Apocalipsis 2:22 - Biblia Mixe de Quetzaltepec

^22-23 Paatyës ja yuu pa'am nmo'oja'any, etsës nyaj'ooka'any ja y'u'unk y'ëna'k, näjyëtu'un mëti'ipë mëët tyuuntëkoyën. Pën ka'ap tyaj'oyë ja jyot wyinma'any ntuknikäxäämpyës ja ëyo'on jotmay. Jëtu'un tëkokyë ja mëpëjkpëtëjk nijawëtëty koos nija'apës tiijaty ja'ay tyuunpy kyäjpxypën ets tii myääpy tyäjpyën; ets nitu'ukjaty miits nmo'oja'antë ja näykyumayë wi'ixjaty ënäty winë të xytyuntën.

Biblia Dc en Mixe de Quetzaltepec

^22-23 Paatyës ja yuu pa'am nmo'oja'any, etsës nyaj'ooka'any ja y'u'unk y'ëna'k, näjyëtu'un mëti'ipë mëët tyuuntëkoyën. Pën ka'ap tyaj'oyë ja jyot wyinma'any ntuknikäxäämpyës ja ëyo'on jotmay. Jëtu'un tëkokyë ja mëpëjkpëtëjk nijawëtëty koos nija'apës tiijaty ja'ay tyuunpy kyäjpxypën ets tii myääpy tyäjpyën; ets nitu'ukjaty miits nmo'oja'antë ja näykyumayë wi'ixjaty ënety winë të xytyuntën.

Apocalipsis 2:22 ပူးပေါင်းရင်းမြစ်များ

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Jeremias 36:3

Wä'änxyëp yë Judá ja'ayëty tyaj'oyëtëty yë jyot wyinma'anyëty; ko nijawëtëty tëkokyë yë ëyo'on jotmay mëti'ipës ntuknikäxantëpën ets jyëkyäpëp npokymyä'kxtëtyës.

Apocalipsis 18:9

E ko ja yajkutujkpëtëjk ets ja ënä'ämpëtëjk t'ixtëty ja jok ko ënäty të tyooypyëjknë, ënät tpajë'ë tpaya'axtë mëti'ipë ënäty të tmëpokytyuntën.

Apocalipsis 18:3

Jä'äkyëjxm jëtu'un jyäty ko ja naaxwiinyëtë ja'ay të tuktuny ja y'ëxëëktu'unën, tëë ja yajkutujkpë tmëpokytyuny ets näjyëtu'un ko ja ajuuy ato'kpë ijty myeenypyaatë ko tooktë mëti'ipë yë Babilonyë yajtuuntëkoopyën mëj këjää.

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Ezequiel 23:29

Ëxëëk nëjkx mtunyë mëët ja tsyip y'äkë ets nëjkxëp tjä'ä'ajta'atë mëti'ipë ënäty nimëjaaw të xypyäätyën, niwa'ats ëxwa'ats myajwë'ëma'anyë; jëkäm ja mjot mnini'kx yaj'ixa'any mëti'ipë të xykyë'ëyäkyën ko të mkujeny'äty.

Sofonías 3:7

Ënät të nmay të ntajyës: Ko ënät yë Jerusalén tsyë'ëkëty ets ënät tkupëkëty yë pyoky ets y'oyëty; jëtu'un ka'ap kyutëkoyëty yë jyëën tyëjk ko ënäty të ntukumëtoyës ja pyoky. E yë'ëjëty poj'am winë të tuuntëkoytyë.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

2 Corintios 12:21

Yë'ës näjyëtu'un ntsë'këp, ko ënäty nëjkx nku'ixëtë, Tios je'eyës xyajtsëtyunëty ko ënäty miits ka'ap tii oy xytyuntë ets je'eyës xyajjë'ë xyajya'axtëty mëët ko miitsëty je'eyë ëxëëkpë xytyuntë xykyajpxtë; tyimtso'ontäky jëtu'un pya'tkë'p'ajty. Ja ëxëëkpë yë'ë oy mtsojktëp, xim yam ja to'oxytyëjk xymyëët'atë ëkë ja to'oxytyëjkëty xim yam ja ye'etyëjk tmëët'atë.

Apocalipsis 2:5

Paaty mëmay mëtaj ma të mka'ayën, ja'amyäts ja Tios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.