyëkajtën ma ja kopkën këjxmëpë ets xytyuk'ijxyës ko kyëtä'äky ja kënu'kxy mëj kajpn, ja Jerusalén kajpn, mëti'ipë tsajpjotm tso'onpën Dios wyintum.

Apocalipsis 21:10 ပူးပေါင်းရင်းမြစ်များ

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Ezequiel 11:24

Ënät ja Tios ja myëk'ajtën ojts xyajpëtë'ëkyës, etsës xyajwinpijty jam Babilonyë, ma yajpaatën ja wiinkëtypë ja Israel ja'ayëty tsumy matsy. Ya'atë nwin'ijxës ko ja Wintsën ja jyot jya'awën xytyuktëjkëyës. Ok, ka'apës ojts tii n'ëkwin'ijxnë.

Apocalipsis 17:3

Ënät ja tsajpjotmëtë kukäjpxy, mëti'ipë ja Kënu'kxymyëkajtën xytyuk'ijxpënës ojts xyajnëjkxyës jam të'ëts'itjotm. Jam n'ijxyës ja to'oxytyëjk tuk'u'unyë ja mëj tsapts jëyujk mëti'ipë ujts nyini'kxën mëët ja ëxëëk ayuk mëti'ipë ja Tios tyukni'ojëpën ets wëxtujk ja kyëpajk ets majk ja wyaj.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Hechos 8:39

Ko pyëtsëëmtë nëëjoty, ënät ja Felipe ja Wintsën ja Jya'awën wiinktsow yajnëjkxë; ni kä'äp ja Etiopíë ja'ay t'ijxy maa ojts ja Felipe nyijkxy e yë'ë akujk jotkujk ojts jatëkok tyu'utëkë.

Ezequiel 11:1

Ënät ja Tios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënät ja Tios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Tios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Tios t'ixyën.

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.

Ezequiel 3:14

Ënätës ja Tios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Tios mëk xymyajts'ity nkë'ëkëjxyës.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

2 Reyes 2:16

ets t'ënëmaaytyë: Ëk'ix Elisejë, maa ëëtsëtyën, tä ja'ay yajpaatë niwëxtyikxymyajkën mëti'ipë jotmëkëtyën. Yë'ë ënëëmëtë wä'än nëjkx t'ixta'atë ja mwintsën Elías, jä'ä ko wä'änxyëp je'eyë yë Wintsën yë myëk'ajtën y'oyajtën të yajpëtë'ëkyë ets jatëkok të nyasmatsëty jam muum tunkëjxm kopkkëjxm ëkë jam muum joyjotm. E yë Elisejë tyaa y'ëtsooy: Ka'ap nëkoopë pën nkäjxmëty.

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Tios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.

Apocalipsis 11:2

Je'eyëp ko këtii xykijpxëty ja Tios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.