Apocalipsis 2:14 - Biblia Mixe de Quetzaltepec

¹⁴ E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Biblia Dc en Mixe de Quetzaltepec

¹⁴ E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Apocalipsis 2:14 ပူးပေါင်းရင်းမြစ်များ

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

Números 31:16

Wi'ix ko të xyajwë'ëmtë, tii këtiijën xyjyä'ämyätstë ko yë'ë ojts yë Balaam kyajpxwijëtë wi'ix yë Israel ja'ayëty tkäjpxykyumëtoownaxtëty ja Wintsën ets t'ëwtatëty ja Baal-peor. Paatykyëjxm ja Wintsën tyaj'o'ky ja mayjyä'äy.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Tios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënäty mtuuntëp. Tios mkënu'kxëtëp.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Josue 24:9

Ënät yë Balac, yë Zipor myaank mëti'ipë ënäty jam ënä'ämpën ma Moab ja'ayëtyën ojts mnipëtë'ëkëtë näjyëtu'un, ojts tmëkäjpxy yë Balaam, yë Beor yë myaank ets mpokëtëty.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Tios ja y'aaw y'ayuk; ets jëtu'un ëxëëk jyatë kyëpätë.

Hechos 21:25

Jënu'un ya'atë mëpëjkpëtëjk ka'ap jyutiis'atën, tëëjës ja noky ntuknikäxtë ko ka'ap tsu'utstëty ja jëyujk tsu'utsy mëti'ipë të yajtukwintsë'ëkën ja tsaamëxan; näjyëtu'un ja ne'pyny ka'ap tjë'kxtëty, ka'ap ja tsu'utsy tsu'utstëty mëti'ipë ka'anëm wyintaxynyëm ets ka'apë y'oyëtyën; näjyëtu'un ka'ap xim yam ja pëjkën ukën tyajma'atëty.

Números 31:8

Ojts tyaj'ooktë ja Eví, Réquem, Zur, Hur ets Reba, jä'ä ja nimëkoxpë ja yajkutujkpëty mëti'ipë jam ënä'ämtëpën ma Madián ja'ayëtyën. Näyjyëtu'un ja Balaam ojts tyaj'ooktë, ja myaank ja Beor.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

1 Corintios 7:2

je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

Mateo 18:7

Ëxëëk tjapaaty ko yaa naaxwiiny naaxkëjxy yi'iyë jää'ajtp wi'ix ja'ay pyokytyunëtyën. Jää'ataanp yë xëmë, je'eyë ko ja ja'ay mëti'ipë ja myëku'uk yajpokytyuunpyën ëxëëk ja jyata'any kyëpäta'any.

Ezequiel 3:20

N'ëkpëjktakmëty wiinkpë ijxpäjtën; tu'uk yë ja'ay oypyë jyuuky'ätyën tyajtëkatsëty yë jyuukyajtën ets jä'ä tuunëty ja ëxëëkpë ëkë tëkatsypë ets jyuukyajtën tyajtsiptëkëty; pën mijts ka'ap wi'ix xy'ënëëmë, ookëp yë'ë. Ëjts ka'apës nja'amyätsa'any oy ënäty tii oy të tjatuny mëj këjää, yë'ë nëjkxëp ja pyoky tku'ookë; je'eyëp ko mijts nëjkx nyajtëy pën tëë ënäty xyjya'ënëëmë ets ka'ap tii tëkatsy tunëty.

Números 24:14

E tyam, oyës nwinpitëty maajës yë nnaax nkajpnën. Jëyëjp yam aaw ayuk nyaka'anyës ma mijtsën ets xynyijawëty tii ya'atë naax kajpn tyunäämpyën.

Romanos 14:21

Nikë oy ko tsu'utsy nkatsu'tsmëty, ni ja tsatsym nyëë nka'ukmëty, ëkë oytyiijëty ka'ap mëpaat yë'ë ntu'unëm mëti'ipë ja nmëku'uk'ajtëm yajpokykya'ajëtëpën.

Romanos 14:13

Paaty ka'ap mnäpyoky'ixëtëty nixim niyam. Yë'ë tuntë mëti'ipë ka'ap yajwiink'ixëtyën ets mëti'ipë ja mmëku'uk ka'ap ja myëpëjkën yajma'txëtëty.

Ezequiel 44:12

Jä'ä ko yë'ëjëty ojts ja Israel ja'ayëty tyuktunëtë ja ëxëëkpë ko ojts ja wiink tios t'ëwtatë ets jëtu'un yajpokytyuunëtë. Paatykyëjxm nëjkx tkumëtowtë ja nyëë pyokyëty. Ëjts Wintsën, ëjts ënaanp.

Jeremias 6:21

Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënäty yajnimintë anëkëjxmtsow.

Apocalipsis 2:4

E tap mëti'ipës ka'ap n'ojawën ma mijtsën, ko ka'ap jëtu'un ja tsojkën xy'ëkmëët'ajnë ijxtëm ijty tëëyëpën.

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

Romanos 11:9

Näyjyëtu'un ja David y'ënäny: Wä'än ja kyä'äyën y'ukënëty yë'ë tmëpokytyëkëtë, ets nyäyajtëkoyëtëty ets tkumëtowtëty,

Romanos 9:32

¿E tii ko ka'ap? Jä'äkyëjxm ko ka'ap ja mëpëjkën tyajtuuntë, yi'iyë yajmëjnajxtë ma winë tii oy tjatunantën. Paaty ojts kyunäpëtë ma ja tsaajën mëti'ipë yajkunäjpëpën.

Isaías 57:14

Ets nëjkx yajmëtoy'äty ja aaw ayuk y'ënä'äny: Yaj'oyëtë në'ë aaw tu'u aaw, tajkijpxyëtya'atë yajxon, jëpëjkta'atë tsaa ets kepy mëti'ipë yaj'anäjp yaj'atä'pxëpën ma nnaax nkajpnës yë nyë'ë tyu'ujën.