Apocalipsis 18:19 - Biblia Mixe de Quetzaltepec

¹⁹ Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.

Biblia Dc en Mixe de Quetzaltepec

¹⁹ Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.

Apocalipsis 18:19 ပူးပေါင်းရင်းမြစ်များ

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënäty o'ktëy të jyat të kyëpätë. Ënät ojts jam nyëjkxtë ma ja Tios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Ezequiel 27:30

Nëjkxëp y'ëwë'ëktë ets mijts myajnijë'ë myajniya'axëty. Nëjkxëp naaxway nyätyukupëkëtë ets nëjkx jyaamyäts nyaaxyätstë.

Apocalipsis 18:3

Jä'äkyëjxm jëtu'un jyäty ko ja naaxwiinyëtë ja'ay të tuktuny ja y'ëxëëktu'unën, tëë ja yajkutujkpë tmëpokytyuny ets näjyëtu'un ko ja ajuuy ato'kpë ijty myeenypyaatë ko tooktë mëti'ipë yë Babilonyë yajtuuntëkoopyën mëj këjää.

Job 2:12

Jëkäm t'ijxpatë ja Job ets tyëjkëtyë jëëpyë yaxpë, mëk tjawëtë ko ja Job yajpaaty yuujoty pa'amjoty, paaty ja wyit tkë'tstëëwtë ets nyätyukupëjkëtë ja naaxway.

Apocalipsis 18:8

Paaty yë'ë, tu'kxëëyë nëjkx yë mëj ëyo'on tyukja'tyë: ja o'kën, ja jotmay, ja yuu xëëw ets yajnino'okëty; jä'ä ko ja Wintsën ja mëk'ajtën tmëëtëty paaty yajtëytyuna'any.

1 Samuel 4:12

E ojts tu'uk oywyi'ix jyaakke'eky jam tsipjotm, yë jyä'äy yë Benjamín ets pëyi'ikyë jyä'äjty jam Siló, jä'ä xëëw, nikëëts ixkëëts jyä'äjty ets ninaax ëxnaax.

Nehemías 9:1

Kom i'px majktaxk xëëw, jä'ä po'o tyu'ukmujktaaytyë ja Israel ja'ayëty ets y'ayuu'ata'antë; jä'ä ijty tëëyëp ja'ay tuntë wa'ats ja wyääy kyopk tyaj'ujtsta'atë mëët ja naaxway ets nyätyukxojxta'ajëtë ja wit tujkxy nikëëts ixkëëts,

2 Samuel 13:19

ojts nyätyukupëjkta'ayë kuyjaam, kyë'tstaay ja wyit mëti'ipë ënäty jam pyëjktäkpyën, je'eyë nyäkyumajtskëtakë ets ojts nyijkxy jëëpyë yaxpë tu'ktu'u.

Apocalipsis 17:16

Ja majkpë ja waj mëti'ipë të xy'ixyën ma mëj jëyujkën, nëjkxëp t'ëxëëk'ixtë ja ku'into'oxy ets t'ëxwopa'antë niwa'ats ëxwa'ats, nëjkxëp ja nyi'kx kyopk tsu'tsëtë ets nino'këtë.

Isaías 13:19

E ja Babilonyë ja'ayëty mëti'ipë kumeenyëtyën, ja naax kajpn ma yajpaatyën winë mëti'ipë oyëtyën ets tsowëtyën, ma ja Caldeo ja'ayëty tpaatën ja jyotkujk'ajtënëty, o'ktëy nëjkx jyatë kyëpätë jëtu'un tä ja Sodomë ja'ayëty ets Gomorra ja'ayëty jyajtën kyëpäjtën koos nyajkutëkooy ja kajpn.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.