Apocalipsis 20:15 - Biblia Mixe de Quetzaltepec

¹⁵ Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Biblia Dc en Mixe de Quetzaltepec

¹⁵ Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 20:15 ပူးပေါင်းရင်းမြစ်များ

Juan 3:36

Pën ja Tios U'unk myëpëjkpy, yë'ë myëët'ajtyp ja juukyajtën xëmëkyëjxmëpë; e mëti'ipë ka'ap tmëpëkyën Tios U'unk, ka'ap tmëët'ata'any ja juukyajtën xëmëkyëjxmëpë, yë'ë y'ëxajëjäämpy ja Tios ja tyiytyu'unën.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Tios të xymyo'oyëmën ets xyajnitsokmëty.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Mateo 13:50

Jëtu'un yajpëjkta'aka'antë ja ka'oyjyä'äytyëjk jap jëënjoty ets nëjkx tyëkëtë jëëpyë yaxpë ets tyipkä'äxtëty.

Mateo 25:41

Ënät ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënäty ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Tios ja jyä'äjën ets tukwin'ëëny mëti'ipë ënäty të tkupëktën ja mëj jëyujk ja tsya'a ets të twintsë'ëkëtë ja awinax. Ënät ajuukyë nimäjtsk yajkujëpijpëtyë ma ja mejy tyoyën mëët ja azufre.

Hebreos 12:25

Näkyëwent'atëtë, mëmëtowtë ja Tios. Mëti'ipë ja Tios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

Mateo 13:42

Jap yajpëjkta'aka'antë ma ja jëën mëj tyoyën, ma jyë'ëtëty ya'axtëty ets tyipkä'äxtëtyën.

Salmos 69:28

Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Tios të tuny ja mëyajtën ko mxëëw jap kuja'ay y'ijnëtë tsajpjotm.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.

Apocalipsis 20:10

Ets ja mëjku'u mëti'ipë ënäty të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënäty të yajkupipëtën ja mëj jëyujk mëët ja mëti'ipë ja Tios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 20:14

Ënät jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.