Apocalipsis 18:23 - Biblia Mixe de Quetzaltepec

²³ Ka'ap y'ëkjaj y'ëktë'kxnëty ja kutë'kxn, nijëna'a kya'ëkyajmëtoownëty ja xëëwtu'unën, ja pëjkën ukën, oy ja m'ajuuy m'ato'kpë mëkja'ay të jya'itë yaa naaxwiiny. Tëë nëkoo xywin'ëëny ja naaxwiiny ja'ay mëët ja mpanajxën.

Biblia Dc en Mixe de Quetzaltepec

²³ Ka'ap y'ëkjaj y'ëktë'kxnëty ja kutë'kxn, nijëna'a kya'ëkyajmëtoownëty ja xëëwtu'unën, ja pëjkën ukën, oy ja m'ajuuy m'ato'kpë mëkja'ay të jya'itë yaa naaxwiiny. Tëë nëkoo xywin'ëëny ja naaxwiiny ja'ay mëët ja mpanajxën.

Apocalipsis 18:23 ပူးပေါင်းရင်းမြစ်များ

Apocalipsis 18:3

Jä'äkyëjxm jëtu'un jyäty ko ja naaxwiinyëtë ja'ay të tuktuny ja y'ëxëëktu'unën, tëë ja yajkutujkpë tmëpokytyuny ets näjyëtu'un ko ja ajuuy ato'kpë ijty myeenypyaatë ko tooktë mëti'ipë yë Babilonyë yajtuuntëkoopyën mëj këjää.

Isaías 23:8

¿Pën ya'atë jëtu'unpë ënä'ämën të tpëjktä'äky ets ja Tirë kajpn o'ktëy jyatëty, ma ja yajkutujkpë y'ityën mëti'ipë ja jyä'äy ajuupy ato'ktëpën, mëti'ipë ja jyä'äy kumeenyëtyën ets mëj'äämpy y'itën?

Nahúm 3:4

Ets yë'ë poky myëët'ajtëp yë to'oxytyëjkëty mëti'ipë jyot nyini'kx tyo'ktëpën, ja to'oxytyëjk oypyë yaj'ixyën ets tsujpë kyëxë'ëkyën, mëti'ipë nyiwintaj'ajtypyën ja patooy panajxën, mëti'ipë ëxëëk ja naax kajpn të tyaj'ëtë'ëtsyën ko të tpatoy tpanaxy.

Jeremias 7:34

Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënäty mjuuky'atën ets nëjkxëp kë'ëm xy'ixtë.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.

Apocalipsis 18:9

E ko ja yajkutujkpëtëjk ets ja ënä'ämpëtëjk t'ixtëty ja jok ko ënäty të tyooypyëjknë, ënät tpajë'ë tpaya'axtë mëti'ipë ënäty të tmëpokytyuntën.

Apocalipsis 17:5

Jam wyinpokëjxm, jam kyëxja'ayëty ja aaw ayuk ka'apë oy yajja'akyukën. Jëtu'un jam kyëxja'ayëty: Mëj Babilonyë, mëti'ipë nyikopk'ajtypyën ja ku'into'oxy, ja pokytyuunk ets ja ëxëëk winma'any.

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Proverbios 24:20

Jä'ä ko yë'ëjëty ka'ap oy kyëxa'antë; Yë ëxëëk ja'ay jëtu'un pyitsa'any tä tu'uk kutë'kxnën.

Job 21:17

¿Jëna'a yë ëxëëkja'aytyëjk të y'ëkupi'tsëtëpë? ¿Jëna'a të y'ëk'ëyo'onpatëpë? ¿Jëna'a yë Tios të y'ëktukjoot'anpëjkëtëpë ets të y'ëk'yaj'ëyoowëtëpë?

2 Reyes 9:22

Ko ja Joram t'ijxy ja Jehú, tä t'ënëmaay: ¿Wi'ix Jehú oypyë myajmiinpyë, ëkë mtsiptunaanpë? Tä ja Jehú y'ëtsooy: ¿Wi'ix yjyää'atëty ja jotkujk'ajtën, pën mijts yë mtaak, Jezabel, je'eyëm tuun'ëtë'ëtsy ja ëxëëkpë, ma ja wiink tios t'ëwtatyën ets ma ja myëku'uk tpatoy tpanaxyën?

Apocalipsis 22:5

Ka'ap ja kootspë jam y'ita'any ets mëti'ipë ënäty jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Hechos 8:11

Yë'ëts ja xëëwmääpyë ja jyä'ä pyatuunëtëp, jä'ä ko tëë ënäty kanaak jëmëjt wyin'ëënëtë.

Isaías 47:9

Mäjtsk ja ëyo'on jotmay mëti'ipë mniminanëpën, ets tu'kxëëyë tyuna'any jyata'anyë: Ku'ooky mwë'ëma'any ets u'unktuk, oy mjatuny mjaakäjpxy ets oy jënu'un yu'utsykyäjpxy xyjyanijawë ets xyjyatukjaty.

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Apocalipsis 6:15

Ja yajkutujkpëtëjk, ja wintsëntëjk, ja tsiptuunpëtëjk, ja kumeenyjyä'äytyëjk, ja kopktëjk, ja mëtuunpëtëjk ets ja yajmëtuunpëtëjk; je'eyë ja nyäyu'tstaayëtë aankjoty ets tsaajutjoty,

Apocalipsis 9:21

Ets ni yë'ë tka'ëxmajtstë ja yajja'ay'o'k, ja panajxk, ja ëxëëk juukyajtën ets ja mä'tsk.