Apocalipsis 2:25 - Biblia Mixe de Quetzaltepec

²⁵ Yi'iyë ko xykëwent'atëty mëti'ipë mmëët'ajtëpën koonëmës nminëty.

Biblia Dc en Mixe de Quetzaltepec

²⁵ Yi'iyë ko xykëwent'atëty mëti'ipë mmëët'ajtëpën koonëmës nminëty.

Apocalipsis 2:25 ပူးပေါင်းရင်းမြစ်များ

Apocalipsis 3:11

Minaanpës tsojk. Kwent'at mëti'ipë mmëët'ajtypyën këtiipë pën mpëjkëtëty ja mkuma'ayën.

Apocalipsis 22:7

Jëtu'un ja Jesukristë y'ënä'äny: Tsojkës nminëty. Akujk jotkujk ja ja'ay yajpaaty mëti'ipë myëjpëjktäkpyën ja Tios ja y'aaw y'ayuk mëti'ipë käjpxynyajxpë të tnimëtya'aktën, jaaypyetypë myinyën nokyjoty.

Apocalipsis 3:3

Ja'amyäts ja oypyë ja ijxpëjkën mëti'ipë të xymyëtoyën ets niwinpit ja Tios. Pën ka'ap juuky m'ity, ninëjkxäämpy tä mä'tspën ma ënäty ka'ap tii xymyëmay xymyëtajyën.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Tios, kyuuytyuunpy mëti'ipë wyaantäkpyën.

Apocalipsis 22:20

Mëti'ipë ya'atë nyikäjpxypën, jëtu'un y'ënä'äny: Tsojk mminëty. Min Wintsën Jesús, tsojk min.

1 Tesalonicenses 5:21

Ijxmajtsta'atë tu'kë'ëyë ja ëxëëkpë, yë oypyë yë'ë myajwë'ëmtëp.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënäty t'ixtë. Tëy jëtu'un, jëtu'un y'itëty.

Hebreos 4:14

Jesús, ja Tios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Tios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Juan 14:3

Ets koos nnëjkxëty ets nipëjktaakëja'anyës miits ja m'ijtaknëty, minaanpës jatëkok ets nyajtsoona'antë, jëtu'un miits nän jap myajpaatëty ma ëjtsën.

2 Pedro 3:10

Ko ënäty ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënät ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Tios tpaye'eytyä'äy.

1 Corintios 11:26

Koonëm ja Wintsën myinëty, miitsëty yë'ë ënäty mnikajpxtëp ko koo xykyäytyëty ya'atë tsajpkääky ets ko xy'uuktëty ya'atë tsatym nyëë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Hechos 11:28

Tu'uk txëëwaty Agabo, jä'ä ojts wya'kukë mayjyä'äyjotm ets ojts Kënu'kxymyëkajtën yajkäjpxyë ko ënäty y'ita'any ja mëk yuu ma tu'kë'ëyë ja Roma ja y'itjotmën. Jajt jëtu'un ko ja Claudio yajkutujky.