Apocalipsis 18:21 - Biblia Mixe de Quetzaltepec

²¹ Ënät tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Biblia Dc en Mixe de Quetzaltepec

²¹ Ënet tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Apocalipsis 18:21 ပူးပေါင်းရင်းမြစ်များ

Ezequiel 26:21

O'ktëy nyaj'awinpita'any këtiipë m'ëk juuky'ajnëty. Oy pën mja'ixta'ajëtëty ka'ap nëjkx myajpaaty. Ëjts Wintsën, ëjts ënaanp.

Apocalipsis 5:2

Ënät n'ijxyës tu'uk ja tsajpjotmëtë kukäjpxy mëk'ajtënmëëtpë tyajtëy ets janty mëk kyäjpxy: ¿Pën paat'ajtëp tyaj'ëwa'atsëty yë noky mëti'ipë wëxtujkpëky tsyä'äyëtyën?

Apocalipsis 20:11

Ënät n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.

Apocalipsis 16:20

Jëtu'unts wyintëkooytyë tu'kë'ëyë ja naax mëti'ipë mejy akujky yajpatëpën ets näjyëtu'un ja tun kopk wyintëkooytyääy.

Apocalipsis 12:8

Ka'ap myëtaktë, ets ka'ap ojts maa y'ijtakn tpaatë.

Daniel 11:19

Nëjkxëp ja yajkutujkpë anëkëjxytsyowpë jam tsyo'onë ets niwinpitëty ma ënäty të tsyoonyën; je'eyëp ko ëyo'onjoty nëjkx kyuye'eyë ets ja jyuukyajtën yajpëkëty, ka'ap nëjkx nijëna'a y'ëkyaja'amyäjtsnë.

Job 20:8

Jëtu'un yaj'ijxtëkoyä'äny tä kuma'ayën, tä tii koots yaj'ixyën ets ka'ap pën tpaaty.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Apocalipsis 10:1

Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Salmos 37:36

e tëë ja jyëwa'knë, ka'ap ma y'ëkyajpatnë; tëës njajaak'ixta'ay, ka'apës ma të n'ëkpatnë.

Nehemías 9:11

Mäjtskpëky ojts xyajwa'kxtë ja mëjnëë ets nyajxtë wa'ats pëk; e ja myëtsiptëjkëty wa'ats xyajkiintaay jëtu'un tä mëjtsaa kyinyën këknëëjoty.

Éxodo 15:5

Jap kya'ataaytyë këkmejyjoty. Jëtu'un kyuka'anajxtaaytyë tsaajën. Ja komnëë ojts nyijä'tstëkoyëtë.