Apocalipsis 19:7 - Biblia Mixe de Quetzaltepec

⁷ Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Tios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.

Biblia Dc en Mixe de Quetzaltepec

⁷ Nxoontakëmë, n'ijtëmë nxo'onëmë ets nmëjja'aw njaantyjya'awëmë, jä'ä ko tëë ja xëëw tpaaty ma ja Dios U'unk mëët ja jyä'äy nyäpyaata'anyën, ets mëët pyëka'any y'uuka'any, tëë ja jyä'äy nyäy'ixkukëtë.

Apocalipsis 19:7 ပူးပေါင်းရင်းမြစ်များ

Apocalipsis 21:9

Ënät nitu'uk ja niwëxtujkpë ja tsajpjotmëtë kukäjpxy myiiny, mëti'ipë myëët'ajtypyën ja wëxtujkpë ja a'ukën ujtspë yajpaatën mëët ja wëxtujkpë ja ëyo'on ets xynyëmaayës: Min ets ntuk'ixëty ja mëpëjkpëtëjk mëti'ipë pyëkantëpën ja Kupixyny U'unk.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Tios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

2 Corintios 11:2

Ni'ikës miits ntsoktë mëët ja Tios ja tsyojkën mëti'ipës të xymye'eyën. Jëtu'unës ëjts ijxtëm tu'uk ja u'unkteetyën mëti'ipë ja nyëëx nyi'ëtsoopyën ets pyëkëty mëët tu'uk ja yä'äy ëna'k. Jëtu'un miitsëty ijxtëm ja to'oxy ëna'kën ets ja Kristë ijxtëm tu'uk ja yä'äy ëna'kën. Ntsojkpyës ets miits nkë'ëyaktëty ets ja Kristë mëët mpëktëty m'uuktëty ijxtëm tu'uk ja to'oxy ëna'kën wintëy wiinkujkpë.

Mateo 22:2

Jëtu'un ja tsajpjotmëpë kutujkën ijxtëm ja yajkutujkpë xyëëwtunyën ko ja myaank tyajpëka'any.

Apocalipsis 19:9

Tääts ja tsajpjotmëtë kukäjpxy xynyëmaayës: Këxja'a: Akujk jotkujk mëti'ipë të yajwowtën ma yajnixëëwtunyën ja Kupixyny U'unk. Ets jyaak'ënany: Ya'atë jëtu'un tëy'ajtën'ajtp mëti'ipë Tios kyäjpxypën.

Efesios 5:32

Yë ya'atë mëti'ipë ijty ka'ap yajnijawën, yë'ë ja Kristë ntijpyës mëët ja mëpëjkpëtëjk.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Tios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Efesios 5:23

Jä'ä ko ja ye'etyëjk yë'ë nyikëpajk'ajtyp ja tyo'oxytyëjk, ijxtëm ja Kristë tnikëpajk'atyën ja mëpëjkpëtëjk ets tyajtso'oky, ja mëpëjkpëtëjk mëti'ipë jëtu'unëtyën ijxtëm ja Kristë nyi'kx kyopkën.

Isaías 66:10

Tukxoonta'aktë yë Jerusalén kajpn, tukxoonta'aktë ni'ëmukë jënu'un xytsyoktën; mujkta'atë ninu'un të xynyiya'axtën ets mëët jotkujk myajpaatëty;

Lucas 12:36

Jëtu'un ijxtëm ja tuunpë tjëjp'ixyën ja wyintsën mëti'ipë të y'otsyën mëkääpyë ma pëjkpë ukpën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënäty pyiky y'uuky, ma ënäty ja xyoontakën tpaatyën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Tios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Salmos 107:42

Ko jëtu'un t'ixtë yë oyjyä'äytyëjk, tääts tukxoonta'aktë, e yë ëxëëkja'aytyëjk ëxëëk nyäyjyawëtë ets amë'pxy wyë'ëmtë.

Salmos 48:11

Wä'än yë xoontakën jam tyajpaaty ma Sión kopkën; wä'än yë Judá ja'ayëty t'ätstë txoonta'aktë mëët yë jotkujk'ajtën mëët ko mijts oy winë xytyuknipëjktaakë.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.

Isaías 66:14

Ko ënäty jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Mateo 1:20

Tëë ënäty ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Tios ja tsajpjotmëpë.