Apocalipsis 19:12 - Biblia Mixe de Quetzaltepec

¹² Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Biblia Dc en Mixe de Quetzaltepec

¹² Janty ajajp ja wyiin yaj'ixy ijxtëm ja jëënyä'änkën ets may ja kyujän tmëëtëty ma kyëpajkën. Jamts tu'uk ja xëëw kyuja'ayëty, ka'ap pën t'ijxkäpy, yi'iyë kë'ëm nyija'ap.

Apocalipsis 19:12 ပူးပေါင်းရင်းမြစ်များ

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Lucas 10:22

Tääts ja Jesús y'ënäny: Aak ëjts ja Tios Teety të xymyooytyä'äy tu'kë'ëyë winë. Ka'ap pën tnijawë pën Tios u'unk'ajtp, Tios Teety nätyu'uk nyija'ap; ni pën tkanijawë pën ja Tios Teety, Tios U'unk nätyu'uk nyija'ap ets tyuknijawëp ja ja'ay mëti'ipë ënäty tyuknijawëjäämpyën.

Apocalipsis 1:14

Janty poop ja wyääy, ijxtëm yë pixynyën ëkë ijxtëm yë tsajp'o'pykyën ets ja wyiin ijxtëm ja jëënyä'änkën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Tios xymyooytyä'äy ja kutujkën jam tsajpjotm ets naaxwiinyëtë.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Tios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.

Hebreos 2:9

E Tios të xytyuk'ijxëm ja Jesús, mëti'ipë ja Tios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kutujkën ets ja mëj'ajt oyajtën, mëët ko tmënajxy tyajnajxy ja o'kën. Tios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Salmos 8:5

Jä'ä të xyajkojy jawäänë tkamëpaaty yë tios, tëë xymyo'oy ja mëj'ajt oyajtën ets wintsë'ëkë y'itëty,

Apocalipsis 12:3

Ënät ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Zacarías 9:16

Jä'ä xëëw jëtu'un nëjkx yë Wintsën tyajtso'oky yë nyaax kyajpn tä yë ja'ay tyajtso'okyën yë kyupixyny mëti'ipë kupixyny këwent'ajtpën ets nëjkx jëtu'un tä tsaajën oypyë y'atë'kx y'ajajtë ma kyë'ëm naax kyë'ëmkajpnëtyën.

Jueces 13:18

E ja Wintsën ja kyukäjpxy tyaa y'ëtsooy: ¿Wi'ix ko xynyijawëja'any yë nxëëwës? Yë'ë yu'utsyës nmëët'aty.

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Génesis 32:29

Ënät ja Jacob ojts näjyëtu'un tyajtëy ja naaxwiinyëtë ja'ay: Mijts ënät tyam tuk'ëwa'anëkës, ¿tii mxëëwajtyp? Tää ja naaxwiinyëtë ja'ay y'ëtsooy: ¿Wi'ixës ko yë nxëëw xyajtëy? Ënät ja naaxwiinyëtë ja'ay jämyë kyënu'kxë.

Apocalipsis 6:2

Ënätës n'ijxy tu'uk ja poop kwaay ets mëti'ipë ja poop kwaay tyuk'u'unyääpyën, ti'pxn tu'uk pyakäjpy ets yajmooy tu'uk ja kyujup ets tsyo'ony tsiptuunpë ets myëta'akëty.

Isaías 62:3

Mijts mëj'äämpy m'ita'any ma Tios kyë'ëjën, jëtu'un tä tu'uk kujänën mëti'ipë yajkutujkpë yajtuumpyën,

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Tios wiinkjaty yajtijp.

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënäty pyiky y'uuky, ma ënäty ja xyoontakën tpaatyën.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Daniel 10:6

Jëtu'un yë nyini'kx y'ajajy tä topacië kepyën, jëtu'un yë wyiin jyëjp y'atë'kxy tä wëtsukën, yë wyiin jëtu'un yaj'ixy jëënyä'änkën, yë kyë'ë tyeky jëtu'un kyëxë'ëky tä tsuxkpujxnën, ko kyäjpxy jëtu'un yajmëtoy mayjyä'äy yowë kajpxp.

Juan 17:11

Ka'apës n'ëkyajpaatanë naaxwiiny, je'eyëp ko yë'ëjëty naaxwiiny yë wyë'ëmtë; ëjts jamës nnëjkxy ma mijtsën ets tu'ukyë nyajpatmëty. Tios Teety Wa'atspë, ijx'it këwent'at mëët ja mxëëw ja myëk'ajtën, ja mxëëw mëti'ipës të xymye'eyën ets tu'ukmukyë yajpaatëty, ijxtëm ëëtsajtëmën.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënäty jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Efesios 1:21

ojts tpëjktä'äky ets tnikopk'atëty tu'kë'ëyë ja ënä'ämën kutujkën, mëk'ajtën ets ma tu'kë'ëyë mëti'ipë jää'ajtëpën, ma tyampën ets mëti'ipë miimp këtakpën.